Суронлар жангида ғолибсан, Ватан, Яна ўттиз бир бор қутлуқсан, | Xadicha.uz
Суронлар жангида ғолибсан, Ватан,
Яна ўттиз бир бор қутлуқсан, Ватан!
Навқирон келбатинг ростланаверсин,
"УЛУҒЛАРДАН ЎЗИНГ УЛУҒСАН, ВАТАН!"
Шамоллар емирмас қоядек мағрур,
Қандай юрагимга сиғсин бу ғурур.
Ўрмонин ватан дер йўлбарслар, шерлар,
Ким Ватан демаса, ўлгани шудир!
Забардаст йигитдек бўй бердинг бугун,
Дўсту-душманингга ўй бердинг бугун.
Ҳудди кечагидек илк қадамларинг,
Ўттиз бир бор тўй бердинг бугун!
Келажакка шахдам-шахдам босдик қадам,
Юракларда ўзинг ёққан чироқларинг.
Сўз берамиз , ҳилпирайди энди мудом,
Дунё узра кўтарилган байроқларинг.
Синовлари бизни мағлуб этмас асло!
Енгиш учун етар шояд имконимиз!
Жаннатлардан эсиб турган ҳаволари,
Аллоҳ суйган шу Ватандир маконимиз!
Жам бўламиз, жам бўламиз, жам бўламиз!
Тинч тунлару, тинч кунларнинг шукронаси.
Ватан дея ёниб ёзган шеърлар бўлсин,
Шоирларнинг туҳфасию, тўёнаси!
Ватаним!
Ғурурим!
Жонимдаги жон,
Тинчингни бузганга мана мен қалқон!
Ўттиз бир ёш муборак мустақил юртим,
Ўттиз бир ёш муборак ҳур Ўзбекистон!
Малика Тавфиқ
@xadichauz
