Имтиёз бормиди? Коррупсияга қарши курашиш агентлигида солиқ | Oqqo'rg'on TADBIRKORLARI

Имтиёз бормиди?

Коррупсияга қарши курашиш агентлигида солиқ имтиёзлари берилган корхоналар фаолияти тaҳлил қилди. 2022 йил биринчи чорак ҳолатига кўра, жами 44 183 та корхона умумий қиймати 9 трлн сўмдан зиёд солиқ имтиёзидан фойдаланган.

Қизиқ бир факт: ушбу келтирилган реестрга Ўзбекистоннинг ТОП-10 солиқ тўловчилари қаторида етакчилик қилиб келаётган Навоий ва Олмалиқ тоғ-кон металлургия комбинати киритилган. Худди шу рўйхатда бутун Республикадаги молия институтларининг деярли ярмини ташкил этадиган 13 та банкни ҳам кўришимиз мумкин. Ҳатто, хорижий компаниялар ҳам мамнуният билан имтиёзларчилар орасида рўйхатдан ўтган.

Энг ажабланарлиси, ҳамма "текин томоқ" деб номлаган ўша машҳур UzAuto Motors бу рўйхатнинг қаерида? Айтганча, автомобил ишлаб чиқарувчи ўтган йилдан буён йирик солиқ тўловчилар рўйхатига киритилган.

Мамлакатларнинг йирик солиқ тўловчиларидан бирини ҳеч қандай имтиёзларсиз бюжетга ҳисса қўшадиган лидерга айлантириш бундай вазиятда, фақатгина уларнинг менежментига тасанно айтиш мумкин.