Sayyoha

2022-12-24 20:19:23 ​ 365 kunga 365 ibratli hikoya
Y. Saidaliyev, A. Abdurahmonov (nashrga tayyorlovchilar)

Inson o‘ziga belgilangan rizqning kelishiga chindan ishonishi kerak. Rizq uni unutmaydi va qayerda bo‘lsa ham topib keladi...

Bu kitobni sotib olganimga ertaga 1 yil bo‘lar ekan. Shu sababli reviewni ertaga chiqarsam bo‘larkan-a, ha mayli))

1 yilga bag‘ishlangan kitobni 18 kunda o‘qib tashlagandim. Judalar zerikarli deb topgan edim bu kitobni, "ertak kitob" deb nom ham berganimni eslayman. Sotib olganimga achinardim, hozir unday emas.

Kitobda 365 ta tarbiyaviy hikoya, masal va boshqalar jamlangan. Hikoyalar mavzusi ham turli xil. Har bir hikoya so‘ngida "saboq" deya xulosalar berilgan. Shu jihati yoqadi kitobning.

Kitobdagi mavzular haqida qisqacha: halollik, sabr, saxiylik ota-ona, ustoz va qo‘shnilarni hurmat qilishga chaqirish; dangasalik, yolg‘on, kibr, noshukrlik va xiyonat kabilardan qaytarish.

Nasib qilsa, kelajakda farzandlarim bilan kitobni qayta o‘qishni niyat qilganman. Bir o‘zim o‘qisam zerikaman va birpasda tugatib qo‘ya qolaman)

Sotib olganimga achinmasligim sababi: men kelajakka investitsiya kiritganimni tushunib yetganman(shu yerda haligi krutoy ko‘zoynak taqqan emoji bor deb tasavvur qiling).

"Biladiganlar bilan bilmaydiganlar teng bo‘larmidi?! — deb ayt. Albatta, aql egalarigina eslarlar..."(Zumar, 9)

Sayyoha Ochish/sharhlash

2022-12-20 00:09:34 Oxirgi paytlar o‘zimni judalar lanj his qilyapman. Biroz motiv beringizlar

Savollaringizni ham yozib qoldirishingiz mumkin.

http://t.me/questianonbot?start=1715036603 Ochish/sharhlash

2022-12-16 22:13:51 16-dekabrdan 21 kunlik marafon ham boshlandi. Ham qatnashuvchi, ham koordinator bo‘lish oson emas ekan

Video olish mahoratimga baho bering))

Sayyoha Ochish/sharhlash

2022-12-14 20:26:55 Yangi mehmonim, welcome)

@Siddiiqa 21 kunlik marafon boshlaganlar. In shaa Alloh shu marafonda ham qatnashuvchi, ham koordinatorman))

Marafonda kitob o‘qishga targ‘ib bo‘limi mavjud. Ushbu bo‘limga ko‘ra Shayximizning ikki kitoblarini 21 kun davomida o‘qishimiz kerak.

"Mukammal saodat yo‘li" hamda "Islomga bag‘ishlangan umr" kitoblarining original yoki elektron variantini olishimiz kerak edi. Birinchisining qog‘oz variantini oldim, ikkinchisining elektron shaklini.

Ikkinchisi doim kitob sotib oladigan bookcafe'imda yo‘q ekan. Boshqa do‘konlarni aylangim kelmadi. Shunga elektron o‘qiy qolaman(

Sayyoha Ochish/sharhlash

2022-12-13 10:03:15 Ochish/sharhlash

2022-12-12 17:43:04 Yangi mehmonlarim, welcome)

Ishimdan oylik olishim bilan rejalashtirgan kitoblarimni olishga chopaman.

Sizlarda qanday? Qo‘liga pul tushishi bilan kitob do‘koniga chopadiganlar bormi? Izohlarda borligingizni bildirib qo‘ying.

"Ufq" trilogiyasi sovg‘a uchun)

Sayyoha Ochish/sharhlash

2022-12-08 22:49:16 Matnning tarjimasini yozishim shart emas, deb o‘ylayman. Sababi Beginner darajadagi so‘zlar))


Sayyoha Ochish/sharhlash

2022-12-06 20:36:11 ​Insonlar uchun jamoatchilik fikrining ahamiyati (2- qism)

Bugungi to‘y-hashamlar "odamlar nima deydi?"ga o‘tkazilyapti, nazarimda. Axir to‘ydan murod ikki insonning oila qurganligini ommaga e'lon qilib qo‘yish, ikki yoshning baxtli kunini birga nishonlash emasmidi?!

Hozirgi kunga kelib bu shodiyonadan maqsad butunlay o‘zgardi-qo‘ydi. Endi insonlar karnay-surnay-u dasturxondagi noz-ne'matlar — barchasini odamlarning ko‘zi uchun, keyinchalik maqtab eslashlari uchun olib kelishyapti. Yoshlarning baxti bilan hech kimning ishi bo‘lmayapti.

Hatto to‘ydan keyin onalar qizlarining jabr-u zulm ko‘rishlariga ham yuqorida tilga olingan stereotip ta'siri ostida jim qarashyapti.

Aslida, odamlar nima ham derdi?! Gapiradi-gapiradi va unutadi. Bir hafta gapirar, bir oy gapirar yo ana boringki, bir yil gapirar, keyin unutadi, vassalom!

Ularning gap-so‘zi bilan hayotingizda hech nima o‘zgarib qolmaydi. Faqat o‘sha gap-so‘z qiluvchilar qilgan g‘iybatlari tufayli o‘z yelkalariga gunoh orttirganlari qoladi, xolos.

Bir so‘z bilan aytganda, "it hurar, karvon o‘tar".

Sayyoha Ochish/sharhlash

2022-12-06 17:16:18 ​Insonlar uchun jamoatchilik fikrining ahamiyati (1- qism)

It hurar, karvon o‘tar.

Ko‘cha-ko‘yda yurganda jamoatchilikning turli fikrlarini eshitamiz. Kimdir g‘iybat qilayotgan, kimdir ta'na toshlarini otayotgan va yana kimdir tanqid qilayotgan bo‘ladi.

Ba'zilar odamlarning fikriga e'tibor bermasliklarini aytishadi, ba'zilarning hayotini esa o‘zgalar fikri hal qilib qo‘yadi go‘yo.

O‘zi jamoatchilik fikriga ahamiyat berish kerakmikan?! Insonlar fikriga ayrim joylarda ahamiyat berish, ayrim joylarda e'tiborsiz qoldirish kerak. Qachon ahamiyat berish kerak? Qachonki o‘rinli tanqid, biror xato harakatingizga nisbatan jo‘yali fikr bo‘lsa. Qachon e'tiborsiz qoldirish kerak? Qachonki o‘rinsiz tanqid, quruq tuhmat, foydasiz g‘iybat bo‘lsa.

Afsuslar bo‘lsinki, ushbu yozilmagan qoidaga hamma ham rioya qilavermaydi. Ayniqsa, bu holat xalqimizda keng tarqalgan. O‘zbek xalqi ongida "Odamlar nima deydi?" degan stereotip chuqur ildiz otgan.

Bu stereotipni misollar yordamida ko‘rib chiqaylik. "To‘yni ixcham qilib o‘tkazaman", "boshqa millatdan kelin olaman", "ro‘mol o‘rayman", "chetga chiqib ishlayman", "alohida yashayman" desangiz, javob bitta — "odamlar nima deydi?"

Sayyoha Ochish/sharhlash

2022-12-04 16:37:02 Ochish/sharhlash