2021-01-19 22:39:29
Protsessorlarda trottling texnologiyasi nima va qanday ishlaydi?Protsessorlar kompyuterning asosiy miyasi hisoblanadi va u boshqa qismlarga qaraganda qimmat turadi. Shu sababli, ishlab chiqaruvchilar ham bu qimmat qismni ishdan chiqishini oldini olishga harakat qilishadi.
Keyingi masala, protsessorga yuklama tushganda, u qizishni boshlaydi, harorat borgan sari oshaveradi. Protsessor turiga qarab, qancha maksimal haroratda ishlashini rasmiy saytlaridan ko'rib olishingiz mumkin.
Ba'zi protsessorlar
100 gradusda ham normal ishlaberadi. Harorat juda katta bo'lib ketganda, protsessor buziladi yoki kompyuter qayta yuklanadi, yana bir variant kompyuter o'chib, protsessor normal holatga kelmaguncha yoqilmaydi.
Protsessor katta haroratda ishlamasligi uchun,
trottling texnologiyasi qo'llaniladi.
Trottling - protsessor harorati maksimal darajaga yetganda, avtomat ravishda protsessorning takt chastotasi tushishiga aytiladi. Takt chastotasi biz bilgan
GHz'da o'lchanadigan qiymat bo'lib, bir sekundda bajariladigan ishga aytiladi, misol uchun,
2.4GHz,
3.2 GHz.
Demak, trottlig rejimi ishga tushganda, kompyuter ishlashi sekinlashishni boshlaydi, chunki sekundda bajariladigan buyruqlar soni kamayadi. Shuning uchun bu rejimga ham ahamiyat berish lozim.
Trottling rejimiga yetib bormaslik uchun, quyidagilarni bajarib turish lozim:
— Kompyuterni changdan tozalash;
— termopastani almashtirib turish;
— dasturlar orqali, haroratni nazorat qilib turish;
— kullerlar ishlashini nazorat qilib turish, kerak bo'lsa almashtirish.
Trottling rejimi protsessor uchun unchalik zararli emas, lekin kompyuter ishlashini anchagina sekinlashtiradi. Bu rejim protsessorni kuyib qolishidan saqlab turadi.
Protsessor haroratini AIDA64 dasturi orqali nazorat qilishingiz mumkin.
@windows_androids
46 viewsedited 19:39