ВУЗ 24 – БУХОРО

2022-07-02 21:57:02 Веломарафон иштирокчилари муносиб тақдирланишди

Ҳафтанинг муборак Жума кунида барчани сиҳат-саломатликка, руҳий тетикланишга жалб этаётган зиёрат веломарафони янада қувончли тус олди. Бухоро давлат университетининг 3 нафар ходими – Жисмоний маданият факультети доценти Яхши Файзиев, Физика-математика факультети доценти Илҳом Рахматов ҳамда катта ўқитувчиси Мухиддин Нарзиллаев зиёрат веломарафонида фаол иштирок этиб келаётгани учун замонавий велосипедлар билан тақдирланишди.

"ОТМларни жалб этишга улгурган ушбу хайрли ташаббусни янада кенгайтиришга даъват этамиз. Зеро, спорт инсон ўзи учун қила оладиган яхшиликларнинг энг яхши намунасидир", деди БухДУ ректори Обиджон Хамидов.

@vuzbux Ochish/sharhlash

2022-07-01 12:28:30 Магистратура ва докторантурага ҳужжат топширишда талаб этиладиган хорижий тилларни билиш даражасини баҳоловчи миллий ва халқаро тан олинган сертификатлар рўйхати эълон қилинди.

@vuzbux Ochish/sharhlash

2022-06-29 21:26:21 Эртага, 30 июнь куни соат 14:00 да Бухоро давлат университетининг фаоллар залида "Ёшлар ва кино" ҳафталиги муносабати билан "Ватан остонаси" фильми режиссёри Ҳилол Насимов бошчилигидаги бир гуруҳ ижодкорлар билан ижодий учрашув ва фильм премьераси бўлиб ўтади.

Барча кино ихлосмандларни ижодий учрашув ва кинопремьерага таклиф этамиз!

@vuzbux Ochish/sharhlash

2022-06-29 07:36:20 Бухоро давлат университетида Халқаро пресс-клубнинг Ўзбекистон Республикаси Конституциясига ўзгартириш ва қўшимчалар киритиш бўйича навбатдаги сони бўлиб ўтди

Унда вилоят ҳокимлиги ва вилоят секторлари масъуллари, ҳуқуқни муҳофаза қилиш органлари, вилоят ташкилотлари ва идоралари раҳбарлари, маҳаллий Кенгаш депутатлари, маҳалла фуқаролар йиғинлари раислари, олий таълим муассасалари раҳбарлари, профессор-ўқитувчилари, ёшлар ва оммавий ахборот воситалари вакиллари иштирок этишди.

Кун тартибидаги масала юзасидан вилоят касаба уюшмалари ташкилотлари бирлашмаси раиси Муҳаммадқосим Олимов, Бухоро давлат университети ректори Обиджон Хамидов, Халқ демократик партияси вилоят Кенгаши раиси Зулфия Тўева, вилоят халқ таълими бошқармаси бошлиғи Дилфуза Мустафоева, Ўзбекистон Миллий тикланиш демократик партияси вилоят Кенгаши раиси Мақсуд Муҳаммедов, “Адолат” СДП вилоят Кенгаши раиси Мақсуд Амонов, Ўзбекистон экологик партияси вилоят Кенгаши раиси Жаҳонгир Шарипов ва бошқалар ўз фикр-мулоҳазаларини билдиришди.

@vuzbux Ochish/sharhlash

2022-06-27 07:55:21 27 июнь — Матбуот ва оммавий ахборот воситалари ходимлари куни

@vuzbux Ochish/sharhlash

2022-06-25 14:04:42 Бухоро давлат университетининг яна бир битирувчиси мактаб директорининг ўринбосари лавозимига тайинланди

Бухоро давлат университети фаоллар залида Вобкент туман ҳокимининг биринчи ўринбосари Матёқуб Маликов иштирокида вилоят олий таълим муассасининг вобкентлик битирувчи ёшлари билан бўш иш ўринлари асосида битирувчи талабаларни ишга жойлашиш юзасидан учрашув бўлиб ўтди.

Мулоқотда туман ҳокими ўринбосарлари, ташкилот-корхона раҳбарлари, аҳоли бандлигига кўмаклашиш маркази ходимлари, тумандаги мактабгача ва халқ таълими муасасалари раҳбарлари ҳамда 200 нафардан ортиқ мазкур ОТМ битирувчи талабалари иштирок этишди.

Учрашув давомида Шакаркент МФЙда яшовчи Бухоро давлат университетининг битирувчиси Достон Жамшидовнинг ишга кириш борасидаги мурожаатига тумандаги умумтаълим мактабларининг бирига директор ўринбосари лавозимига ишга кириши ҳақида ваъда берилди.

Аввалроқ Когон туман ҳокими БухДУ битирувчиси Гулҳаё Жўраевани мактаб директорининг ўринбосари лавозимига тайинлангани ҳақида хабар бергандик.

@vuzbux Ochish/sharhlash

2022-06-25 07:31:01 БухДУ талабалари театр соҳасида муваффақиятга эришишди

ОТМ талаба-ёшлари ўртасида анъанавий ўтказиб келинаётган "Йилнинг энг фаол талабалар театр студияси" республика танловининг 2022 йилги мавсум финал беллашувлари Ўзбекистон давлат санъат ва маданият институти ўқув театр биносида бўлиб ўтди.

Унда Бухоро давлат университетининг “Бухорий” талабалар театр студияси Аҳмад Яссавий ҳикматлари асосида саҳналаштирилган "Чор дарвеш" спектакли билан иштирок этиб, фахрли 3-ўринни қўлга киритди.

@vuzbux Ochish/sharhlash

2022-06-25 07:19:44 БухМТИ ректори Қозон федерал университетида ташкил этилган учрашувда иштирок этди

Қозон федерал университети Наберенжночелнинский институти муҳандислик марказида Ўзбекистон Республикаси олий таълим муассасалари ректорлари А.Усманкулов (Жиззах политехника институти) ва Ш.Эргашев (Наманган муҳандислик-қурилиш институти)ларнинг институт кенгаши аъзолари билан учрашув бўлиб ўтди.

Мазкур учрашувда Бухоро муҳандислик-технология институти ректори Нусратилло Баракаев ҳам иштирок этди.

Учрашув кун тартибидан 2022/2023-ўқув йили учун талабалар қабули режасини белгилаб олиш, Қўшма таълим дастури доирасида қилинган ишларнинг 1-босқич якунлари муҳокамаси, олий таълим муассасалари ўртасидаги режалар келишуви каби долзарб масалалар ўрин олди.

@vuzbux Ochish/sharhlash

2022-06-25 07:11:37 Бухоро давлат тиббиёт институти томонидан Ёшлар форуми ўтказилди

Куни кеча Бухоро шаҳридаги Ёшлар маркази биносида Бухоро давлат тиббиёт институти ташаббуси билан Ёшлар ишлари агентлиги вилоят бошқармаси ҳамкорлигида форум ташкил этилди.

Унда институтда таҳсил олаётган мингдан ортиқ иқтидорли, ташаббускор ва фаол талаба-ёшлар иштирок этишди.

Дастлаб, юртимиз мадҳияси янгради. Тадбир очилишида сўз олган институт ректори Шуҳрат Тешаев талаба ёшларни яқинлашиб келаётган 30 июнь Ёшлар куни муносабати билан самимий муборакбод этди.

Институтнинг талабалар иштирокидаги мазкур Ёшлар форуми доирасида фан, спорт, касб-ҳунар тўгараклари ўтказилди. Форумнинг якуний қисми ижодий ва бадиий кечага айланди. Талабалар томонидан саҳна асарлари, ватанни мадҳ этувчи куй-қўшиқлар, пазанда ва тикувчи қизларнинг ижод маҳоратлари ҳамда шахмат-шашка бўйича мусобақалар ташкил этилди.
Бир сўз билан айтганда форум талабаларга Ёшлар куни байрамига тайёргарлик вазифасини ўтади.

@vuzbux Ochish/sharhlash