UFC 258. Камару Усман ва Гилберт Бёрнс тарозига чиқди
Бизнинг вақт билан эртага тонгда АҚШнинг Невада штати Лас-Вегас шаҳрида навбатдаги UFC турнири бўлиб ўтади.
UFC Apex арена мезбонлик қиладиган UFC 258 оқшомининг марказий жанги ярим ўрта вазн тоифасида амалдаги чемпион Камару Усман ҳамда унинг камарига даъвогар Гилберт Бёрнс ўртасида бўлиб ўтади. Бугун эртанги жанг олдидан анъанага кўра тарозидан ўтиш ҳамда кўз уриштириш маросимлари ўтказилди. Унда ҳар икки жангчи ҳам белгиланган вазн меъёрини бажариб, бир хил натижа қайд этишди - 77,1 кг.
