2023-05-04 10:51:16
"Muhabbat"
Menimcha mendagi asl muhabbat,
Foyda istamadim sevganim uchun
Qaysarmi? Bolami? Ayladim toqat,
Shunchaki quvondim borligi uchun.
Koʻrmadim: sochlarin ranggi begona,
Oddiy tabassumga mahbusi boʻldim
Qizgʻonib vasliga boʻlib devona,
Hajrida ming yonib ming bora oʻldim.
Sezmadim qoʻllarning qaynoq taftini,
Ishqida yonganim yetarli boʻldi
Tutmadim barmogʻin yoki kaftini,
Chunki soʻzlaridan koʻngillar toʻldi.
Oʻylayman u qanday goʻzal farishta,
Qanday oshiq qilgan meni oʻziga?
Boʻlmasa sevmasdim bitta koʻrishda
Jinoyat emasmi, qarash koʻziga..
Menimcha u menga Alloh tuhfasi,
Hayotimni bezash uchun berilgan
Agar sevishimga bolsa shubhasi,
Oʻqisin! Yurakka ismi yozilgan...
Habibullayev Shohruxbek
https://t.me/Shaxsiysatrlar
109 viewsVasila, 07:51