Вазият 24 — Ўзбекистон хабарлари

2022-08-30 11:48:01 «Анча йиллар олдин АҚШ жамоатчилигида ҳам ЛГБТга нафрат бор эди. 30-40 йил ичида кескин қарашлар ўзгарди. Одамлар ЛГБТ аъзолари атрофида эканини, хусусан, қўшниси, яқини, жияни эканини билди» — АҚШнинг Ўзбекистондаги элчиси Дэниел Розенблюм Ochish/sharhlash

2022-08-30 09:58:01 «Ўзбекистон ҳукумати иккиламчи санкцияларга тушиб қолмаслик чораларини кўрмоқда. Бу борада АҚШлик мутахассислар билан маслаҳатлашувлар ўтказмоқда» — АҚШнинг Ўзбекистондаги элчиси Дэниел Розенблюм Ochish/sharhlash

2022-08-30 08:08:01 «Бизда бу борада маълумот йўқ. Шунинг учун Қорақалпоғистонда иш олиб бораётган комиссия ҳисоботларини кутаяпмиз» — АҚШнинг Ўзбекистондаги элчиси Дэниел Розенблюм Ochish/sharhlash

2022-08-30 07:46:01 Расман: сентябрь ойида Самарқандда Шанхай ҳамкорлик ташкилоти давлат раҳбарларининг олий даражадаги навбатдаги Саммити бўлиб ўтиши сабабли, Самарқанд шаҳридаги мактабларида ўқув жараёни 19 сентябрьдан бошланади. Қолдирилган дарс соатлари ўқув йили давомида таътиллар ҳисобидан тўлдирилади. Ochish/sharhlash

2022-08-30 07:24:01 Хива шаҳрига 2024 йилда тезюрар поезд олиб келинади. Унга Жалолиддин Мангуберди номи берилади. Ochish/sharhlash

2022-08-30 07:02:01 «Очиқ» бюджет" порталининг профилактика ишлари узайтирилди. Аввалроқ, профилактика ишлари сабаб сайт фаолияти 29 август соат 18:00 га қадар тўхтатилган эди. Молия вазирлигининг маълум қилишича, ҳозирда порталда техник ишларни амалга ошириш давом этмоқда, шу сабаб, профилактика 1 сентябрь соат 18:00 га қадар давом этади. Ochish/sharhlash

2022-08-26 14:55:17 Самарқандда йигит ўзини ҳокимнинг жияни деб таништириб, фуқаролардан пул ундирди

Йигит Халқаро ислом академияси талабаси бўлган

Самарқанд вилояти Жомбой туманида ўзини ҳокимнинг жияни деб таништириб, порахўрлик қилган Хақаро ислом академияси «Исломшунослик» факультети талабасига тегишли чора кўрилди. Бу ҳақда «Sevimli» телеканали «Zamon» кўрсатувида хабар берилди.

Қайд этилишича, Жиноят ишлари бўйича Жомбой туман судида ургутлик 29 ёшли йигитга нисбатан жиноят иши кўриб чиқилган.

Унга кўра, 2021 йил фермер хўжалиги раисига ўзини Жомбой туман ҳокими Қаюм Собировнинг жияни деб таништирган. Хўжаликда юзага келган ғалла ҳосили бўйича қарздорликни йўқ қилиб беришини ва солиқ бўйича юзага келган қарздорликни ноль қилиб бериши учун 700 доллар ва 2 млн 800 минг сўм пулни алдов йўли билан олиб, сарфлаб юборган.

Шунингдек, у ўзини Давлат хавфсизлик хизмати ходими сифатида таништириб, мактаб балансида бўлган, 3 сотих ер майдонини 10 минг доллар эвазига, Халқ таълими вазирлиги орқали Жомбой туман ҳокимлигининг захирасига олдиришни айтган.

Аукцион савдосига чиқариш учун туман ва вилоят ҳокимлигидаги бир нечта яқин танишларини моддий манфаатдор қилиб, олиб беришни ваъда қилган.

Таъкидланишича, ҳолат юзасидан Жомбой туман судининг очиқ суд мажлисида судланувчининг туман ҳокимига қариндошлик алоқаси борлиги тасдиқланмаган. Унга нисбатан Жиноят кодексининг 168-моддаси (Фирибгарлик) 3-қисми «б» банди билан ҳар ойлик иш ҳақининг 30 фоизи миқдорини давлат даромади ҳисобига ушлаб қолган ҳолда 2 йил муддатга ахлоқ тузатишлари жазоси тайинланган.

Жиноят кодексининг 211-модда (Пора бериш) 2-қисми «а» банди билан 57- модда (Енгилроқ жазо тайинлаш) қўлланилиб, 3 ярим йил муддатга озодликни чеклаш жазоси қўлланилган.

Аввалроқ Бухорода ўзини ҳоким жияни деб таништириб, фуқароларни чув туширган хавфли рецидивист суд қилингани ҳақида хабар берилганди.
Қайд этилишича, у бир неча маротаба Жиноят кодексининг турли бандлари билан жавобгарликка тортилган. Хусусан, 2015 йилдан хавфли рецидивист сифатида рўйхатга олинган.

Вазият24 Ochish/sharhlash

2022-08-26 14:11:01 Ўзбекистонда қарийб 6,5 млн кв. метр турар-жойлар ишга туширилгани маълум бўлди

Кўрсаткич 2021 йилнинг мос даврига нисбатан 6,4 % га ошган

Ўзбекистонда 2022 йилнинг январь-июнь ойларида умумий майдони 6467,5 минг квадрат/метр турар жой ишга туширилган. Бу ҳақда Статқум ахборот хизмати хабар берди.

Маълум қилинишича, 2022 йилнинг 7 ойида фойдаланишга топширилган турар-жойларнинг:

— якка тартибда қурилган турар-жойлар – 6285,5 минг квадрат/метр;

— намунавий лойиҳалар асосида қурилган турар-жойлар – 172 минг квадрат/метр;

— бошқа субъектлар томонидан қурилган турар-жойлар – 10 минг квадрат/метр қисмини ташкил қилиши айтилган.

Аввалроқ 2022 йил январь—март ойларида Ўзбекистон бўйича умумий майдони 2,8 млн квадрат метр бўлган турар жойлар ишга туширилгани ҳақида хабар қилинганди.

Вазият24 Ochish/sharhlash

2022-08-26 13:38:01 Дунёда йил бошидан буён 1 миллион киши коронавирусдан вафот этгани маълум бўлди

Оммавий эмлаш даражаси 10 фоиздан кам давлатлар сони 10 тани ташкил этди

Дунёда 2022 йилнинг бошидан буён қарийб 1 миллион киши коронавирус инфекцияси сабаб вафот этганини Жаҳон соғлиқни сақлаш ташкилоти раҳбари Тедрос Гебрейесус навбатдаги баёнотида айтиб ўтди. Бу ҳақда ССВ хабар берди.

«Шундан келиб чиқиб, у барча мамлакатларни COVID-19га қарши янада фаол курашишга чақирди. Биринчи навбатда, тиббиёт ходимлари, кекса ёшли инсонлар ҳамда аҳолининг хавф гуруҳига мансуб қатлами кенг қамровда эмланиши зарурлигини таъкидлади» — дейилган хабарда.

ЖССТ раҳбарининг қайд этишича, оммавий эмлаш даражаси 10 фоиздан паст бўлган давлатлар сони 10 тани ташкил этяпти. Дунё аҳолисининг учдан бир қисми, жумладан, кам даромадли мамлакатларда фаолият кўрсатувчи тиббиёт ходимларининг учдан икки қисми ҳамда кексаларнинг тўртдан уч қисми эмланмаган.

Эслатиб ўтамиз, Италияда 36 ёшли беморга бир вақтнинг ўзида ҳам Covid-19, ҳам маймун чечаги, ҳам ОИВ ташхиси қўйилгани ҳақида хабар берилганди.

Вазият24 Ochish/sharhlash

2022-08-26 12:57:01 Россия—Украина уруши бошлангандан бери 1 млнга яқин россиялик Европа ҳудудига кўчиб кетди

Украинадан Европа Иттифоқига 7 миллион 700 минг киши қочиб ўтган

Россия қўшинлари Украинага бостириб кирган февраль ойидан буён тақрибан 1 миллион нафар россиялик фуқаролар Европа Иттифоқига кириб келди. Бу ҳақда Германиянинг «DPA» агентлиги хабар берди.

Унга кўра, Европа чегара ва соҳил қўриқчилиги агентлиги (Frontex) вакилининг айтишича, 24 февралдан 22 августгача Европа Иттифоқи чегараларини 998 минг 85 нафар россиялик кесиб ўтган.

«Frontex»нинг сўнгги маълумотларига кўра, уруш бошидан бери Европа Иттифоқи мамлакатларига Украинадан 7 миллион 700 минг киши қочиб ўтган. Айни пайтда бу вақт оралиғида 4 миллион 700 минг нафар украиналик ўз мамлакатига қайтиб кетган.

Аввалроқ Украина уруш бошлангандан бери Херсондаги рус аскарларига энг йирик ҳарбий ҳаво ҳужумини уюштиргани, Украина уруш бошлангандан бери 12,4 миллиард долларлик олтин сотгани ҳақида хабар берилганди.

Вазият24 Ochish/sharhlash