Get Mystery Box with random crypto!

MILLIY SERTIFIKAT TOG‘RISIDA AYRIM SAVOLLARGA JAVOB Milli | Uyga vazifa

MILLIY SERTIFIKAT TOG‘RISIDA AYRIM SAVOLLARGA JAVOB

Milliy sertifikat qaysi fanlardan o‘tkaziladi?

Javob: Matematika, biologiya, kimyo, fizika, ona tili adabiyot, chet tili, tarix, geografiya fanlaridan o‘quv yili davomida 2 marta o‘tkaziladi.

Kimlar qatnashishi mumkin?

Javob: Abituriyentlar, talabalar va o‘qituvchilar qatnashishi mumkin.

O‘qituvchilar uchun milliy sertifikatning qanday imtiyozi mavjud?

Javob: Sertifikatni qo‘lga kiritgan o‘qituvchilar 20% ustama olishlari mumkin. (Buning uchun 80% natija ko‘rsatishingiz lozim)

Abituryentlar uchun milliy sertifikatning qanday imtiyozi mavjud?

Javob: Sertifikatni qo‘lga kiritgan abituriyentlar belgilangan fan bo‘yicha OTM ga kirish imtihonlarini topshirmaydi.
Sizga o‘sha fandan foiz ko‘rsatkichingizga qarab ball beriladi. (86% dan yuqori bo‘lganlarga maximal ball beriladi)

Necha ball olsam sertifikat olishim mumkin?

Javob: O‘qituvchilar 80%, abituriyentlar 60% natija ko‘rsatishi lozim.

O‘qituvchi va abituriyentlarga alohida o‘tkaziladimi?

Javob: Yo‘q, abituriyentlarga ham o‘qituvchilarga ham bir xil darajada test savollari beriladi va belgilangan sanada bo‘lib o‘tadi.

Qatnashish shartlari qanday?

Javob: Belgilangan vaqt oralig‘ida my.uzbmb.uz sayti orqali onlayn ro‘yxatdan o‘tishlari lozim bo‘ladi va bazaviy hisoblash miqdorining 1,5 baravar miqdorida (450 ming so‘m) to‘lovni amalga oshirishlari kerak.


Test imtihonlari onlayn bo‘ladimi yoki offlayn?

Javob: Faqat ro‘yxatga o‘tish onlayn, test imtihonlari esa barcha fanlardan offlayn tarizda bo‘ladi.

Test imtihonlari qaysi hududlarda bo‘lib o‘tadi?

Javob: Imtihonlar belgilangan sanada respublikamizning barcha viloyat markazlarida tashkil qilinadi. Abituriyent o‘zlariga yaqin bo‘lgan hududni tanlagan xolda topshirishlari mumkin. ( masalan siz Samarqand viloyati Kattaqo‘rg‘on tumanida istiqomad qilsangiz, imtihon hududini onlayn ro‘yxatga olish vaqtida Samarqand shahrini belgilagan xolda topshirishingiz mumkin.)
Agar siz tanlagan hududda bosh joy qolmagan bo‘lsa boshqa hududni tanlagan xolda topshirishingiz mumkin. Lekin bu sizga ortiqcha xarajatni keltirib chiqaradi. Shu sababdan ro‘yxatga olish boshlangan kundan 1,2 kun o‘tgach onlayn ariza topshirib joyingizni band qiling!


Geografiya fanidan ro‘yxatga o‘tish qachondan boshlanadi?

Javob: Tarix va geografiya fanlaridan ro‘yxatdan o‘tish 10-apreldan 24-aprelga (shu kuni ham) qadar my.uzbmb.uz sayti orqali amalga oshiriladi.

Geografiya fanidan milliy test imtihonlari qachon o‘tkaziladi?

Javob: Ro‘yxatdan o‘tish yakunlangandan keyin 21-may kuni (ro‘yxatdan o‘tish davomida belgilagan hududingizda ) bo‘lib o‘tadi. Talabgorlar imtihon o‘tkazilish joyiga shaxsni tasdiqlovchi hujjat va ruxsatnoma bilan test boshlanish vaqtidan 30 daqiqa avval kelishlari lozim.

Testlar yangi darslikdanmi yoki eski darslik tushadimi?

Javob: Asosan, eski darslikdan
Va yangi darslikdan 1-2 ta tushishi mumkin.
Vaqtm kam qolganini inobatga olib faqat eski darslikni ko‘rib chiqishingizni so‘raymiz.

Nechta savol bo'ladi?

Javob: 45 ta (35 ta yopiq va 10 ta ochiq (javobini yozish kerak boʻladi) test.

Qancha vaqt beriladi?

Javob: 150 daqiqa

Sertifikatning amal qilish muddati qancha?

Javob: 3 yil

Jami necha ball bilan baholanadi?

Javob: Jami ball 100 ball.
45 ta savolning barchasi bir xil baholanmaydi. Savollar qiyinlik darajasi(Y1, Y2, O1, O2) ga ko'ra 3 ta turga bo'linadi: 1,3 ball, 2,2 ball va 3,2 balli savollar.


Imtihon tugagandan keyin natijalari qachon e‘lon qilinadi?

Javob: Natijalarni imtihon yakunlangandan keyin 20 kun davomida shaxsiy kabinet orqali e‘lon qilinadi.

Abituriyent milliy sertifikat olsa kirish imtihoni topshirmasa ham bo'ladimi?

Albatta mumkin.