Ўзимизда яратилган Амир Темур образининг бошидаги тожини кўргансизларми? Бу христиан оламининг тожи. Бирорта шарқ подшоҳи бошига бунақа қўнғироқли нарса таққан эмас. Буни Герасимов ясаган, у Европа одами-да, Москвадан келган ва шуни чизиб қўйган. Лекин, бу тимсол шу даражада оммалашдики, Темурийлар музейининг шакли ҳам Герасимов чизган Амир Темур бошидаги қалпоқ билан бир хил. Ўрганадиганларимиз жуда кўп, ҳали кўп ишлар қилишимиз керак. Биз Бобурни тўғри англаяпмизми деган масалага ҳам худди шу нуқтайи назардан ёндашишимиз керак.
