Vatan she'rlari

2022-08-13 15:43:58 Azizlar,xudo xohlasa kanalimizni sentabrdan aktiv yurgizamiz.

O'qish boshlansa hammaga she'r kerak-ku,shuning uchun sentabrdan kanalimiz faol bo'ladi.

Kanalimiz telegramda bitta.Boshqa kanalda kanalimizdagi she'rlarni ko'rsangiz-ular o'g'irlashgan.

Vatan she'rlari haqidagi eng asosiy kanal aynan shu

https://t.me/vatan_haqida_sherlar Ochish/sharhlash

2022-08-11 13:36:52 Shukrona ayt


Sajda ayla! Cho'k muqaddas tuproqqa tiz,
Qoldir ko'ngil ko'chasida nurafshon iz,
O'zligingni qilmoq uchun bir lahza his,
Shoshil, do'stim, shukrona ayt, shukrona ayt!

O'tgan kuning, bugunga boq, ertangga boq,
Yo'llaringda yonsin umid yanglig' chiroq,
Toki olam ichra bordir vaslu firoq,
Shoshil, do'stim, shukrona ayt, shukrona ayt!

Kin, g'arazlar qalbni aylar nochor, yupun,
lymoningni iblislardan asra butun,
Muqaddas yurt kelajagin ko'rmoq uchun,
Shoshil, do'stim, shukrona ayt, shukrona ayt!

Bolam deya, yurtim deya kuygan bu el,
Danagidan mag'zin ustun qo'ygan bu el,
Millatini, o'zligini suygan bu el,
Shoshil, do'stim, shukrona ayt, shukrona ayt!

Osmonimiz o'rtanmasin dard alamda,
Ona Yerni suydim, jon bor to tanamda,
Bundan ortiq ne kerakdir?Har qadamda,
Shoshil, do'stim, shukrona ayt, shukrona ayt! Ochish/sharhlash

2021-12-17 18:18:23 O'zbekman

Yangi bir asrning ostonasi bu
Yetishdim umrimning qutlug' yoshiga
Tilimda shukrona,dilimda g'ulu
Tarix sarkotibin keldim qoshiga

Mana,men-O'zbekman,qo'limda tu
Va barcha a'molim bitilgan kitob
Shuning ichidadir borim va yo'g'im
Shuning ichidadir men uchun oftob

O'zbekman,inshaalloh,iymonim butun
Tilim qisiq emas bashariyatdan
Kimgadir tengdirman,kimdandir ustun
Zuvalam qorilgan samimiyatdan

O'zbekman,gohida iqbolim kulib
Gohida o'zimdan chiqqan ofatim
Dunyoni olsam-da jahongir bo'lib
Go'dak yig'isiga yo'qdir toqatim

O'zbekman qanchalik jafo chekmayin
O'zimga haq bo'dim o'zimga haqman
Yashadim yovlarga bo'yin egmayin
Bu kun o'z erkiga erishgan xalqman

Istiqlol ketma yurt peshonasidan
Tole,tark etmagin bizni ilohim
Mana,yangi asr ostonasidan
O'tdim.BISMILLAHI ROHMANI ROHIYM Ochish/sharhlash

2021-12-12 10:40:53 Vatan
(Bolalarga)

Shodligim ko'kka sig'mas,
Bitmas baxtim bor manim.
Meni baxtiyor qilgan,
Shu engilmas Vatanim.

Dushmanga omon bermas,
Har bir askar otgan o'q.
Dunyoda menikiday,
Katta va zo'r vatan yo'q.

Yovning o'qi, hech qachon
Askaridan o'tmaydi.
Nishon olsa osmonni
Samolyotga etmaydi.

Shuning uchun qishloqlar
Kun kechirar erkin tinch,
Shaharlarning qalbida
Kecha va kunduz sevinch.

Hamid Olimjon. Ochish/sharhlash

2021-09-01 08:34:03 Mustaqillik muborak


Do'ppingizni ko'kka oting
Orzu osmoniga yeting
Ozod yurtni obod eting
Bugungi kun baxtdan darak
Mustaqillik kuni muborak

Madh etgancha sho'x ovozing
Qadamlarni dadil bosing
Parvoz uzra qanot yozing
Yoshlardir buyuk kelajak
Mustaqillik kuni muborak


Xudoyberdi Toychiyev Ochish/sharhlash

2021-08-24 14:09:38 Yurtim chaman bog'laring bo'ston.
Gullarga burkangan tog'lar guliston.
Zilol suving oqsin har qachon.
Ona zamin derlar hur O'zbekiston.
Paxtalaring har kuni karvon-karvon. Bug'doylaring un bo'lsin deb tegirmon.
SHoli ekgan mehnatkash bobodehqon.
Ona zamin derlar hur O'zbekiston.
Yurtboshimiz baxtimizga bo'lsin omon.
Yurtimizda to'y-tantana bo'lsin har on.
Bugun seni tan olmoqda butun jahon.
Ona zamin derlar hur O'zbekiston.

Kanalimiz a'zosidan Ochish/sharhlash

2021-08-22 19:11:52 Mustaqilligimizning 30 yilligiga bag'ishlanadi

Ilxom berar dilimga,
Go'zal chiroying sening.
Olam ichra yagona,
Tabarruk noming sening.

Faxr bilan kuylayman,
Sening buyuk nomingni,
O'paman ko'zga surtib,
Shu aziz tuprog'ingni.

Naqorat

Muqaddassan buyuksan,
Jannatmakonim mening.
Onamdayin suyuksan,
O‘zbekistonim mening.

G'ururimsan sen o'zing,
Oqlayman non u tuzing.
Serquyosh o'lkam mening
Go'zalsan baxor kuzing.

Naqorat
Muqaddassan buyuksan,
Jannatmakonim mening.
Onamdayin suyuksan,
O‘zbekistonim mening.

Senla baxtga to'laman,
Eng baxtiyor bo'laman.
Onamdayin mexringni,
Aytgin qaydan topaman.

Naqorat

Muqaddassan buyuksan,
Jannatmakonim mening.
Onamdayin suyuksan,
O‘zbekistonim mening.

Baxtiyor yoshlik berding,
Ulg'aydim baxtga to'lib,
Xizmatingda bo'layin,
Kuylayin qalbim to'lib.

Naqorat

Muqaddassan buyuksan,
Jannatmakonim mening.
Onamdayin suyuksan,
O‘zbekistonim mening.

O'zbekistonim mening,
Noming kabi buyuksan.
Azizsan barchamizga,
Onamizdek suyuksan.

Naqorat

Muqaddassan buyuksan,
Jannatmakonim mening.
Onamdayin suyuksan,
O‘zbekistonim mening.

Bugun yurtim ulug'vor,
Qutlug' ayyoming sening,
Muborak bo'lsin deyman
Shu 30 yoshing sening.

Zarnigor Ergashova
28 maktab targ‘botchisi
"Payariq hayoti" gazetasi jamoatchi muxbiri Ochish/sharhlash

2021-07-24 10:57:34 Bugun 24-iyul prezidentimiz Shavkat Mirziyoyevni tavallud kunlari
.. Ochish/sharhlash

2021-05-16 16:02:28 Men nechun sevaman O'zbekistonni?

Men nechun sevaman O'zbekistonni
Tuprog'in ko'zimga aylab to'tiyo
Nechun Vatan,deya yeru osmonni
Muqaddas atayman,atayman tanho

Aslida dunyoda tanxo nima bor?
Paxta o'smaydimi o'zga elda yo?
Yoki quyoshimi sevgimga sabab?
Axir quyoshli-ku,butun Osiyo

Men nechun sevaman O'zbekistonni
Bog'larin jannat deb,ko'z-ko'z etaman
Nechun ardoqlarkan tuprog'ini men
O'paman,tuprog'ing bebaho Vatan!

Aslida tuproqni odil tabiat
Taqsim aylaganku,yer yuziga teng
Nechun bu tuproq,deb yig'ladi Furqat?
O,Qashqar tuprog'i,qashshoqmiding sen?

Men nechun sevaman O'zbekistonni?
Sababin aytgin,desalar menga
Shoirona,go'zal so'zlardan oldin
Men ta'zim qilaman ona xalqimga:

Xalqim,tarix hukmi seni agarda
Mangu muzliklarga eltgan bo'lsaydi
Qorliklarni makon etgan bo'lsayding
Mehrim bermasmidim,o'sha muzlarga?

Vatanlar,Vatanlar mayli gullasin
Bog' unsin mangulik muzda ham,ammo
Yurtim,seni faqat boyliklaring uchun
Sevgan farzand bo'lsa,kechirma aslo!

Abdulla Oripov Ochish/sharhlash

2021-04-19 16:04:11 Aytgil do'stim,nima qildik Vatan uchun

Boshing egib,ta'zim ayla,shukrona ayt.
Sen guldek erkalagan chaman uchun
Osmonlarda yurgan bo'lsang,tuproqqa qayt
Aytgil do'stim,nima Vatan uchun?

Shu soylardan suvlar urgin yuzingga sen
Bir bor nazar solgin bosgan izinga sen
Shu savolni berib ko'rgin o'zingga sen
Aytgil do'stim,nima qildik Vatan uchun?

Ko'zi qora,yuragi oq shu el uchun
Tuproq uchun,shu yurt uchun,chaman uchun
Ulug' inson boshlab bergan shu yo'l uchun
Aytgil do'stim,nima qildik Vatan uchun?

Buncha bino qo'yma zarrin choponlarga
Saratonda yaproq bo'lgin dehqonlarga
Suyangani tayoq bo'lgin cho'ponlarga
Aytgil do'stim,nima qildik Vatan uchun? Ochish/sharhlash