Февраль идиллияси ҳақида 15 февралдан ички валюта бозорида юз | 𝗩𝗔𝗟𝗬𝗨𝗧𝗔 𝗞𝗨𝗥𝗦𝗜

Февраль идиллияси ҳақида

15 февралдан ички валюта бозорида юз берган ўзгаришлардан кейин янги барқарорлик кузатилмоқда. Албатта бунда ташқи таъсир омиллари сокинлигининг ҳам ўрни бор. Нефть нархи ошмоқда, тенге, рубль, лира нисбатан мустаҳкамланмоқда. Ички валюта бозоридаги навбатдаги ўзгаришлар учун жуда қулай вақт танланганини эътироф этмаслик мумкин эмас.

Айтгандай, чакана валюта бозорида ҳам кам кузатилган тўлиқ идиллияни кўриш мумкин. Авваллари банклар қоида тариқасида сотиш курсларини коридорнинг юқори потологида, олиш курсларини қуйи чегарада ушлаб келган бўлса, шу кунларда банкларнинг сотиш курсларининг ўзида 60 сўмгача (10530-10590), олиш курсларида 40 сўмгача фарқларни кўриш мумкин (10470-10510).

Дарвоқе, агар нефть нархи, айрим прогнозларга кўра, ошишда давом этса ва 100 долларлик платога етса, бу сўмнинг ўрта истиқболда мустаҳкамланишига хизмат қилмаслиги тайин. Чунки Ўзбекистон энергоресурсларнинг нетто импортерига айланиб бўлди. Қолаверса, нефть нархи ошиши фонида олтин нархи барқарор қолади ёки пасайишда давом этади.

@the_bankiroff