Илк хулосалар Кеча илк бор Валюта биржасида АҚШ доллари бўйич | 𝗩𝗔𝗟𝗬𝗨𝗧𝗔 𝗞𝗨𝗥𝗦𝗜

Илк хулосалар

Кеча илк бор Валюта биржасида АҚШ доллари бўйича савдолар колл ва узлуксиз мэтчинг савдо усулларида амалга оширилди.

Эътиборлиси, савдо битимлариларнинг қарийб учдан икки қисми эрталабки ярим соатлик колл аукционлар вақтида юз берган ва нисбатан арзонроқ курслар қайд этилган.

Кейин қолган тўрт ярим соатлик вақт мобайнида ўтган мэтчинг битимларда кунлик битимларнинг учдан бир қисми содир бўлган, лекин нисбатан юқорироқ курслар қайд этилган.

Эрталабки колл аукцион вақтида тузилган битимларнинг вазни юқорилиги сабабли АҚШ долларининг ўртача тортилган курси 10 540,09 сўм даражасида қайд этилган.

Валюта биржаси ва регулятор эрталабки колл аукцион ва кун давомидаги мэтчинг битимлари бўйича курсларни, масалан сайт орқали онлайн режимда қайд этиб бориши ёки бўлмасам кунлик савдолар якунлангач, график кўринишидаги маълумотларни тақдим этиб борса яхши бўларди.

Чунки ўртача тортилган курс кун давомидаги "ҳарорат" ва унинг ўзгаришларини, тенденция қандай белгиланаётганини тўлақонли акс эттира олмайди.

Дарвоқе, бугун аксарият банклар кечаги узлуксиз мэтчинг савдо сессияларидаги курслардан келиб чиқиб, АҚШ долларининг сотиш курсларини оширишган бўлишлари табиий.

@the_bankiroff