Нақл қилишларича, Алишер Навоий ва Биноий туркий тилда ижод қи | UzTwit

Нақл қилишларича, Алишер Навоий ва Биноий туркий тилда ижод қилиш борасида ҳеч келиша олмас эканлар. Ҳазрат Навоий туркий тилнинг бойлигини айтсалар, Биноий буни инкор қилар экан. Биноий Алишер Навоийнинг жиғига тегишни яхши кўрар экан. Бу ҳакида қуйидаги ривоят бор.

Маълумки, Навоий форсий шеърларига Фоний деб тахаллус қўйган. Бир куни Навоий ва Биноий кўчадан ўтиб кетаётиб, бир кучук ўз кучукваччаларининг қорнини туйдириб ётганини кўради. Шунда Биноий Навоийнинг жиғига тегиш учун:
— Ҳазрат, бу Фоний дунёда нима қиларди кучукваччаларни боқиб? — дейди.

Ҳазрат Навоий эса:
— Асло ундай дея кўрманг. Икки-уч ой ўтгач, Бинойидек итвачча бўлиб етишурлар, — дея жавоб қайтарадилар.