2023-04-21 12:00:01
Bugun Toshkentdagi bir qator jome masjidlarida Ramazon hayiti namozlari o‘qildiUzreport TV ijodiy jamoasi poytaxtimizda joylashgan "Hazrati imom" jome masjidida ham tasvirga olish ishlarini amalga oshirdi.
O‘zbekiston musulmonlari idorasi raisi, muftiy Nuriddin domla Xoliqnazarov bu yilgi Ramazon oyi avvalgilaridanda shukuhliroq o‘tganini ta'kidladilar. Xususan, respublikamiz bo‘ylab bir vaqtda bo‘lib o‘tgan taroveh namozlari, xatmi Qur’onlar barchani birdek quvontirdi.
Namozdan so'ng Muftiy hazratlari barcha musulmon ahlini duo qildilar.
"Uzreport" kanali bir oy davomida savol-javob qildi va bizni xatmimizni to‘g'ridan-to'g'ri televideniyeda berdi. Ularning ishlariga Alloh o‘zi rivoj berishini so‘raymiz", - deya alohida ta'kidlab o‘tdi O'zbekiston musulmonlari idorasi raisi.
So‘zi so'nggida, Muftiy hazratlari barcha yurtdoshlarimizni ushbu ulug' bayram bilan tabrikladi. Yurtimizga tinchlik-osoyishtalik tilab qoldilar.
Alohida ta'kidlab o‘tish kerakki, bu yilgi Ramazon oyida 1400 ga yaqin kam ta’minlagan fuqarolar davlat tomonidan Umra safariga yuborildi. Minglab xonadonlarda iftorlik dasturxonlari yozib berildi.
@uzreport_uz
10.4K views09:00