Ишончни ўн йиллар давомида топилмайди. Ишончни ўн йиллар давомида шакллантирилмайди.
Битта қарор, битта журъат, битта нафас ва тишни тишга махкам қўйиш. Бу эски, бирданига йўқ бўлмайди деганлар менга иншо ёзишмасин. Битта нафас етарли. Сиз бошқа инсонга айланасиз. Азроилдан қўрқиш керак эмас. Аммо Азроил келгунича ўлиш ҳам керак эмас. Ўзингизга ишонмаслик бу ўзини кўмиш, тириклайин нафасини бўғиш ва ўлдириш билан баробар.
Устингиздан кулишса, ўтиб кетади, тухмат ўтиб кетади, касаллик ўтиб кетади, нафас олишдан тўхтамаяпсизми, демак яшаш керак.
Рухият нафаси эса, ишонч, Яратганга суяниб, ўзингизга ишонч. Аввало, нафас олаётганингизга ишонинг.
Энди бир дақиқа нафас олманг.
Қандай бўларкан? Рухият нафас олмаётган бўлса-чи? Нафас олинг рухиятингизга, нафас олинг, ишонинг, ўтиб кетади, яна ўтиб кетади, ҳаммаси ўтиб кетади.
Қочманг, енгинг! Битта нафас ва енгинг!
...................
Зебинисо Аҳмедова
•
Сайт: uzpsixolog.uz
•
Психолог саҳифалари:Telegram | Instagram | YouTube
