Жорий йилнинг 28 апрель куни Халқ депутатлари Чилонзор туман Кенгаши депутати Муротова Лола Неъматжон қизи Чилонзор тумани ҳудудида жойлашган Кичик ишлаб чиқариш саноат зонасида ҳамда “Олимпиа заҳиралари” коллежида “Халқ Конституцияси билан халқчил давлат сари” шиори остида маънавий-маърифий тадбирда иштирок этди. Тадбирда Ўзбекистонда ҳизмат кўрсатган артист Тожибар Азизова, Фарида Умарова, “Олтин қалам соҳиби” Дилшод Ражабов ҳамда филолог академик Музаффар Ортиқов маърузачи сифатида иштирок этишди.
