Муносиб эътироф янги зафарларга чорлайди Президентимизнинг То | O'zLiDeP Бухоро вилоят Кенгаши
Муносиб эътироф янги зафарларга чорлайди
Президентимизнинг Тошкентдаги халқаро конгресс марказида мамлакатимиз тадбиркорлари билан очиқ мулоқотида иштирок этар эканман, Юртбошимиз нутқини тинглаб, ҳавас ва меҳр билан ишлайдиган замон келганига яна бир маротаба ишонч ҳосил қилдим.
Қолаверса бу – энг олий неъмат Мустақиллик берган имкониятдир. Менинг иш фаолиятим айнан ана шу даврда аниқроғи истиқлолимизнинг 19 йиллиги арафасида бошланганлиги ўша пайтда мени янада самарали ишлашга даъват этгани рост. Мана 12 йилдирки, ана шу жижоатли меҳнат билан бандман. Тадбиркорликнинг тикувчилик йўналишидаги фаолиятимни янада кенгайтириш мақсадида Хитой давлатида ишлаб чикарилган “JAK” русумли ускуналарни сотиб олганим, кейинчалик эса - 2017 йилда корхонамиз томонидан 1 200 000 000 сумлик кредит айланма маблағларини тулдириш учун хом ашё олиш учун изчил иш юритганим ўз самарасини берди. Хозирги кунда корхонамиз томонидан замонавий PIKANOL туқув ускуналарини олиш буйича 2 100 000 АҚШ доллор миқдорида ўзаро манфаатли шартнома имзолаганим келгусида экспорт маҳсулотлари ишлаб чиқаришимизда қўл келди. Жумладан, корхонамиз томонидан 2017 йил бошлаб 4 000 000 000 сўмлик махсулот сотилган ва шундан 500 000 000 миллион сўмлик махсулот Россия давлатига экспорт килинганлиги, 2018 йилда эса Эстония хамда Литва давлатларига ўзимизда ишлаб чикарилган 100% пахта толасидан тўқилган Хом буз махсулотининг экспорт қилинганлиги кейинги пайтда эришган ютуқларимизга аниқ мисол бўла олади. Бугунги кунда корхонамизда 55 нафар ишчи фаолият олиб бормоқда ва келажакда янги ускуналар олиб келингандан сўнг яна қўшимча 30 та янги ишчи ўрни яратилади.
Мустақиллик йилларида тадбиркорларга, айниқса аёллар тадбиркорлигига бўлган муносабат тубдан ўзгарди. Мустақиллигимизнинг 31 йиллиги арафасида юртимиздаги бир қатор пешқадам соҳа ходимлари қатори менинг ҳам “Дўстлик” ордени билан тақдирланганлигимни аҳил меҳнат жамоамизга берилган мукофот деб биламан.
Мамлакатимиздаги барча тадбиркор аёлларни халқимиз ва Ватанимиз ҳаётидаги шонли сана, энг улуғ ва энг азиз байрам – Мустақиллигимизнинг 31 йиллиги билан самимий муборакбод этаман. Юртимиз осмони ҳамиша мусаффо, эл-юртимиз омон, Мустақиллигимиз абадий бўлсин!
Шоира Бўлдиева,
Бухородаги «Ruxshana Teks» хусусий корхонаси директори,
“Дўстлик” ордени соҳибаси, O’zLiDeP фаоли
