"Ўзэлтехсаноат" уюшмаси

2021-12-17 09:45:53 #hamkorlik
#koreya
#investitsiya

КОРЕЯНИНГ “SK NEXILIS” КОМПАНИЯСИ ЎЗБЕКИСТОНДА ЯНГИ ЛОЙИҲА АМАЛГА ОШИРИШ ИСТАГИНИ БИЛДИРДИ

Айни пайтда Ўзбекистон Президенти Шавкат Мирзиёев расмий ташриф билан Корея Республикасида бўлиб турибди. Ушбу ташриф доирасида Ўзбекистон делегацияси аъзолари йирик компания вакиллари билан инвестициявий ҳамкорликни ривожлантириш йўлида қатор музокаралар ўтказмоқдалар.

Ушбу делегация таркибида “Ўзэлтехсаноат” уюшмаси раиси М.Юнусов ҳам электротехника саноати тармоғини ривожлантириш бўйича Кореянинг дунёга машҳур компания вакиллари билан учрашувларни амалга оширмоқда. Жумладан, ўта юпқа мис фольгасини ишлаб чиқариш бўйича дунёда етакчи ҳисобланган Кореянинг “SK Nexilis” компанияси Стратегик ривожланиш офиси вице-президенти Ки Тэ Ким билан бўлиб ўтган музокара анча самарали кечди.

БАТАФСИЛ ЎҚИНГ

Каналимизга аъзо бўлинг!
@uzeltexsanoat Ochish/sharhlash

2021-12-17 06:30:51 #OAV_biz_haqimizda

"The Korea Post" журналида электротехника саноатидаги ҳамкорлик ҳам тилга олинган

Нуфузли "The Korea Post" журналида Иқтисодий тадқиқотлар ва ислоҳотлар маркази директори Обид Ҳакимовнинг “Ўзбекистон ва Корея Республикаси ўртасидаги иқтисодий ҳамкорлик истиқболлари”га бағишланган мақоласи чоп этилди.

Мақолада шундай дейилади: “Электротехника соҳасида Кореянинг етакчи компаниялари (Samsung Electronics, LG) билан янги қўшма корхоналар, хусусан, янги авлод маиший техника – телевизорлар, музлатгичлар, кир ювиш машиналари, кондиционерлар ишлаб чиқариш бўйича лойиҳаларни амалга ошириш бўйича ҳамкорлик давом эттирилиши билан истиқболлидир. (Масалан, Samsung Electronics дунёда энг яхши деб топилган кейинги авлод Neo QLED, Micro LED ва Lifestyle телевизорларини сотувга чиқарди). Кореянинг электротехника саноатига инновациялар ва илмий-тадқиқот ишларига инвестицияларни қўллаб-қувватлаш бўйича тажрибасини ўрганиш Ўзбекистонда электротехника саноатини ривожлантириш учун катта ёрдам бериши мумкин.

@uzeltexsanoat Ochish/sharhlash

2021-12-16 17:15:10 #video

Факт 24| Пойтахтимизда ўтказилаётган Республика тармоқлараро саноат ярмаркасида электротехника саноати корхоналари ҳам бир қатор келишув ва меморандумларни имзолаш устида ишлаяпти.

Ушбу лавҳада “Ўзэлтехсаноат” уюшмасига ажратилган павильонлардаги жараёнлар хусусида ҳикоя қилинади.

БАТАФСИЛ
https://t.me/mtrkuzofficial/74109 Ochish/sharhlash

2021-12-16 16:48:23 #OAV_biz_haqimizda

БОКУДАГИ «MADE IN UZBEKISTAN» МИЛЛИЙ КЎРГАЗМАСИДА ЭЛЕКТРОТЕХНИКА МАҲСУЛОТЛАРИ ҲАМ КЕНГ НАМОЙИШ ЭТИЛДИ

Озарбайжоннинг “Trend.az” ахборот агентлиги Боку шаҳрида ўтказилаётган «Made in Uzbekistan» миллий саноат кўргазмаси ва бизнес миссиясининг расмий очилиши ҳақида фотосуратлар жамланмасини тақдим этди.

Ушбу лавҳаларда “Ўзэлтехсаноат” уюшмаси корхоналари томонидан 60 дан ортиқ маҳаллий маҳсулотлар намойишини ва жойлашувига кўра каттагина ҳудудга эга бўлган стендларни кўриш мумкин. Меҳмонлар ушбу павильонда қатор келишувлар ва ҳамкорлик учрашувлари ҳақида ҳам мулоқот қилганлар.

@uzeltexsanoat Ochish/sharhlash