#eksport ПРЕЗИДЕНТГА БЕРИЛГАН ВАЪДА БАЖАРИЛДИ. ИЛК МАҲСУЛОТ | "Ўзэлтехсаноат" уюшмаси
#eksport
ПРЕЗИДЕНТГА БЕРИЛГАН ВАЪДА БАЖАРИЛДИ. ИЛК МАҲСУЛОТ ЭКСПОРТГА ЧИҚДИ
Ургут эркин иқтисодий зонасида жойлашган “Ўзэлтехсаноат” уюшмасига аъзо «Sam Elektro Servis» корхонаси томонидан бугун маиший техникалар ишлаб чиқариш тармоғи кенгайиб, янги қувватлар яратилмоқда. “IDEAL” бренди остида миллий маҳсулотларимиз нафақат маҳаллий, балки хорижлик харидорларнинг ҳам ишончига кирмоқда.
Бу ерда умумий қиймати 3,5 млн.доллар бўлган чангютгичлар ишлаб чиқариш лойиҳаси йўлга қўйилди. Йиллик қуввати 150 минг дона бўлган ушбу лойиҳа ҳудуддаги 60 нафар йигит-қизларни ўз бағрига олди.
Энг эътиборлиси, Давлатимиз раҳбарининг ушбу корхонага ташрифи чоғида берган кўрсатма ва топшириқлар бугун амалиётда ўз натижасини кўрсатди.
– Биз Президентимизга илк маҳсулотимизни хорижга экспорт қилиш бўйича ваъда берган эдик. Назаримда, биз бу ишончни оқладик. Ҳозирда дастлабки маҳсулотларимизни Қирғизистон Республикасига экспортга юборяпмиз,– дейди «Sam Elektro Servis» МЧЖ таъсисчиси Соҳиб Азимов.
