Юртимиздаги мураккаб пандемия шароити туфайли коронавирусга қарши эмлаш тадбирлари янада тезлашиб кетди. Ҳатто тегишли қонунларга ўзгартириш ва қўшимчалар киритилди.
– Вакцинани қўллаш билан боғлиқ кўрсатмаларга риоя қилган ҳолда "Спутник V" вакцинаси билан 20 кунлик масофа билан икки марта эмландим. Соғлиқни сақлаш вазирлигининг Коронавирусга қарши эмланганлик тўғрисида сертификат олдим,– дейди "Ўзэлтехсаноат" уюшмаси Матбуот котиби Намоз Толипов.– Мендан кўпчилик вакцинанинг ножўя таъсирлари ҳақида сўрашди. Бунда кўпчиликда кузатилгани каби менда ҳам (иккинчи бор олганимда) температура кузатилди. Аммо бу касаллик белгилари эмас эди. Агар сизда иммунитет кучли бўлса, деярли бундай аломатларни сезмайсиз. Ишонч билан айтаманки, вакцинани олиш бу касалликдан ҳимоялашнинг энг мақбул йўли. Барчага вакцина олишларини тавсия қиламан. Соғлигингизга эътиборли бўлинг!!!
