UzDJTSU (Rasmiy_kanali)

2022-08-31 19:00:35 Men doim aytganman va yana qaytaraman, biz uchun birinchi oʻrinda TAʼLIM, TAʼLIM va yana TAʼLIM turadi – Prezident

Shavkat Mirziyoyev oʻz nutqida davlatimizni rivojlantirishdagi 5 ta asosiy vazifalardan eng muhimi taʼlim ekanligini taʼkidladi.

"Farzandlarimiz zamonaviy bilim va koʻnikmalarni puxta egallashlari uchun eng qulay sharoitlar yaratishni izchil davom ettiramiz.

Buning uchun, maktablarning oʻquv dasturlari, oʻqitish uslubi, darsliklar mazmuni tubdan qayta koʻrib chiqiladi.

Ushbu tizim avval ilgʻor xorijiy mutaxassislar tomonidan ekspertizadan oʻtkazilib, keyingina hayotga tadbiq etiladi.

Barcha hududlarimizda, ayniqsa qishloq joylarda maktablar qurish, ularni malakali pedagog kadrlar bilan taʼminlash masalalariga alohida eʼtibor beramiz.

Ustoz va murabbiylar mehnatini ragʻbatlantirish borasidagi ishlarimizni yangi bosqichga koʻtaramiz.

Imkoniyati cheklangan bolalar uchun inklyuziv taʼlimni har tomonlama rivojlantiramiz”, – dedi davlatimiz rahbari.

Telegram | Instagram | Facebook| You Tube Ochish/sharhlash

2022-08-31 19:00:34 Prezident Shavkat Mirziyoyev Oʻzbekiston Respublikasi davlat mustaqilligining oʻttiz bir yilligiga bagʻishlangan tantanali marosimda ishtirok etib, nutq soʻzladi.

Davlatimiz rahbar soʻzining avvalida butun xalqimizni ulugʻ ayyom – Mustaqillik kuni bilan tabrikladi.

“Oradan yillar, asrlar oʻtadi. Lekin milliy davlatchiligimizni, oʻzligimiz va insoniy haq-huquqlarimizni tiklab bergan, barcha yutuq va marralarimizning zamini boʻlgan Mustaqillik kuni biz uchun, kelgusi avlodlarimiz uchun doimo eng ulugʻ, eng aziz bayram boʻlib qoladi”, – dedi Prezident.

Telegram | Instagram | Facebook| You Tube Ochish/sharhlash

2022-08-31 08:44:42 ​​YANGI O‘ZBEKISTONDA EL AZIZ, INSON AZIZ!

Hurmatli, ustozlar va murabbiylar, qadrli talaba-yoshlar hamda yurtimizning barcha ilm ahlini, shu qatorda jafokash xalqimizni O‘zbekiston Respublikasi mustaqilligining 31 yilligi bilan chin qalbimdan muborakbod etaman!

Ayni daqiqalarda barchaning qalbida quvonch va shodlik, g‘urur-iftixor tuyg‘ulari jo‘sh urmoqda. Sababi barchamiz uchun eng ulug‘, eng aziz hamda muqaddas ayyom – Mustaqillik bayrami yurtimiz bo‘ylab keng ravishda nishonlanmoqda. Shu o‘rinda aytish joizki, o‘tayotgan har bir davrning boshqalariga o‘xshamaydigan jihatlari, mazmun-mohiyati va o‘rni bo‘ladi. Tom ma’noda Yangi O‘zbekiston bo‘lib shakllangan davlatimiz, mana shu qisqa vaqt ichida yangicha qiyofa aks etishga ulgurdi.

Davlatimiz rahbari ta’kidlaganidek, Yangi O‘zbekiston tushunchasi real voqelikka aylandi, dunyoda Yangi O‘zbekistonga nisbatan ishonch ruhi va mamalakatimiz bilan hamkorlikka intilish tamoyillari kuchaydi.

E’tiroflarga arziydigan bunday yutuqlarni, jamiyatning ishlab chiqarish, qishloq xo‘jaligi sohalariga zamonaviy innovatsiyalarning kirib borishi, “Obod qishloq”, “Obod mahalla” dasturlari asosida shahar va qishloqlarimizdagi o‘ziga xos o‘zgarishlar, shuningdek, sport, ta’lim hamda ijtimoiy sohaning chuqur isloh qilinishi, raqamlashtirish kabi salmoqli ishlarda ko‘rishimiz mumkin.

Ammo Yangi O‘zbistonning asl mohiyati-yu mazmunini faqatgina yuqoridagilar bilan o‘lchab bo‘lmaydi. Yangi O‘zbekistonni, inson va uning qadri, qarashlari, tafakkurining keskin o‘zgarishi bilan baholash mumkin. Barcha narsa inson uchun, uning manfaatlari uchun xizmat qilishi kerakligi, davlatning bosh siyosatiga aylandi. Bular yaratilayotgan sharoitlar, imkoniyatlar va olib borilayotgan turli chora-tadbirlar orqali yaqqol namoyon bo‘lmoqda. Bir so‘z bilan aytganda, Yangi O‘zbekistonda el aziz, inson aziz degan jumlalar jarangdor shiorga aylandi!

Shu fursatdan foydalanib, yana bir bor butun o‘zbek xalqini, universitet jamoasini Mustaqillik bayrami bilan samimiy qutlab qolaman. Hamisha yurtimiz tinch, osmonimiz musaffo bo‘lib, Mustaqilligimiz bardavom bo‘lsin!

Mahmudjon BOLTABAYEV,
O‘zbekiston davlat jismoniy tarbiya va sport universiteti rektori, professor

https://t.me/uzdjtsu_rasmiy Ochish/sharhlash

2022-08-30 20:04:30 #Magistratura

O‘zbekiston davlat jismoniy tarbiy va sport universitetining magistratura mutaxassisliklariga o‘tkazilgan qabul jarayonlarining yakuniy mandat natijalari bilan tanishing.

https://t.me/uzdjtsu_rasmiy Ochish/sharhlash

2022-08-30 19:49:59 O‘zDJTSU talabasiga “O‘zbekiston iftixori” faxriy unvonini shaxsan Prezidentimizning oʻzlari topshirdilar

Bugun Prezident Shavkat Mirziyoyev Ko‘ksaroyda mamlakatimiz mustaqilligining 31 yilligi munosabati bilan taqdirlanganlarga davlat mukofotlarini topshirdi.

Mukofotlanganlar orasida O‘zbekiston davlat jismoniy tarbiya va sport universiteti “Shaxmat” taʼlim yo‘nalishi talabasi Vohidov Shamsiddin ham “O‘zbekiston iftixori” faxriy unvonini shaxsan Prezidentimizning oʻzlaridan qabul qilib oldi.

– Har qanday mukofot bu avvalo, el-yurt eʼtirofi, Vatan ishonchidir. Bugun ko‘ksingizda yaraqlab turgan orden va medallar barchangizga buyursin, sizlarni yangi yutuq va marralarga chorlasin. Ilohim, mana shunday xursandchilik kunlarimiz ko‘p bo‘lsin! Yurtimiz tinch, osmonimiz doimo musaffo bo‘lsin, – deya tilak bildirdi Prezidentimiz.

Mukofotlanganlar yuksak eʼtibor uchun davlatimiz rahbariga minnatdorlik bildirdi.

O‘zDJTSU Axborot xizmati

https://t.me/uzdjtsu_rasmiy Ochish/sharhlash

2022-08-30 08:01:51 Toʻlov-shartnomalarni olish toʻliq raqamlashtirildi

Ma’lumki, Oliy va o‘rta maxsus ta’lim vazirligi tizimida barcha jarayonlar raqamlashtirilib, abituriyentlar va talabalarga qulay sharoitlar yaratilmoqda.

Endilikda, birinchi bosqichga tavsiya etilgan talabalar ham yangi o‘quv yilining birinchi kunidan boshlab to‘lov-shartnomalarni elektron shaklda, ortiqcha ovvoragarchiliklarsiz onlayn olishlari mumkin.

Buning uchun vazirlikning kontrakt.edu.uz platformasidan foydalangan holda shartnomani osongina yuklab olish talab etiladi.

Shuningdek, belgilangan o‘tish balini to‘play olmagan, ammo tabaqalashtirilgan to‘lov-shartnoma asosida o‘qish istagini bildirgan talabgorlar uchun ham kontrakt.edu.uz platformasi orqali onlayn ariza berish va shartnomani onlayn rasmiylashtirishga yangi o‘quv yilining birinchi kunidan boshlab imkoniyat beriladi.

Platforma orqali ariza berish hamda shartnomani rasmiylashtirish jarayonlarini masofaviy amalga oshirish tartibi va muddatlari bo‘yicha batafsil ma’lumot beriladi.

2022-yil 5-sentabrdan boshlab barcha bosqich talabalari (bakalavr, magistr, superkontrakt) to‘lov-shartnomani onlayn yuklab, to‘lovni amalga oshirishlari mumkin. Ochish/sharhlash

2022-08-29 20:08:28 ​​Universitet Kengashi majlisi xususida

Bugun O‘zbekiston davlat jismoniy tarbiya va sport universitetida 2022 – 2023 o‘quv yilidagi ish rejalarni belgilab olish va boshqa turli masalalarga bag‘ishlangan universitet Kengashining navbatdagi majlisi bo‘lib o‘tdi.

Unda universitet rektori, professor M.Boltabayev, Kengash a’zolari, prorektorlar, dekanlar hamda bo‘lim rahbarlari ishtirok etishdi.

Kengash kun tartibida quyidagi masalalar ko‘rib chiqildi va ular yuzasidan takliflar, fikr-mulohazalar bildirildi:

- O‘zbekiston Respublikasi qonunlari, Prezident farmon va qarorlari, Vazirlar Mahkamasining qarorlari, Oliy va o‘rta maxsus ta’lim vazirligi hay’ati qarorlari, buyruqlari, shu bilan birga Sportni rivojlantirish vazirligi qaror va buyruqlarining mazmun-mohiyati to‘g‘risida;

- Yangi 2022 – 2023 o‘quv yili uchun universitet Kengashi tarkibi hamda ish rejasini tasdiqlash,
- O‘quv jarayonini tashkil etish, kafedralar bo‘yicha o‘quv yuklamalari hajmi va shtat birliklarini tasdiqlash.

Shuningdek, universitet rahbari tomonidan haqli ravishda ba’zi bo‘limlar faoliyatidan qoniqish hosil qilinmayotganligi, bajarilishi lozim bo‘lgan vazifalarga mas’uliyat bilan yondashilmayotganligi qattiq tanqid ostiga olindi.

Yig‘ilish yakunida esa rektor tomonidan kun tartibida ko‘rilgan masalalar yuzasidan barcha rahbar xodimlarga qisqa vaqt ichida amalga oshirish sharti bilan zaruriy ko‘rsatma va topshiriqlar berildi.

https://t.me/uzdjtsu_rasmiy Ochish/sharhlash

2022-08-29 20:08:15 Ochish/sharhlash

2022-08-27 21:28:41 Барча давлат олий таълим муассасаларининг барча босқич талабалари учун тўлов-контракт миқдорлари оширилмайди!

Давлатимиз раҳбари Шавкат Мирзиёевнинг мамлакатимиз таълим тизимига берган алоҳида эътибори, жумладан талабаларга олий таълим олишлари учун кўрсатган ғамхўрлиги, халқчил сиёсати натижасида 2022/2023 ўқув йили учун барча йўналишлар бўйича тўлов-контракт миқдорлари оширилмайдиган бўлди.

Талабалар ва уларнинг ота-оналарига қулай шароитлар яратиш, глобал иқтисодий инқироз шароитида аҳолининг тўлов қобилиятини инобатга олган ҳолда, истисно тариқасида, 2022/2023 ўқув йили учун барча босқичдаги талабаларнинг тўлов-контракт асосида ўқитиш қиймати миқдорлари давлат олий таълим муассасалари, жумладан, молиявий мустақиллик берилган олий таълим муассасаларида ҳам, базавий тўлов-контракт қиймати 2021/2022 ўқув йили учун белгиланган миқдорларда сақлаб қолинади.

Шу билан бир қаторда, 2022/2023 ўқув йили табақалаштирилган тўлов-контракт миқдорлари ўтган ўқув йили учун белгиланган миқдорларда ўзгаришсиз қолади.

Талабаларни таълим шакллари (кундузги, сиртқи, кечки ва масофавий) бакалавриат таълим йўналишлари ҳамда магистратура мутахассисликлари бўйича бир йиллик ўқитиш қийматлари миқдорлари қуйидагича:

Юклаб олиш

@eduuz Ochish/sharhlash

2022-08-27 21:19:47 Davlat oliy ta’lim muassasalarining barcha bosqich talablari uchun to‘lov-kontrakt miqdorlari oshirilmaydi!

Prezidentimizning mamlakatimiz ta’lim tizimiga bergan alohida e’tibori, jumladan, talabalarga oliy ta’lim olishlari uchun ko‘rsatgan g‘amxo‘rligi natijasida 2022/2023-o‘quv yili uchun barcha yo‘nalishlar bo‘yicha to‘lov-kontrakt miqdorlari oshirilmaydigan bo‘ldi. Ochish/sharhlash