Бош прокуратура ҳузуридаги Мажбурий ижро бюросининг Андижон | Bosh prokuratura
Бош прокуратура ҳузуридаги Мажбурий ижро бюросининг Андижон вилояти бошқармаси ва унинг ҳудудий бўлимларига келиб тушаётган мурожаатларга ечим топишга алоҳида эътибор қаратилмоқда.
Хусусан, бошқарма ва унинг ҳудудий бўлимларига жорий йилнинг январь-апрель ойларида жисмоний ва юридик шахслардан жами 5 мингга яқин мурожаат келиб тушган, шундан 4 мингдан ортиғи кўриб чиқилиб, 1 700 та мурожаат қаноатлантирилган, 2 483 та мурожаатга ҳуқуқий тушунтириш берилган.
Мурожаатларни кўриб чиқиш мобайнида 1 653 та ҳолатда жисмоний ва юридик шахсларнинг бузилган ҳуқуқлари тикланди.
Алиментга оид мурожаатлар бўйича қарздорларни иш билан таъминлаш ва оилаларни яраштириш бўйича бир қатор чора-тадбирлар амалга ошириб келинмоқда.
Жумладан, 562 та алимент ижро ҳужжатлари бўйича тарафлар ўзаро яраштирилиб, оилалар қайта тикланди ҳамда 9 та алимент ҳужжатлари бўйича 875 млн. сўмлик пул маблағи, уй-жой, автомашина ва бошқа шаклда қопланиб, болаларнинг вояга етгунга қадар таъминоти тўлиқ таъминланди.
Бу борадаги ишлар давом эттирилмоқда.
Бош прокуратуранинг ижтимоий тармоқлардаги саҳифаларига аъзо бўлинг!
Telegram | Instagram | YouTube | Facebook