UZBEKNUR 🇰🇷 KOREA

2022-08-30 09:08:51 Janubiy Koreyada 2022-yildagi barcha rasmiy dam olish kunlari jadvali

Xususan, yaqinlashib kelayotgan Chusok bayrami arafasida sentabr oyining 9-12-kunlari dam olish kunlari bo'lishi kutilmoqda.

@uzbeknur_korea Ochish/sharhlash

2022-08-21 05:57:01 Koreya matbuoti O'zbekiston oldingi prezidentining qizi Gulnora Karimovaning noqonuniy orttirilgan Shveysariyadagi pullari O'zbekistonga qaytarilishi haqida yozmoqda

https://www.joongang.co.kr/article/25095134#home

@uzbeknur_korea Ochish/sharhlash

2022-08-20 14:59:21 DIQQAT Immigratsiya reydlari

Koreya Adliya vazirligi immigratsiya xizmati yordamida 2022-yilning sentyabr oyidan boshlab oktyabrgacha 2 oy davomida quyidagilarga qarshi yo'naltirilgan reydlarini kuchaytiradi:

pochta (tekbe) va yetkazib berish (bedal rayderlar) sohasida noqonuniy ishlayotganlar,
noqonuniy taksi xizmatini ko'rsatuvchilar,
mavsumiy ishchi vizasi (E-8) bilan Koreya kelib, ish joyini tashlab ketganlar,
chet ellik talabalarni noqonuniy ishga joylashtirish bilan shug'ullanayotganlar (o'rtakashlar, noqonuniy brokerlar).

Yaqinlarni ogohlantirib qo'yamiz.

Xabar tarjimasi Salom Koreya kanalidan, manbasi esa Adliya Vazirligining feysbukdagi rasmiy sahifasidan


@uzbeknur_korea Ochish/sharhlash

2022-08-12 12:36:01 Janubiy Koreyada ro'yxatga olingan transport vositalari soni 25 milliondan oshgan. Aholisi 50 milliondan ortiq davlat uchun bu har ikki kishiga bitta transport vositasi to'g'ri kelishini anglatadi.

Mamlakatdagi elektr avtomobillar ulushi esa mavjud transport vositalarining 1% miqdorini tashkil etadi.

Taqqoslash uchun

O'zbekistonda 2021-yil 1-dekabr holatiga 3 mln 775 ming transport vositasi mavjud edi. Aholisi salkam 35 mlnlik O'zbekiston uchun esa bu har 9 kishiga 1ta transport vositasi degani.

@uzbeknur_korea Ochish/sharhlash

2022-08-09 11:00:16 Kechagi Seul atrofidagi kuchli yomg'ir holatini aks ettiruvchi lavhalar

1. Mashinasi deyarli suvga ko'milib qolgan kishining "bamaylixotir" telefon o'ynab o'tirishi

2. Mashinasini to'xtatib yopilib qolgan ko'cha suvlarini oqizib ketadigan suv yo'lini qo'llari bilan tozalayotgan kishi

3. Savdo do'konlari ichigacha to'lib qolgan suv

4. Suvga to'lgan yer osti metro bekatlari...

Koreya havosining turfa xilligi kechagi kun yana bilindi. Ya'ni poytaxt Seul tomonlarda shunday kuchli yomg'ir kuzatilayotgan bir paytda, markaziy hududlar, xususan Tegu shahri atrofida esa issiq havo kuzatilib turibdi.

@uzbeknur_korea Ochish/sharhlash

2022-07-28 11:44:06 Ogohlantirish

Oxirgi paytlar, turli shaxslarning Koreyadagi "nelegal"larga qonuniy viza qilib berilishi va'da qilingan postlar ko'payib ketdi.

Immigratsiya rasmiy manbalarida bu haqida hech qanday ma'lumot mavjud emas. Shuning uchun to'lov evaziga viza qilib berishni va'da qilganlarga hech qachon ishonmang!

Koreya Adliya vazirligi ham noqonuniy chet ellik fuqarolarni qonuniylashtirish rejasi yo'qligi va ushbu firibgarlikdan ehtiyot bo'lishlari haqida ogohlantirmoqda.

Ushbu xabarni viza qilib beramiz deb aldayotganlarga va boshqa tanishlaringizga yetkazing.

@uzbeknur_korea hammasi Koreya haqida Ochish/sharhlash

2022-07-23 11:43:01 Janubiy Koreyada “Oʻzbek tili” darsligi chop etildi

Janubiy Koreyada maxsus chet tillarini oʻrganish loyihasi (CFLE) doirasida xalqaro til bilish darajasi talablari asosida darslik yaratildi. Darslik Toshkent davlat sharqshunoslik universiteti rektori Gulchehra Rixsiyeva va Hankuk chet tillari universiteti professorlari – Aziza Mashrabbekova hamda Li Dji In bilan hamkorlikda tayyorlanib, nashr qilindi.

Mazkur darslik koreyalik talabalar uchun tayyorlangan boʻlib, xorijliklarning oʻzbek tilini bilish B1 xalqaro darajasini oʻzlashtirishga moʻljallangan.

@uzbeknur_korea Ochish/sharhlash

2022-07-18 05:06:22 Mushohada uchun mavzu

"Chet eldagi o‘zbeklarda umumiy bir holatni kuzatish mumkin.

Kimki chetga chiqishi bilan o‘ziga vatanda uy qurish, mashina olish, vatandagi singillarini bekami ko‘st uzatishga va ukalarini uylab, ularga uy qurib, mashinali qilish bilan ovora bo‘lgan bo‘lsa, o‘sha boshlagan darajasida qolib ketgan.

Kimki o‘zini rivojlantirishga, biror kasbni boshini ushlash, o‘qish yoki biznesni yo‘lga qo‘yishga kirishgan bo‘lsa u rivojlanib ketgan. Ikkalasini birdek uddalaganlar ham bor lekin."
Faiziddin Mu'min

••••••••••••

Yuqoridagi fikr chetda yurgan ko'p vatandoshlarimizni uzoq yillar kuzatib bildirilgan fikr ekan. Darhaqiqat, chetga chiqqanda, bor fokusni, diqqatni o'z ustida ishlashga qaratganlar, ya'ni o'z kelajagiga sarmoya qilganlar yaxshi natijalarga erishmoqdalar. Faqat maishiy, joriy moliyaviy maqsadlarga e'tibor qilganlar esa, shaxsiy rivojlanishda hali ham boshlang'ich nuqtada depsinib turganligini kuzatish mumkin.

P.S.: Albatta, bu fikrlar nisbiy. Bu postdan ko'zlangan murod moliyaviy sabablar bilan bir muddat faqat pul topishga e'tibor berganlarni malomat qilish emas, balki chetga yangi chiqqanlar, ish va o'qish muvozanati haqida ikkilanishlarda turganlarga ruhlantirish berish, tezroq ilmga rag'bat uyg'otishdir.

Siz bu kuzatish haqida qanday fikrdasiz? Fikrlaringiz qiziq.

@uzbeknur_korea Ochish/sharhlash

2022-07-13 14:04:36 Koreyadagi chet elliklar uchun elektr energiyasi bo'yicha chegirmalardan foydalaning

Katta, koʻp farzandli yoki chaqaloq tugʻilgan xonadonlar elektr toʻlovlariga chegirma olish uchun ariza topshirishlari haqida ma’lumot.
seul_global_markazi

@uzbeknur_korea Ochish/sharhlash

2022-07-11 14:16:38 Yashash ruxsatnomasi va viza uchun ariza topshirishda qo'llaniladigan kishi boshiga yalpi milliy daromad (GNI) to'g'risida ma'lumot

Koreya banki e'loni bo'yicha - 2021-yil uchun aholi jon boshiga Yalpi Milliy Daromad: 40.482.000 wonni tashkli qiladi.
(2021년 1인당 국민총소득 : 4.048.2 만원)

Eslatib o'tamiz ushbu talab 2022.07.01 sanasidan boshlab amal qilmoqda.

Koreya banki kelajakda aholi jon boshiga yangi YMDni e'lon qilganda, amaldagi standartlar o'zgarishi mumkin.
@azcity_korea

@uzbeknur_korea Ochish/sharhlash