Африкалик аёл тўққиз чақалоқни дунёга келтирди
Африканинг Мали Республикасида Ҳалима Сиссе исмли аёл бирданига тўққиз фарзандни дунёга келтирди. Янги туғилган чақалоқлар орасида бешта қиз ва тўрт нафар ўғил бор. Бу ҳақда Мали Соғлиқни сақлаш вазирлигининг Facebook’даги саҳифасида хабар берилган.
Қайд этилишича, гўдаклар ва 25 ёшли онанинг саломатлиги яхши. Туғруқдаги аёл икки ҳафта давомида Бамако касалхонасида ётган ва кейин Президент Ба Ндаунинг фармонига биноан у Марокашдаги клиникага кўчирилган.
Департаментнинг таъкидлашича, Мали ва Марокашдаги ультратовуш текшируви бўлажак она учун етти фарзанд туғилишини башорат қилган.
Туғруқдан сўнг, Малининг Соғлиқни сақлаш вазирлиги раҳбари туғруқ жараёнида иштирок этган ҳар икки мамлакат акушерларини табриклади.
https://t.me/joinchat/AAAAAE5lchB-eHf_a17-Ug
