Қамчиқ довонида “бензовоз” ёниб кетиши оқибатида икки киши ҳалок бўлди!
Тошкент–Ўш халқаро автомобил йўли Қамчиқ довонининг 260-километрида 1-июл куни соат 14:25 да Фарғона водийси томон ҳаракатланаётган ёқилғи ташувчи юк машинасида (бензовоз) ёнғин келиб чиқди, дея хабар бермоқда Фавқулодда вазиятлар вазирлиги ахборот хизмати.
Қайд этилишича, мазкур ҳолат юк машина ҳайдовчисининг бошқарувни йўқотиши оқибатида содир бўлган.
Вазият юзага келган жойга ФВВнинг “Қамчиқ” махсус қидирув ёнғин-қутқарув бошқармаси етиб борган. Қутқарувчилар ёниб кетган юк машинасини ўчирган.
Ҳодиса натижасида ёқилғи қуйиш машинасининг салонида бўлган икки киши ҳалок бўлган.
@UZBEKISTANUZ
