Наманганда аёл эрининг эътиборини тортиш учун ўғирлик саҳналаштирди
Воқеа вилоятнинг Тўрақўрғон туманида содир бўлди. 21 ёшли аёл ички ишларга телефон қилиб, хонадонига ўғри тушганини айтган.
Аёлнинг сўзларига кўра, ниқоб таққан киши ўлдириш билан қўрқитиб, пичоқ билан унинг бўйин қисмига жароҳат етказиб, уйидан 19,2 млн сўмлик тилла-тақинчоқларини олиб чиқиб кетган.
Олиб борилган тергов ҳаракатлари натижасида жабрланувчи аёл турмуш ўртоғининг эътиборини ўзига жалб қилиш мақсадида воқеани уюштиргани маълум бўлди.
Аёлнинг ўзи тилла-тақинчоқларини яшириб, бўйнини игна ёрдамида шилгани аниқланди.
Аёлга нисбатан ёлғон хабар бериш айблови билан жиноят иши очилган.
https://t.me/+g_uVfal6mXIxNTVi
