Маймун чечаги: Дунё янги пандемия арафасидами?
Маймун чечаги номини олган бу касаллик катта эҳтимол билан табиатда азалдан бўлган. Лекин илк бор 1958 йилда Даниядаги лаборатория маймунларидан ажратиб олинган ва шу номни олган. Одамда эса биринчи марта 1970 йилда Конгода қайд қилинган ва шундан сўнг Африка ҳудудида мунтазам учраб турган.
ЖССТ маълумотларига кўра, 21 майга келиб, дунёда бўйича бу касалликнинг 90 га яқин тасдиқланган ҳолатлари қайд этилган. Яна 30 га яқин одам ушбу касалликка чалинганликда гумон қилинмоқда. Бу касаллик ёки асоратлари туфайли ўлим ҳолатлари кузатилмаган
Касаллик юқори ҳарорат, бош оғриғи, бел ва мушаклардаги оғриқ ва юқори ҳолсизлик билан кечади. Ҳарорат тушиши билан аввал юзда,сўнг баданда ва ниҳоят қўл-оёқларда тошмалар пайдо бўлади ҳамда улар қаттиқ қичийди. Шишлар аста-секин қурийди, аммо чандиқ қолдиради Касаллик одатда 2-3 ҳафта давом этади ва кўп ҳолларда ўзи ўтиб кетади
@Uzbek
