Uzb_Meteo

2022-08-27 10:19:51 Ўзбекистонда август ойининг охирги кунига қадар ёғингарчилик кутилмайди.

Август ойининг охирги уч кунлигида ҳаво ҳарорати бироз юқори кўтарилади. Ёғингарчилик кутилмайди.

Қорақалпоғистон республикаси, Хоразм, Бухоро, Навоий, Сурхондарё ва Қашқадарё вилоятларида келаётган ҳафта бошида ҳарорат максимуми +37 даражагача иссиқ кутилади.

Соҳа мутахасислари томонидан, 27-28 август яъни дам олиш кунлари республика ҳудудларида кундуз кунлари иссиқроқ, кечалари салқин ҳарорат бўлиши прогноз қилинган.

https://hydromet.uz/ru/node/2293

@uzb_meteo Ochish/sharhlash

2022-08-27 09:38:25 Ўзбекистонда 2021-йилда атмосфера ҳавосининг радиоактив ифлосланиш ҳолати

Гидрометеорология ва атроф-муҳит мониторинги (https://t.me/uzb_meteo/9296) илмий журналининг 2022 йил 1 сонида келтирилган шарҳга кўра, 2021 йил Ўзбекистонда ўртача йиллик гамма нурланиш эквивалент дозасининг кучланиш даражаси ва атмосфера ҳавосидаги радиоактив ёғинларнинг ўртача йиллик умумий бетта фаоллик кўрсатгичлари қонун ҳужжатларида белгиланган меъёр кўрсатгичларидан ортмаган.

Ўзгидрометнинг радиоактив нурланиш мониторинги бўлимида 39 та пунктдаги ҳавода гамма эквивалент доза кучланиш даражаси, 25 та станцияда атмосфера ҳавосидан олинадиган натижалар, 4 та гидрологик (Сирдарё, Норин, Қорадарё, Дукантсой) постларида олинган сув намуналари асосида радиоактив ифлосланиш таҳлили юритилади.

Ангрен (0,230) ва Қува (0,203) шаҳарларида гамма нурланиш эквиваленти бошқа кузатув пунтларидан юқори. Аммо, мазкур қийматлар радиациявий гамма фонининг рухсат этилган максимал даражасидан камдир (0,3 мкЗв/соат). Республика бўйича ўртача фон қиймати 0,15 мкЗв/соатни ташкил этган.

Ўтган йили радиаоктив ёғинларнинг республика бўйича умумий бетта фаоллиги кунига 4,17 Бк/м² ни ташкил этди. Республика радиоактив чиқиндиларни утилизация қилиш корхонаси (13,14 Бк/м²), Фарғона (12,13 Бк/м²), Наманган (11,63 Бк/м²) ва Дукант (11,05 Бк/м²) кузатув станцияларида бир марталик юқори кўрсатгичлар қайд этилган. Мазкур кўрсатгичлар ҳам рухсат этилган меъёрий кўрсатгичлардан (РЭМ) анча паст бўлган. РЭМ - 110 Бк/м².

Мақола муаллифлари: Убайдуллаева З.А., Файзирахмонов С.М., Разикова И.Р.

@uzb_meteo Ochish/sharhlash

2022-08-27 09:31:00 Гидрометеорология ва атроф-муҳит мониторинги илмий журналининг 2022 йил 1-сони.

Журналда олимлар ва тадқиқотчилар томонидан Гидрометеорология ва атроф-муҳит мониторинги масалаларига боғлиқ долзарб мақолалар чоп этилган.

Келгуси постларда ҳар бир тадқиқот иши натижаларини ёзиб бораман.

@uzb_meteo Ochish/sharhlash

2022-08-26 09:14:36 1963-йилдан бошлаб Собиқ совет мамлакатлари пахта етиштириш бўйича кучли учлик мамлакатлари қаторига кириб борган.

Ўтган асрнинг 60-йилларидан бошлаб, Хитой ва СССР ҳам пахта майдонларидан йилига 2 млн тоннадан ортиқ пахта толаси териб олиш учун куч бера бошлаган.

Айнан ўтган асрнинг 60 йилларидан Марказий Осиё давлатлари Туркманистон, Ўзбекистон ва Қозоғистон жануби вилоятларида пахта далаларини кўпайтириш учун янги ерларни ўзлаштиришга эътибор қаратилган. Натижада Сирдарё ва Амударёни "бўғиш" билан боғлиқ бир нечта сув иншоот ва сув омборлари қурилиши ортидан, Орол денгизи тезроқ қурий бошлаган.

Юқоридаги АҚШ, СССР ва Хитой мамлакатлари ўртасида пахта етиштириш бўйича "ким ўзар пойгаси" инфографияси сабаб, биз тезроқ ва қисқа муддат ичида Орол денгизини бой берганмиз.

#Пахтачилик

@uzb_meteo Ochish/sharhlash

2022-08-25 09:26:30 #LIVE

COSMO-CA modelini joriy etish bo‘yicha GMITI loyihasi menejeri Doniyor Tug‘unov o‘z so‘zida “O‘zbekiston Respublikasi Hukumati tomonidan “Xavfli gidrometeorologik hodisalar (kuchli shamol, kuchli yomg‘ir, sel oqimlari) monitoringi tizimini va COSMO-CA gidrodinamik modeli ma’lumotlari asosida uning mobil ilovasini ishlab chiqish” loyihasini amalga oshirish uchun mablag‘ ajratildi, bu Markaziy Osiyo NMHSni modernizatsiya qilish loyihasi va Oʻzbekiston Milliy gidrometeorologiya xizmatini rivojlantirish loyihasining mantiqiy tarkibiy qismi hisoblanadi” deb ta’kidladi.

Anjumanni rasmiy sahifalarimizda kuzatishingiz mumkin bo‘ladi.

#uzbekiston #kosmo_сa #markaziy_osiyo #IT_mutaxassislar #seminar Ochish/sharhlash

2022-08-25 06:46:59 Иқлим ўзгариши ортидан, кенг баргли узум дарахти энди шимолий ҳудудларни макон айламоқда.

Ўтган аср ўрталари ва охирларида "Норвегияда узум етиштириб, ундан сифатли вино ишлаб чиқиш мумкин" деганингизда камида устингиздан кулишган.

Ҳозир эса ундай эмас, Скандинавия ярим ороли Норвегия мамлакатида ҳам эндиликда узумчиликдан кўп ҳосил олиш мумкин. Европада ''норвег винолари'' деган ибора шунчаки пайдо бўлиб қолаётгани йўқ.

Ўтган асрнинг мувозанатлашган иқлимий даврида узум етиштириш учун оптимал бўлган заминлар сифатида шимолий кенгликнинг 30-50 даражалик минтақалари (Ўзбекистон ҳам шу минтақа ичида кетади) қулай ҳудудлар сифатида қараларди.

Ҳозир эса шимолий кенгликнинг 61 даражалик айрим минтақаларида ҳам бемалол узумчилик билан шуғулланиш мумкин бўлиб қолди. Эндиликда иқлим ўзгариши, ўзгариш ортида ҳавонинг исиб кетаётгани, юқори қувватда тушаётган қуёш радиацияси норвег ерларида ҳам кенг баргли дарахт нави узум етиштиришни осонлаштириб юборди.

Баҳорги совуқларни инобатга олмаса, бу минтақада узумлар жуда қулай ривожланмоқда. Европа маркази Францияда эса охирги йиллари вазият жуда мураккаблашиб кетди. Франсуз винолари билан машҳур Францияда қурғоқчилик ва кучли қуёш радиацияси узум етиштиришни оғирлаштирди. Виноларида ҳам сифат бузилди.

#Богдорчилик
#global_isish

@uzb_meteo Ochish/sharhlash

2022-08-23 07:35:10 Ҳафта давомида қулай об-ҳаво бўлиши кутилмоқда.

Ўзгидромет прогнозларига кўра, мазкур ҳафта иш кунларида жойларда август ойининг учинчи ўн кунлиги учун хос меъёрий иқлимий ҳароратлар кузатилади.

Охирги пайтлар ёз ойларида жазирама кунлар сони ортаётгани инобатга олинса, эндиликда ёз ойларида меъёрий ҳароратлар ҳам биз учун ''бироз салқин'' ҳавони тақдим этади.

Кечалари ҳарорат минимумлари +12 +17 даража оралиғида, кундуз кунлари ҳафтанинг бошида +27 +30 даража, иккинчи ярмида +31 +34 даражагача ўзгаради.

Ёғингарчилик кутилмайди.

@uzb_meteo Ochish/sharhlash

2022-08-23 07:00:36 Қўшни Қозоғистонда ҳам бу йил буғдой ҳосили мўл бўлиши кутилмоқда.

Қозоғистон қишлоқ хўжалиги вазирига кўра, бу йил Қозоғистонда бошоқли дон ҳосили ўтган йил ва кўп йиллик ўртача кўрсатгичлардан кўп бўлади.

Қозоғистон далаларидан 18,3 млн тонна бошоқли дон, шундан 13,4 млн тонна буғдой ҳосил олиш режалаштирилмоқда. 13,9 % ҳосил далалардан йиғиб олинди.

https://t.me/sputnikKZ/24809

#Бугдой

@uzb_meteo Ochish/sharhlash

2022-08-23 02:08:47 Халқаро космик станция бортидан олинган сурат.

Тинч океани жануби-ғарбий чеккаси, Янги Зеландия қирғоқларидан 1100 км шарқдаги ҳудуд.

Расмда Ер атмосферасининг уч қатлами яққол алоҳида рангларда тасвирланган.

Атмосферада асосий табиий жараёнлар кузатиладиган энг қуйи қатлам тропосфера қизғиш рангда, ундан сўнг стратосфера кўк рангда ва қора рангда мезосфера қатлами.

NASA

@uzb_meteo Ochish/sharhlash

2022-08-22 06:14:29 Айни дам Ўзбекистонда 5 баллик магнит бўрони кузатилмоқда экан.

Магнит бўронлари кундуз куни пассивроқ даражага қайтади. Кечаси эса пассивлашади.

https://t.me/c/1732128576/2437

@uzb_meteo Ochish/sharhlash