2023-03-30 17:33:42
#fikroviy
#tafakkur
بسم الله الرحمن الرحيم:
Alloh subhanahu va ta'ala Zumar surasining 67-oyatida shunday marxamat qiladi:
وَمَا قَدَرُوا اللَّهَ حَقَّ قَدْرِهِ وَالْأَرْضُ جَمِيعًا قَبْضَتُهُ يَوْمَ الْقِيَامَةِ وَالسَّمَاوَاتُ مَطْوِيَّاتٌ بِيَمِينِهِ ۚ سُبْحَانَهُ وَتَعَالَىٰ عَمَّا يُشْرِكُونَ
Ular Allohning qadrini to'g'ri taqdirlamadilar. Xolbuki, yer borligicha Uning siqimidadir. Osmonlar esa, Uning qudrat qo'liga yig'ilgandir. U zot ular shirk keltirayotgan narsalardan pok va yuksakdir.
Insonlar
•Allohni xaqiqiy qadrlamadilar. Ne'matlariga noshukr bo'ldilar, rahmatini xis qilmadilar, itoat etmadilar. Robbilariga osiy bo'ldilar.
Insonlar
•Rosulullohni qadrlamadilar.
O'z qavmi u zotni xar narsa dedi, yurtidan quvib chiqardi, kavushlarini qonga to'ldirdi. Muborak boshlarini jarohatladi, qattiq xaqoratladi, ustilaridan kuldi. Fitna, fasod qildilar. Ummat bo'lib, Payg'ambarini qadrlamadilar.
Insonlar
•Olimlarni qadrlamadilar.
Noxaqdan qatl etdilar. Xaqni gapirganlarning og'zi yarim, so'zi kesik, ko'ngli siniq, xayoti zindon bo'ldi. Xaqni gapirganlarning muhabbati, tavakkali, xayoti, mamoti, ilmi Alloh uchun bo'ldi. Xaqni gapirganlarning amali solih, ahloqi go'zal, oxirati obod bo'ldi.
Johillar ilmni qadrlamadilar.
Endi aytingchi, nima uchun biz o'z qadrimizga xafa bo'lamiz?
Biz kimmiz?
Insonlar qadrlashni bilmaydilar. Banda bo'lib Robbilarini qadrlamadilar, ummat bo'lib Payg'ambarlarini qadrlamadilar. Ne'matlarni, ilmni, umrni qadrlamadilar.
•Insonlar faqat dunyoni qadrladilar. Bu yo'lda o'z qadrlarini xam unutdilar. Xayot-u mamoti dunyo uchun bo'ldi. Olayotgan nafasi, vaqti, naqdi shu mal'un uchun bo'ldi. Insonlar o'zlarini qadrlamadilar.
Ayting nima uchun biz o'z qadrimizga xafa bo'lamiz, insonlardan qadr kutamiz?
Dunyoni qo'ying, mal'unni uloqtiring, la'inni qo'yib yuboring. Nafsingizga ayting: "Biz Alloh azza va jallani qadrlaylik, U Zot bizni asl kelajak va asl saodat bilan qadrlasin".
Mana nima uchun men xech kimdan xafa bo'lmayman. Men kimsadan qadr kutmayman. U meni otammi, onammi, yaqinim jigarimmi... baribir. Avval kutardim, qadrimga xafa bo'lardim. Keyin esa, biiznillah, Robbim menga o'rgatdi... Yuqoridagi oyat qalbimga malham, xayotimga shior bo'lgan. Xar safar shu taraflama ozor yetsa o'zimga-o'zim dalda berib aytadigan so'zlarim bu. Men tasallini, taskinni va shifoni Qur'ondan topdim. Bilgan oyatlarimni yaramga bosdim. Shunday qilib Qur'on qalbimning bahoriga aylandi.
Xafsa
*
156 views~ ☜☆xoji'bobo>JHB ?°°°°, 14:33