UzASBO yangiliklari

2022-07-22 09:34:09 Ishonchli vakil (agent)ga kelgan faktura u qabul qilingandan so'ng tashkilot kabinetida ko'rinadi. Lekin shu hujjatni agent tashkilot tasdiqlagandan so'nggina qabul qila oladigan qilib sozlash mumkin. Buning uchun chap tomondagi menyuda Tashkilot-Tashkilot sozlamalari-Qo'shimcha sozlamalar qismiga kiriladi va Elektron hujjat vakil tomonidan qabul qilinishi uchun tasdiqlash tugmasi aktiv holatga keltiriladi (1-rasm). Shundan so'ng tizimda qabul qilingan fakturalar bilan ishlash joyida Agent uchun qismi ochiladi. Bu yerda faqatgina agent kabinetiga kelgan fakturalar ko'rinadi (2-rasm). Agent fakturani qabul qila olishi uchun Tafsilotlar tugmasi yordamida yoki hujjat ustida sichqonchaning chap tugmasini ikki marta bosish orqali ochish va Tasdiqlash tugmasini bosish kerak bo'ladi. Bu kabi tasdiqlanmagan fakturalarni agent qabul qilishida esa Elektron hujjatni qabul qilish uchun tashkilotning tasdig'i lozim deb ogohlantirish chiqadi (3-rasm) va hujjatni qabul qilish imkoni bo'lmaydi.

@uzasboyangiliklari Ochish/sharhlash

2022-07-18 08:22:31 Ошибка: InvokeOperation 'SendPayrollOfPlasticCardSheet' failed. Object reference not set to an instance of an object
Ish haqini plastik kartaga o'tkazish qaydnomasini bankka elektron jo'natishda shunaqa xatolik chiqsa, hujjat ustida Obnovit FIO i nomer plastik tugmasini bosish kerak bo'ladi. Shundan so'ng hujjatning ichini ochib ko'rish kerak, unda plastik karta raqam(lar)i ko'rsatilmagan xodim(lar) bo'lishi mumkin. Ularning karta raqamini ko'rsatish uchun zp.uzasbo.uz'ning Ma'lumotlar-Tashkilot ma'lumotnomasi-Xodimlar qismiga kirish kerak.

Shuningdek, bu xatolikning chiqishiga hujjatdagi plastik karta tipi xato tanlanganligi ham sabab bo'lishi mumkin. Ya'ni UZCARD, HUMO tiplari to'g'ri tanlanganiga e'tibor qaratish kerak.

@uzasboyangiliklari Ochish/sharhlash

2022-06-20 13:23:31 O'zbekiston Respublikasi Prezidentining 2022-yil 17-maydagi PF-136-son Tibbiyot muassasalari xodimlarini moddiy qo‘llab-quvvatlash hamda rag‘batlantirishni kuchaytirish chora-tadbirlari to‘g‘risidagi Farmonida 2022-yil 1-iyundan boshlab davlat tibbiyot muassasalari tibbiyot, farmatsevtika va boshqa xodimlarining oylik lavozim maoshlari:
- oliy va birinchi malaka toifalariga ega bo‘lgan tibbiyot va farmatsevtika xodimlari uchun — 15 foizga;
- ikkinchi malaka toifasiga ega bo‘lgan va toifaga ega bo‘lmagan, shuningdek, boshqa tibbiyot va farmatsevtika xodimlari uchun — 10 foizga;
- tibbiyot muassasalarining boshqa xodimlari uchun — 15 foizga oshirilishi belgilandi.
Bunda, tibbiyot muassasasi xodimlarining tarif stavkalarini hisoblash amaldagi mehnatga haq to‘lash razryadlari bo‘yicha tarif koeffitsiyentlarini tegishincha 1,15 va 1,1 barobarga ko‘paytirish orqali amalga oshiriladi.

O'zbekiston Respublikasi Vazirlar Mahkamasining 2005-yil 21-dekabrdagi 276-son qarori bilan tasdiqlangan O‘zbekiston Respublikasi davlat muassasalari tibbiyot va farmatsevtika xodimlari mehnatiga haq to‘lash tartibi va shartlari to‘g‘risida nizomning 3-bandida quyidagilar ko'rsatilgan: Tibbiyot va farmatsevtika xodimlarining tarif stavkalari tarif setkasi asosida ish haqining belgilangan mehnatga haq to‘lashning eng kam miqdorini mazkur Nizomga 1-ilovaga muvofiq mehnatga haq to‘lash bo‘yicha tegishli guruhlarga kiritilgan sog‘liqni saqlash muassasalari xodimlari uchun belgilangan tarif setkasining tegishli razryadi tarif koeffitsiyentiga va tuzatish koeffitsiyentiga ko‘paytirish yo‘li bilan belgilanadi.
Sog‘liqni saqlash muassasalari guruhlari bo‘yicha quyidagi tuzatish koeffitsiyentlari belgilanadi:
muassasalarning 1-guruhi uchun — tegishli razryad tarif stavkasiga 1,0 tuzatish koeffitsiyenti;
muassasalarning 2-guruhi uchun — tegishli razryad tarif stavkasiga 1,03 tuzatish koeffitsiyenti;
muassasalarning 3-guruhi uchun — tegishli razryad tarif stavkasiga 1,05 tuzatish koeffitsiyenti;
muassasalarning 4-guruhi uchun — tegishli razryad tarif stavkasiga 1,15 tuzatish koeffitsiyenti.

UzASBO DMda tuzatish koeffitsiyentini ko'rsatish uchun xodimlarni ishga qabul qilish yoki ko'chirishda Korrek. koeff. joyiga tegishli koeffitsiyent miqdori kiritilayotgandi. Yuqoridagi Farmon asosida tegishli xodimlarning lavozim maoshini oshirishda ham Korrek. koeff. joyidan foydalaniladi. Bunda 2022-yil 1-iyun sanasi bilan indeksatsiya hujjati tuzilib tasdiqlangandan so'ng, tegishli xodimlar zp.mdm.uz'ning Dokumenti-Uchet kadrov-Peremesheniye sotrudnika qismiga kiritiladi. Misol uchun, 3-guruhga kiruvchi sog'liqni saqlash muassasasi shu vaqtgacha Korrek. koeff. joyida tibbiyot va farmatsevtika xodimlariga 1.05 koeffitsiyentni qo'yib kelayotgandi. Endilikda esa:
- oliy va birinchi malaka toifalariga ega bo‘lgan tibbiyot va farmatsevtika xodimlari uchun — 1.05*1.15=1.2075;
- ikkinchi malaka toifasiga ega bo‘lgan va toifaga ega bo‘lmagan, shuningdek, boshqa tibbiyot va farmatsevtika xodimlari uchun — 1.05*1.1=1.155;
- tibbiyot muassasalarining boshqa xodimlari uchun — 1.15 koeffitsiyentlarini qo'yishadi.

@uzasboyangiliklari Ochish/sharhlash

2022-06-01 15:58:38 Yuqoridagi uchta shart bajarilsada, xodimning plastik karta raqami chiqmayotgan bo'lsa, Yagona umumrespublika protsessing markazida plastik karta ma'lumotlari yangilanmagan bo'ladi. Bunda tegishli tijorat banki mazkur ma'lumotlarni yangilash bo'yicha so'rov yuborishi kerak bo'ladi, chunki UzASBO DMda ma'lumotlar Yagona umumrespublika protsessing markazidan olinadi.

@uzasboyangiliklari Ochish/sharhlash

2022-05-31 08:21:08 Endilikda xodimlarning UZCARD tizimidagi plastik karta raqamlari qo'lda kiritilmaydi, balki avtomatik tarzda bank bazasidan tortib olinadigan qilindi. Buning uchun zp.uzasbo.uz'ning Ma'lumotlar-Tashkilot ma'lumotnomasi-Xodimlar qismida tegishli jismoniy shaxsning ma'lumotlarini kiritishda Plastik karta raqamini aniqlash tugmasi qo'yildi. Plastik karta raqami avtomat kelishi uchun quyidagi shartlar bajarilishi kerak:

- Bank MFOsi to'g'ri tanlangan bo'lishi kerak;

- Tashkilotda va tijorat bankida xodimga ko'rsatilgan JSHSHIR (PINFL) bir xil bo'lishi kerak;

- Bankda plastik kartaning statusi 0 bo'lishi kerak. Ya'ni banklarda kartaning 22 xil statusi bo'lib, faqatgina statusi 0 bo'lganlargina ko'rinadi.

Yuqoridagi barchasi to'g'ri bo'lsa, Plastik karta raqamini aniqlash tugmasi bosilsa, rasmdagi kabi karta raqami ko'rinadi. Karta belgilanadi va saqlash tugmasi bosilsa, 20 ta raqamdan iborat UZCARD hisobraqami xodim ma'lumotiga tushadi.

@uzasboyangiliklari Ochish/sharhlash

2022-04-26 10:03:57 zp.uzasbo.uz dasturiga ma'lumot kiritishda yoki hujjatlarni tasdiqlash, elektron yuborishda cheklovlar qo'yilgan. Ularning ma'lum birlarida chiqadigan ogohlantirishda Xatolik kodi: yozuvi va tegishli raqami chiqadi. Endilikda dasturga kirganda mazkur xatoliklar bo'yicha ham ma'lumot chiqadigan qilindi. Bu orqali dastur foydalanuvchilari administratorlarga murojaat qilmasdan o'sha xatolikning aslida nima sababdan chiqayotgani va uni to'g'rilash tartibi bo'yicha ma'lumot olishlari mumkin. Tushuntirishning hajmi katta bo'lsa yoki video shaklida ham ma'lumot bo'lsa, pastda batafsil tugmasini bosish orqali u bilan tanishib chiqish mumkin.

@uzasboyangiliklari Ochish/sharhlash

2022-04-21 15:33:58 Shartnomalarni ro'yxatga olish uchun sotib olinayotgan tovar (ish, xizmat) miqdori oylar kesimida kiritilyapti. Mos ravishda kommunal xizmat ko'rsatish kabi shartnomalarda summa yilning har bir oyiga qo'yib chiqiladi va shartnoma g'aznachilik organlarida ro'yxatga olinishida ham har bir oydagi summa xuddi rasmdagidek alohida qatorga tushyapti. Mazkur shartnomaga nisbatan hisobvaraq-faktura jo'natishda ham yetkazib beruvchilar shuni hisobga olishlari kerak bo'ladi. Ya'ni ular lot raqami orqali spetsifikatsiyani to'ldirishganda har doim dastlabki qatorga summani qo'ymasdan, oylar bo'yicha ko'rsatilgan miqdordan oshmagan holda kiritishlari kerak bo'ladi. Qisqacha aytganda, ular shu vaqtgacha qaysi oyga qancha miqdorni ko'rsatib hisobvaraq-faktura jo'natishdi, qaysi oydan qancha miqdor qolayotgan holatni tahlil qilib borishlari kerak bo'ladi. Aks holda, elektron jo'natilgan hisobvaraq-faktura qabul qilinmasdan, tovar miqdori shartnomada ko'rsatilganidan oshib ketgan deb qaytib keladi.

@uzasboyangiliklari Ochish/sharhlash

2022-04-06 09:08:11 Moliyaviy hisobotlarni va boshqa hujjatlarni tasdiqlashda Podotchyotnaya organizatsiya ne vibrana deb xatolik chiqsa, tegishli moliya organlariga murojaat qilish kerak bo'ladi. Bugungi kunda tashkilotlarga hisobot topshiradigan yuqori turuvchi tashkilotni biriktirish vakolati moliya organlariga berilgan.

To'lov hujjatlarini tasdiqlashda tegishli davr uchun barcha shaxsiy g'azna hisobvaraqlar bo'yicha hisobotlar jo'natilgan bo'lsada, "Adliya vazirligida 15.02.2018 y. 2971-son bilan roʻyxatga olingan "Byudjet tashkilotlari va byudjet mablagʻlari oluvchilarning davriy moliyaviy hisobotlarini tuzish, tasdiqlash hamda taqdim qilish boʻyicha qoidalar"ga muvofiq moliyaviy hisobotlarni oʻz vaqtida taqdim etmaganligingiz sababli moliyalashtirish toʻxtatildi. Mazkur holat yuzasidan tegishli moliya organlariga murojaat qilishingiz soʻraladi.", degan ogohlantirish chiqib. hujjatni tasdiqlash imkoni bo'lmayotgan holatdayam tegishli moliya organlariga murojaat qilish kerak bo'ladi. Moliya organlariga tegishli moliyaviy hisobotlarni o'z vaqtida taqdim etmagan tashkilotlarning kassa xarajatlarini to'xtatish bo'yicha vakolat berilgan.

@uzasboyangiliklari Ochish/sharhlash

2022-04-05 08:02:42 invoice.uzasbo.uz da quyidagi o'zgarishlar kiritildi:

YTTga ishonchnoma va hisobvaraq-faktura yuborishda uning JSHSHIRni tanlab bo'lmasdi, avtomatik tarzda STIR asosida chiqib qolardi. Shu holat to'g'rilandi.

Ishonchnomani ro'yxatdan tanlab emas, uni ochib jo'natishda ham ekranda chiqadigan kompyuterda mavjud ERI kalitlarini qidiruv berib topish imkoni qilindi

Agar shartnoma bo'yicha xarid qilinayotgan tovar (ish, xizmat)lar nomi birdan ortiq bo'lsa, unga nisbatan hisobvaraq-faktura tuzishda esa faqat ma'lum bir tovar (ish, xizmat)largina qoldirilib, qolganlari o'chirib yuborilsa, mazkur hujjatni g'aznachilik organlarida ro'yxatdan o'tkazib bo'lmayotgandi. Chunki shu vaqtgacha tovar (sih, xizmat)ning shartnomadagi tartib raqami bo'yicha ma'lumotlar o'zaro almashinilmasdi. Shu holat to'g'rilandi va endi avvalgidek hisobvaraq-faktura tuzishda ro'yxatda chiqayotgan tovar (ish, xizmat)larni aslida olinmagan bo'lsada ro'yxatda miqdorini 0 qilib qoldirish talab etilmaydi.

Hisobvaraq-faktura va ishonchnoma tuzishda lot raqami ko'rsatiladi va bunda shu paytgacha tegishli savdo maydoni turi birinchi tanlanardi va undan keyin lot raqami terilardi. Natijada qaysi savdo maydoni ekanligini tanlashda tushunmovchiliklar kelib chiqardi. Endilikda lot raqami birinchi kiritiladi va unga tegishli savdo maydonini tizim o'zi avtomatik tarzda chiqarib beradi.

Qurilish hisobvaraq-fakturasining hisob-kitob jadvali va qurilish hisobvaraq-fakturasi ma'lumoti qo'shildi.

Ba'zi hisobvaraq-fakturalarni qabul qilishda uning statusi xato ekanligi bo'yicha ogohlantirish chiqib, qabul qilish imkoniyati bo'lmasdi. Endilikda hisobvaraq-faktura oynasida mazkur hujjatning my.soliq.uz tizimidagi joriy holatini yangilash bo'yicha hujjatning mysoliqdagi holati nomli tugma qo'shildi va bu tugmani bosish orqali o'sha hujjatning holati my.soliq.uz dagi bilab bir xil qilib olinadi va ma'lum vaziyatlarda chiqayotgan xatoliklarning asl sababi to'g'risida xulosa qilish mumkin bo'ladi.

Katalogga yangi ma'lumot qo'shishda shu vaqtgacha qidiruv berilsa, ekranda tegishli sinf nomi va MXIK kodinigina ko'rsatardi va uning aslida nima ekanligini bilib bo'lmasdi. Endilikda esa pozitsiya osti nomi, brend nomi va atribut kabi ma'lumotlar ham chiqadigan qilindi va mazkur ma'lumotlar u katalogga qo'shilgandan keyin ham ko'rinib turadi.


@uzasboyangiliklari Ochish/sharhlash

2022-03-31 13:55:07 O'zbekiston Respublikasi Prezidentining Aholi va tadbirkorlik subyektlariga davlat xizmatlaridan foydalanishda yanada qulay sharoitlar yaratish, bu borada byurokratik to‘siqlarni qisqartirish bo‘yicha qo‘shimcha chora-tadbirlar to‘g‘risida 5-bandiga asosan 2021-yil 1-iyuldan boshlab fuqarolarga STIR (sliq to'lovchining identifikatsiya raqami) berish bekor qilindi.

Jismoniy shaxsning shaxsiy identifikatsiya raqami (JSHSHIR ya'ni 14 ta raqamdan iborat shaxsiy jamg'arib boriladigan pensiya hisobvarag'i) barcha davlat, bank, ijtimoiy va boshqa xizmatlarni ko‘rsatishda fuqaroning shaxsini tasdiqlovchi yagona identifikator hisoblanishi, davlat organlari va tashkilotlari tomonidan jismoniy shaxslarni identifikatsiya qiladigan alohida raqamlarni yuritish taqiqlanishi belgilandi.

Endilikda JSHSHIR asosida tizimga kiritilgan yakka tartibdagi tadbirkorlarga ham main.uzasbo.uz'ning Hujjatlar-To'lov hujjatlari-To'lov topshiriqnomasi qismida to'lovlarni elektron yuborish imkoniyati qilindi.

@uzasboyangiliklari Ochish/sharhlash