#tilsiyosati #videoselektor O‘zbekiston Respublikasi Prezid | QISHLOQ XO'JALIGI VAZIRLIGI
#tilsiyosati #videoselektor
O‘zbekiston Respublikasi Prezidentining 2020-yil 20-oktabrdagi “Mamlakatimizda o‘zbek tilini yanada rivojlantirish va til siyosatini takomillashtirish chora-tadbirlari to‘g‘risida”gi PF-6084-son Farmoniga muvofiq “2020 — 2030-yillarda o‘zbek tilini rivojlantirish va til siyosatini takomillashtirish konsepsiyasi”ni 2020 — 2022-yillarda amalga oshirish Dasturi tasdiqlangan.
Ushbu dasturning 15-bandida belgilangan vazifalar ijrosini ta’minlash yuzasidan O‘zbekiston Respublikasi Qishloq xo‘jaligi vazirligida videoselektor yig‘ilishi o‘tkazildi.
Unda “O‘zbekiston milliy qomusi”ning yangi tahrirdagi matnini lotin yozuviga asoslangan o‘zbek alifbosida nashrga tayyorlash hamda amaldagi Milliy Ensiklopediyaning qishloq xo‘jaligiga oid yoritilgan ma’lumotlarni tahlil qilish maqsadida soha mutaxassislari ishtirokida 39 nafardan iborat Ishchi guruhi a’zolarining vazifalari muhokama etildi.
