Матндан охирги сўзни қирқиб олиш. (Ctrl + E ва бошқа альтернативалар ёрдам бермаганда)
Матндан охирги сўзни қирқиб олиш учун матн ўнг томонидан маълум бир миқдордаги символларни қирқиб олишимиз мумкин, масалан ўнг томондан 20 та символ, лекин бунда охирги бир нечта сўз кирқиб олиниши мумкин.
Бу муаммони ечиш учун, биз охирги сўзни кирқиб олишдан аввал сўзлар орасидаги 1 дона пробелларни максимал равишда кўпайтирамиз, масалан 20 та пробелга, шундай қилиб биз ўнг томондан сўз қирқиб олганимизда 1 тадан кўп сўз қирқиб олинмайди.
Охирида эса ортиқча пробелларни учириш функциясидан фойдаланиб охирги сўзни пробелларсиз қолдирамиз.
Бу формулада учта функция кўлланилган:
ПОДСТАВИТЬ (Повтор) - сўз орасидаги пробелни 20 мартага кўпайтириш учун;
ПРАВСИМВ - матн ўнг томонидан охирги 20 та символни қирқиб олиш учун;
СЖПРОБЕЛЫ - қирқиб олинган охирги 20 та символдан ортиқча пробелларни учириш учун.
Формулани тушуниш қийинчилик туғдирса қуйидаги тайёр формулани ишлатинг:
=СЖПРОБЕЛЫ(ПРАВСИМВ(ПОДСТАВИТЬ(A2;" ";ПОВТОР(" ";20));20))
Бу ерда фақат А2 ўрнига матн турган ячейка манзилини кўрсатиб қуйсангиз кифоя.
Каналга уланинг : Excel Hacks | @uz_excel
