Dugona

2022-07-09 10:49:13 Ассалому алайкум!

Барчангизга Қурбон Ҳайити муборак бўлсин! Ochish/sharhlash

2022-07-07 12:43:52 Болаларга массаж керакми?

Сўнгги бир неча кун давомида ижтимоий тармоқларда болалар массажи билан боғлиқ видеотасвирлар муҳокамаси авж олди. Чилонзорлик кунг-фу устаси нокомпетент массажчининг ҳаракатларидан ҳар қандай совуққон одамнинг тепа сочи тикка бўлади.

Қоидаси бўйича бажарилмаган ҳар қандай массаж боланинг шахсий ҳудудига бостириб қириш билан баробар.
Боланинг табиий ҳолатига таъсир қилиш, кафтларини мажбуран очиш, нотаниш одам билан контакт болада стресни юзага келтириши мумкин.

Қуйидаги ҳолатларда массаж қатъиян ман қилинади:
1.5 ойликкача бўлган даврда
вазн етишмовчилигида (2-3 босқич гипотрофияси)

тери хасталикларида
юқори ҳароратда
респиратор инфекциялар вақтида
ҳар қандай ўткир ёки сурункали инфекциянинг авж олган вақтида
юрак, ўпка ва бошқа аъзолар хасталиклари мавжуд ҳолатда
эпилепсия мавжуд бўлганида
жарроҳлик аралашувидан сўнг бир ой давомида.

Ёдингизда тутинг: массаж вақтида боланинг йиғлаши ҳеч кимга фойда келтирмайди! Ochish/sharhlash

2022-07-06 12:33:00 Фарзандларни ўз вақтида қўйиб юбориш кераклиги ҳақида чуқур маънога эга мультфильм.

@uz24ladyuz Ochish/sharhlash

2022-07-06 09:52:30 “Ижтимоий тармоқларда тарқалган “уқалаш муолажаси” билан боғлиқ видеолавҳа барчамизда эътироз ва нафрат уйғотди. Чунки ушбу хатти-ҳаракатлар нафақат тиббиёт, балки инсонийлик туйғуларига ҳам ётдир.

Вазирликнинг бу каби ҳолатларга нисбатан позицияси аниқ ва қатъий: биз инсон ҳаёти ва саломатлигига хавф соладиган, қадр-қиммати ва шаънини топтовчи ҳар қандай хатти-ҳаракатга муросасиз муносабатдамиз.

Шунинг учун ҳам мазкур масала юзасидан ўрганиш натижалари ва хулосаларимизни, хусусан, уқалаш муолажасини бажарган шахснинг тегишли рухсатнома, сертификат, ижара шартномаси, физиотерапия йўналишида диплом ва малака тоифасига эга бўлмай фаолият юритганига доир фактларни ҳуқуқ-тартибот идораларига тақдим этамиз. Ишонамизки, тез орада ушбу ҳолат ўз ҳуқуқий баҳосини олади.

Шу ўринда, ота-оналардан тегишли лицензия, рухсатнома ва малакага эга бўлмаган кимсаларга фарзандларининг тақдири ва саломатлигини ишониб топширмасликларини, агар бундай ноқонуний хатти-ҳаракатларга дуч келса, дарҳол вазирликнинг 71-241-10-67 ёки 71-241-82-40 телефон рақамларига мурожаат қилишларини сўраймиз”.

Б.Мусаев,
Соғлиқни сақлаш вазири. Ochish/sharhlash

2022-06-29 09:41:56 Ўғлимни мактабга қабул қилишди

Боғчага жойлаштириш бундан анча қийинроқ бўлган эди. Адашмасам, мактабга чиқадиган ўғлим ягона дарчада ҳали ҳам боғчага навбатда турибди)

Ҳа майли, бу муҳиммас.

My.maktab.uz сайтида амаллаб ариза топширдим, 3 кундан кейин аризам мактабга юборилгани ҳақида хабар келди. Ҳужжатларни топшириш учун навбатга ёзилдим.

Мактабга 1-синфга чиқадиган фарзандингиз ва ҳужжатлар билан
борасиз. Бошланғич синф ўқитувчиси бола билан суҳбатлашиб, мактабга тайёрлик даражасини текширади.

Қандай ҳужжатлар керак?
1. Ариза (мактабнинг ўзида тўлдириб берасиз)
2. 086 справка
3. Боланинг тиббий картаси
4. Паспортингиз нусхаси
5. Боланинг туғилганлик ҳақидаги гувоҳномаси нусхаси
6. 6та 3х4 расм (боланики)
7. Электрон аризани (яъни мактабга юборилганлик ҳолати ҳақидаги билдиришномани) принтерда чоп этиб, олиб боринг.

Болани ва ўзимни ортиқча қийнамаслик учун, уйимга энг яқин мактабни танладим.

@uz24ladyuz Ochish/sharhlash

2022-06-21 10:03:45 Тахтапулдаги инфекцион касалликлар шифохонаси - ҳаммаси сиз ўйлагандек қўрқинчли эмас

Сувчечак энг безарар, айниқса, кичик ёшдаги болаларда жуда енгил кечадиган касаллик деб қаралади. Бошида мен ҳам шу фикрда эдим.

4 ёшли фарзандимнинг юзидаги тошмалардан бу катта эҳтимол сувчечак бўлса керак, деган фикрда боғчага олиб бормадим. Лекин бу одатдагидек, сувли пуфакчалар эмас, йирингли яралар эди. Иситмаси 39 даражагача кўтарилиб, ҳатто овқат ҳам емай қўйди. Педиатр бироз иккиланиб сувчечак ташхисини қўйди ва иситма туширувчи препарат ҳамда кастелянка ёзиб берди.

Афсуски, вазият мен кутганимдан бошқачароқ тус олди. Якшанба куни эрталаб таниш врачларга телефон қилдим. Уларнинг ташхислари бир-биридан фарқ қилгани учун кўнглим бўлмай, Тахтапулдаги инфекционкага олиб бордим. У ерда “ҳар хил касал бор”лиги ҳақидаги шов-шувли афсоналарни сиз ҳам эшитгансиз. Қизимни кўриб, касалхонада ётишимиз ва антибиотик терапиясини олишимиз кераклигини айтишди. Дарвоқе, қизимга сувчечак ва иккиламчи инфекция ташхиси қўйилди.

Мана энди энг асосий нуқтага етиб келдик: больница деса кўпчиликнинг кўз ўнгида дори ҳиди анқиган коридорлар, тошдек қаттиқ каравот ва бемаза овқатлар гавдаланади. Менинг кўз олдимга эса, уйқусиз ўтган 4 тундан кейин тинч, иситмаси чиқмасдан ухлаган қизим келади. 2 суткадан кейин бизга рухсат беришди ва мен Тошкент шаҳридаги 1-сон юқумли касалликлар шифохонаси ходимларидан умримнинг охиригача миннатдорман.

Агар иситмаси тушмаётган болани шифхонада ёки уйда даволаш танлови турса, албатта иккинчисини танлашни тавсия қиламан. Чунки у ерда фарзандингиз профил шифокорлар назоратида бўлади, зарур анализлар топширилади, укол қилишга ҳамшира қидириб юрмайсиз. Лекин энг яхшиси фарзандларимиз умуман касал бўлмаслиги)

@uz24ladyuz Ochish/sharhlash

2022-06-21 08:55:37 Ochish/sharhlash

2022-06-16 09:35:29 Oртиқча вазн тўпланишининг 15 сабаби

1. Ҳаёт тарзи
2. Овқатланишга оид одатлар
3. Глютамат натрий ва бошқа маза кучайтиргичлар истеъмол қилиш
4. Қондирилмаган ҳиссий эҳтиёжлар
5. Стресс
6. Егуликни ўйламасдан танлаш
7. Қониқарсиз уйқу ва чарчоқ
8. Жисмоний ва эмоционал ҳолатни фарқлай олмаслик
9. Безовталик ва бошқа оғриқли ҳиссиётлар
10. Жинсий муаммолар
11. Атрофдаги одамлар
12. Жисмоний фаолликнинг камлиги
13. Ирсий мойиллик
14. Гиперинсулинемия, инсулинорезистентлик ва бошқа эндокрин бузилишлар
15. Дорилар қабул қилиш

@uz24ladyuz Ochish/sharhlash

2022-06-09 19:42:25 Ochish/sharhlash

2022-06-08 09:47:52 Ортиқча вазн ва сочлар ҳолати

Соч тўкилиши ҳозирги пайтда ҳар учинчи аёлни қийнаётган муаммолардан бири. Шампунь рекламасидагидек сочлар билан мақтана оладиганлар сони эса жуда кам. Аммо кўпинча сочларимиз тўкилаётганига кеч эътибор берамиз ёки муаммони қўлбола маскалар ва қўшнимиз маслаҳат берган шампунь билан ҳал қилмоқчи бўламиз. Бироқ масалага комплекс ёндашув керак. Унга ўз вақтида ухлашдан тортиб, тўғри овқатланишгача - барчаси киради.

Яқинда Токио тиббиёт-стоматология университети олимлари семизлик ва сочларнинг сийраклашуви ўртасида боғлиқлик борлигини аниқлабди. Nature журналида эълон қилинган илмий иш натижасига кўра, кўп миқдорда ёғли овқат истеъмол қилиш соч фолликулаларидаги тармоқ ҳужайраларга яллиғланиш сигналларини юборади ва бу сочларнинг сийраклашиб, тўкилишига сабаб бўлади.

Шунингдек, эксперимент натижасида семизлик оқибатида соч фолликулалари қайта тикланиши хусусияти блокланиши аниқланди.

Навбатдаги паҳлавани еяётган пайтингизда бу янгиликни эслайсиз, деган умиддамиз.

@uz24ladyuz Ochish/sharhlash