Matematika (Topologiya& Geometriya)

2022-02-03 14:47:00 ​ МУҲИМ!!
Республика махсус комиссияси қарорига изоҳ

Маълумки, республика махсус комиссияси қарорига асосан, 2022 йил 7 февралдан бошлаб барча таълим ташкилотларида ўқув жараёни анъанавий шаклга ўтказилиши эълон қилинган эди.

Мазкур хабар ижтимоий тармоқларда турли хил талқин қилиниб, кенг жамоатчилик, айниқса талаба-ёшлар ва уларнинг ота-оналари орасида айрим тушунмовчиликларни келтириб чиқармоқда.

Юқоридагилардан келиб чиқиб, Олий ва ўрта махсус таълим вазирлиги мазкур ҳолат юзасидан қуйидагиларни маълум қилади.

Талабаларга қулайлик яратиш, доимий яшаш ҳудудидан таълим муассасаларига хавфсиз, тирбандликларсиз етиб келишлари, жойларда авиа ва темир йўл чипталарини алмаштиришдаги ноқулайликларнинг олдини олиш ҳамда талабаларнинг ижара уйлари ва ётоқхоналарига ортиқча қийинчиликларсиз жойлашишларини таъминлаш мақсадида олий таълим муассасаларида ўқув жараёнлари 7 февралдан 24 февралга қадар босқичма-босқич анаънавий шаклга ўтказилади. Бу оралиқдаги дарс машғулотлари ҳам масофавий, ҳам анъанавий шаклда олиб борилади.

Бу жараён ҳар бир олий таълим муассасасининг ички имкониятлари, ўқув жараёнининг ҳозирги ҳолати, мавжуд шарт-шароитларини инобатга олган ҳолда алоҳида режа-график асосида амалга оширилади. Бу ҳақдаги маълумотлар ҳар бир таълим масканининг расмий веб-сайти ва ижтимоий тармоқлари орқали бериб борилади.

Олий ва ўрта махсус таълим вазирлиги 24 февралдан бошлаб ўқув юртларида таълим жараёнлари тўлиқ анъанавий шаклда олиб борилишини маълум қилади.

Telegram | Facebook | Instagram | YouTube Ochish/sharhlash

2022-01-29 20:50:42 #Ташаббус

Математиклар томонидан Математика соҳалари бўйича таълим олаётган ҳамда 2022/2023 ўқув йилининг I семестрида барча фанларни аъло баҳолар билан якунлаган ижтимоий ҳимояга мухтож (ота-онаси, отаси ёки онаси вафот этган) талабалар учун камида 500 000 (беш юз минг) сўмдан камида бир марталик моддий ёрдам берилади.

Қўшимча маълумот: @gbotirov

Бизни кузатишда давом этинг, яқин кунларда Сизлар учун янада янги лойиҳаларни амалга оширамиз!

mathnet.uz – Миллий математика онлайн платформаси

Ижтимоий тармоқлардаги саҳифаларимиз:
Telegram | YouTube Ochish/sharhlash

2022-01-19 08:54:17 Ochish/sharhlash

2022-01-15 10:24:47 Ochish/sharhlash

2022-01-06 10:53:32 ​​#Тезкор

ДИҚҚАТ! МУҲИМ ХАБАР!!!

Ҳурматли профессор-ўқитувчилар, ота-оналар ва қадрли талаба-ўқувчилар диққатига!

Хабарингиз бор, 2021 йил 24 декабрда давлатимиз раҳбари томонидан олий таълим тизимини туб ижобий ўзгаришларга олиб келадиган олий таълим муассасаларига молиявий, академик ва ташкилий-бошқарувда мустақиллик бериш борасидаги 2 та тарихий қарор имзоланди. Бу билан эса – Ўзбекистон олий таълим тизимида янги давр бошлаб берилди.

Қарор билан 2022 йил январь ойидан бошлаб республикадаги энг салоҳиятли 35 та олий таълим муассасаларига молиявий мустақиллик берилиши – бу борадаги вазифаларни сифатли тарзда амалга ошириш ва ҳозирданоқ мустаҳкам пойдевор яратишни талаб этади.

Бу ўз навбатида, олий таълим муассасалари бошқарувида янгича тизим асосида ёндашувни талаб этади.

Шу мақсадда, олий таълим тизими тарихида илк маротаба – ректорлар, проректорлар, деканлар ва молия масалаларига масъуллар учун ўз касбий маҳоратини ошириш, янгича тартибда ишлашни бошлаш мақсадида жорий йил 10-24 январь кунлари амалий семинар-тренинглар ташкил этилади.

Шу билан бирга, олий таълим муассасалари кредит-модуль тизимига тўлиқ ўтганлиги сабабли кафедра мудирлари ва профессор-ўқитувчилари учун асосий ишдан ажралган ҳолда ўқувлар барча олий таълим муассасаларида, ташкил этилади.

Бу жараёнга олий таълим муассасалари ҳузуридаги барча профессионал таълим муассасалари ҳамда академик лицейлар раҳбарлари ҳам жалб этилади.

Юқоридагилардан келиб чиқиб, 2021/2022 ўқув йилининг иккинчи ярмини тўлиқ ва пухта тайёргарлик кўрган ҳолда бошлаш мақсадида олий
ва профессионал таълим муассасалари, академик лицей талаба-ўқувчилари учун қишқи таътил муддати 2022 йил 24 январга қадар узайтирилди.

Ўз навбатида, қишки таътил даврида олий ва профессионал таълим муассасалари, академик лицейлар талаба-ўқувчиларининг вақтини мазмунли ўтказиш мақсадида олий таълим муассасалари ректорлари ҳамкорлигида онлайн фан олимпиадалари, интеллектуал викторинлар ташкил этилади.

Барча ёшларимизни ушбу тадбирларда иштирок этиб, ўз салоҳиятларини намоёнда қилишга чорлаб қоламиз!

Талаба-ўқувчиларга ўз уйларидан таълим муассасаларига қайтишларига қулай шарт-шароитлар яратиш мақсадида авиа ҳамда темир йўл чипталари тариф қисмидан 50 фоиз миқдорида чегирма берилиши муддати ҳам 2022 йилнинг 24 январига қадар узайтирилди.

Ва асосийси – 2022 йилнинг 11 январигача бўлган муддатга харид қилинган авиа ва темир йўл чипталари бепул тарзда тегишли муддатга алмаштириб берилади.

Мазкур масалаларни мувофиқлаштириш мақсадида Вазирликда Махсус штаб ташкил этилган бўлиб, барча ташкилий масалалар юзасидан қуйидаги ишонч телефонларига (10-06, 71-246-97-45, 71-246-28-63) мурожаат қилишингиз мумкин!
—
Telegram | Instagram | Facebook | YouTube Ochish/sharhlash

2021-12-29 14:09:54 Президентимизнинг ушбу табригини мен орқали барча математикларга йўлланган табрик деб ҳисоблайман!

Президентимиз ташаббуслари билан илм-фанни ривожлантириш борасида катта ислоҳотлар амалга оширилмоқда. Айниқса Математика илм-фани ва таълимига берилаётган эътибор ва эътирофлар, бизга улкан масъулият юклайди.

Республикамизда Математика илм-фанини ривожланишига ўз ҳиссасини қўшаётган барча юртдошларимизни кириб келаётган Янги йил байрами билан табриклайман!

Сизларни юртимиз равнақи йўлида янада фаол бўлишга чорлаб қоламан!

Ўзбекистон Қахрамони, академик
Аюпов Шавкат Абдуллаевич Ochish/sharhlash

2021-12-22 20:32:07 Yangi yildan ingliz tilini mukammal o'rganishni xohlaysizmi ?

Bugungi kunda til o'rganishda qunt qilib, aniq maqsad qilinsa insha'Allah albatta erishsa bo'ladi. Biz bunda sizga yordam berish uchun eng foydali til o'rganishga yordam beruvchi elektron platformalarni taqdim etamiz:

1. English films —> https://english-films.co/
2. Ted talks —> https://www.ted.com/
3. Oxford dictionary —> https://www.oxfordlearnersdictionaries.com/
4. Cambridge dictionary —> https://dictionary.cambridge.org/ru/
5. Quizlet —> https://quizlet.com/
6. Lingualeo —> https://lingualeo.com/ru/dashboard
7. Duolingo —> https://www.duolingo.com/learn
8. BBC learning English —> https://www.bbc.co.uk/learningenglish/
9. Native English—> https://www.native-english.ru/
10. Useful English —> https://usefulenglish.ru/grammar/
11. English Club —> https://www.englishclub.com/
12. My English Pages —> https://www.myenglishpages.com/site_php_files/grammar.php
13. English movies and serials —> http://lelang.ru/

Ushbu saytlardan o'zim ham foydalanaman, sizlarga ham ulashishdan xursandman, siz ham do'stlaringizga ulashishni unutmang

Respublika yosh olimlar Kengashi rasmiy sahifalariga a'zo bo'ling va do'stlaringizni taklif qiling:

• t.me/respublikayosholimlar_uz
• instagram.com/yosholimlar_uz
• fb.me/yosholimlar.uzb Ochish/sharhlash