ТИЛАК
Юрт, бут бўлгай, юртдош куйса юртдошига,
Ғаним доши, тўзиб кетгай юрт дошига,
Камарбаста бўлгайдирмиз юртбошига,
Юрт деб, барча юртбошидек куйиш керак!
Ҳур Ватанни севиш керак,севиш керак!
Элим деган улуғ бўлгай ҳар элда ҳам,
Қадамлари қутлуғ бўлгай ҳар йўлда ҳам,
Бахтдир Ватан учун ҳар бир чекилган ғам,
Юрт ғамини ҳар бир фарзанд ейиш керак!
Ҳур Ватанни севиш керак,севиш керак!
Оқибатли аҳил-иноқ бир жон бўлиб,
Олим, харбий, шифокору деҳқон бўлиб,
Кеча-кундуз балоларга қалқон бўлиб,
Мақсад сари олға қадам қўйиш керак!
Ҳур Ватанни севиш керак,севиш керак!
Юрт юксалиб борар барча бир тан бўлса,
Анвар халқим десанг кўнглинг чаман бўлса,
Ўзбекистон жондан азиз ватан бўлса,
Аллоҳимга беҳад шукур дейиш керак!
Ҳур Ватанни севиш керак, севиш керак!
Анвар Нишонов
@uychihokimligi
