📕 УРГУТ ТУМАН АХБОРОТ-КУТУБХОНА МАРКАЗИ 📓

2022-10-04 05:05:16 УМР саҳифаларидан яна бир кун ортда қолди.
"Эй инсон, аслида сиз кунлардан иборатсиз, бир кунимиз ўтса, демак бир бўлагимиз кетибди…"

Роббим... яқинларимиз, яхши кўрганларимиз Ўзингга омонат...

ХАЙРЛИ ТУН!
Тунингиз осуда ўтсин!

•┈┈┈┈•❈••✾••❈•┈┈┈┈• Ochish/sharhlash

2022-10-03 14:17:05 Qanday qilib o'qigan narsalarimizni eslab qolish mumkin?

E'tibor qarating. Xayolingizdagi barcha ishlarni kitob o'qib olguningizgacha chiqarib turing.

So'zlab bering. Har o'qilgan bet yoki varaqdan so'ng o'zingizga eslatma sifatida mazmunini yaqinlaringizga gapirib bering.

Tasavvur qiling. Har bir bo'layotgan voqea hodisalarni tasavvur qilish ularning esda qolishiga yordam beradi.

Ovoz chiqarib o'qing. Inson miyasi eslab qolishida ovoz tempi muhim ahamiyatga ega va bu eslab qolish uchun katta foyda hisoblanadi.

Alloh ilmimizni ziyoda qilsin! Ochish/sharhlash

2022-10-03 14:13:38 #ибрат #киноя

Японияда ишлаб юрган кезларим бир куни ҳамкасбим — ўқитувчи Ямамотодан сўрадим:

— Японияда ўқитувчилар куни қачон? Сизларда уни қандай нишонлашади?

У менинг саволимга ҳайрон бўлди ва шундай жавоб берди:
— Бизда ўқитувчилар учун махсус байрам куни йўқ.

Унинг жавобини эшитиб, бунга ишониш-ишонмасликни билмай қолдим. Хаёлимдан бир фикр ўтди: Иқтисодиёти, фан-техникаси ривожланган мамлакат бўлса, ўқитувчини, унинг меҳнатини қадрлашмайди?

Кунларнинг бирида ишдан сўнг Ямамото мени уйига таклиф қилди. У мактабдан узоқда яшагани сабабли биз метрога тушдик. Кечқурун, "тиғиз вақт" бўлгани учун метро поездлари йўловчилар билан тўлган. Тиқилинчда бироз қийналиб, тутқични маҳкам ушлаб туришга тўғри келди. Тўсатдан ёнимда ўтирган бобо ўрнидан туриб менга жой бўшатди. Кекса одамнинг менга бундай муносабатини тушунмай, унинг таклифини қабул қила олмаслигимни айтдим. Аммо, у қарорида қатъий эди, мен ўтиришга мажбур бўлдим.

Метродан чиққандан кейин Ямамотодан оқсоқолнинг ҳаракатини тушунтиришини сўрадим. Ямамота табассум билан костюмимга қадалган ўқитувчи нишонига ишора қилиб деди:
— Бу чол сенинг ўқитувчи эканингни кўрди ва айнан шу мақоминг ҳурмати, сенга жой бўшатди.

Ямамотонинг уйига илк марта ташриф буюраётганим учун бўш қўл билан бориш ноқулай эди. Мен бирор-бир совға олишга қарор қилдим. Ўз фикримни унга айтдим. У рози бўлди ва шу атрофда ўқитувчилар учун махсус дўкон борлигини, у ерда чегирма нархларда истаган нарсани сотиб олиш мумкинлигини айтди. Ҳайратимни яшира олмай:
— Имтиёзлар фақат ўқитувчиларга бериладими, — дедим.

Ямамото тасдиқ ишорасида бошини қимирлатди:
— Японияда ўқитувчи энг ҳурматли касб эгаси, энг ҳурматли инсон. Агар ўз дўконига ўқитувчи кирганини кўрса, япониялик тадбиркорлар жуда хурсанд бўлади, буни ўзлари учун катта шараф деб билади.

Япон ўқитувчиларининг ҳар куни байрамдек экан... Ochish/sharhlash

2022-10-03 13:35:28 3-oktabr kuni Urgut tuman Axborot-kutubxona markazi xodimlari tomonidan Kitobxonlar bilan ulugʻ rus shoiri Sergey Yesenin tavallud kuniga bagʻishlab davra suhbati oʻtkazildi. Suhbatda oʻquvchilar Sergey Yesenin sheʼrlaridan oʻqib berishdi. Ochish/sharhlash