2022-10-13 18:55:10
Роҳат-фароғат бу дунёга оид эмас.
Бургутни биламиз-а?
Бургут қушларнинг орасида энг узун умр кўрадиганидир. Етмиш йилгача яшайди. Фақат қирқ ёшга келганида қийин бир қарор беришга мажбур бўлади. Бургут бу ёшга келганида панжалари қотиб эластиклик ҳолатини йўқотади. Овлайдиган нарсаларини тута олмас ҳолга тушади. Тумшуғи ҳам узайиб кўксига тегиб қолади. Қанотлари кексайиб, оғирлашиб кетади. Туйлари картлашиб, қалинлашиб кетади.
Натижада икки йўлдан бирини танлашга мажбур: ё ўлимни танлайди, ёки янгидан туғилишнинг азоб-уқубатига чидайди.
Янгиланиш вақти бир юз эллик кунгача давом этади. Албатта, бургут агар янгиланишга карор бера олса!
Бургут ўз қароридан кейин бир тоғнинг тепасига – қоянинг деворига жойлашади. Учишга ҳожат бўлмайдиган жой бўлиши керак. Бу ерда бургут, аввало, тумшуғини қаттиқ тошларга ура бошлайди. Токи тумшуғи еридан кўчиб тушгунига қадар. Сўнгра янги тумшуқ ўсиб чиқишини кута бошлайди. Тумшуғи чиққач, бу янги тумшуқ билан панжаларини юла бошлайди. Янги панжалари чиққач, туйларини юла бошлайди.
Беш ойдан кейин бургут ўзига 20-30 йилдан кўпроқ умр бахшида қилган янгиланиш учишига тайёргарлик кўра бошлайди.
Биз инсонлар ҳам баъзан янгиланишга мажбур бўлиб қоламиз. Музаффарлик учишига эришиш учун бизга аччиқ алам, уқубат, азоб берган эски кўникмаларимиздан, одатларимиздан ва хотираларимиздан қутулишга мажбурмиз. Фақат ўтмишнинг кераксиз сафросидан қутулсаккина тажрибаларимиз бизнинг ҳаётимизга янгилик қўшиши мумкин.
"Фантом оғриғи" (Марзия Сайдам) китобидан
404 views15:55