UMRBOQIY HAQIQATLAR

2022-07-03 18:22:14 "Бугунги кунда энг долзарб масала - заминимизда тинчликни сақлаш"
- Ислом Каримов
islam_karimov_channel Ochish/sharhlash

2022-06-30 17:22:53 ҚОРАҚАЛПОҚ МЕН БЎЛАМАН ТАНИБ ОЛГИН.

Қорақалпоқ фарзандиман кулиб турган,
Шу элимнинг дардларини олиб турган.
Барчинойдек қизлариман ботир бўлган,
Қорақалпоқ мен бўламан таниб олгин.

Қорақалпоқ чаққон қизи ман бўламан,
Тўмориснинг изин босган йўл бўламан.
Боғларида ўсиб турган гул бўламан,
Қорақалпоқ мен бўламан таниб олгин.

Барчинайдек сафлатим бор қанот қоқиб,
Тинчимасман ўз юртимда ўқиб ўқиб.
Изланаман, ўрганаман, кўриб тўқиб,
Қорақалпоқ мен бўламан таниб олгин.

Сулувларнинг сулувиман ҳар дам яққан,
Ялтироқ қошдан бўйнимга маржон таққан.
Доноларнинг сўзларини доим уққан,
Қорақалпоқ мен бўламан таниб олгин.

Барно Ҳаётбахш
30 06 2022 17:56 Ochish/sharhlash

2022-06-30 05:59:24 Yoshlar madhiyasi

Yoshmiz, dilimizda ezgu ahd boʻlgay,
Har yurakda shiddat boʻlgay, shahd boʻlgay!
Yurtboshimiz koʻrsatgan yorugʻ yoʻlda,
Manzilgacha yoʻldoshimiz baxt boʻlgay!
 
Vatan bizdan kutmoqda buyuk ishlar,
Bu ishonchdan joʻshar ishtiyoqimiz!
Bunda jamdir Barchinoy, Alpomishlar,
Koʻksi baland “Yoshlar ittifoqi”miz!
 
Har koʻngilni chaman etmoq uchun ham,
Gullashaylik, Oʻzbekiston yoshlari!
Buyuk kelajakka yetmoq uchun ham,
Birlashaylik, Oʻzbekiston yoshlari!
 
Toʻqqiz yoshda Qurʼonni yod bilgan kim?
Eng ulugʻ muhaddis – Buxoriy bobo!
Yetti yoshida “Mantiq ut-tayr”ni,
Yod olgan kim? Bizning Navoiy bobo!
 
Bolalikdan asov otni egarlab,
Doim zafar quchgan Temur bobomiz!
Oʻn ikki yoshida taxtni egallab,
Yurt boshqargan bizning Bobur bobomiz!
 
Ajdodlardek yorugʻ yuz boʻlmoq uchun,
Nurlashaylik, Oʻzbekiston yoshlari!
Dunyo koʻrib qoʻysin biz yoshlar kuchin,
Birlashaylik, Oʻzbekiston yoshlari!
 
Bu kun jahon maydonida koʻp yoshlar,
Boʻlmoqdalar ajdodlarga munosib!
Ular yurtni marralar sari boshlar,
Beruniylar bosgan izlarni bosib!
 
Yurt bayrogʻin Kubroday mahkam tutib,
Yuksaklarga qadar uchgan yoshlarmiz!
Boradirmiz, turmaymiz baxtni kutib,
Har jabhada zafar quchgan yoshlarmiz!
 
Dunyo bilan barcha tilda birma-bir,
Tillashaylik, Oʻzbekiston yoshlari!
Vatan qadrin birdamlik koʻtargaydir,
Birlashaylik, Oʻzbekiston yoshlari! Ochish/sharhlash

2022-06-30 05:56:22 YOSHLAR MADHIYASI.
Oq yo’rgakka o’ragansan o’zing bizni
Oq yuvib oq taragansan o’zing bizni
Beshigimiz uzra bedor onam bo’lib
Kunimizga yaragaysan o’zing bizni
Fidoying bo’lgaymiz seni O’zbekiston
Hech kimga bermaymiz seni O’zbekiston
Qalqoning bor kim qast qilsa gar joningga
Alpomishlar ruhi yor har o’g’loningga
Asragaymiz giyohing ham gulday o’pib
Yovlar yaqin yo’lolmagay qo’rg’oningga
Adoying bo’lgaymiz seni O’zbekiston
Hech kimga bermaymiz seni O’zbekiston
Tuzing totib unutganlar xor bo’ladi
Ko’zlariga ikki dunyo tor bo’ladi.
Shodon daming ko’rolmagan yurtfurushlar
Bir bir kaft tuprog’ingga zor bo’ladi.
Yoningda turgaymiz seni O’zbekiston
Hech kimga bermaymiz seni O’zbekiston Ochish/sharhlash

2022-06-28 09:49:08 БИЗ ШУНДАЙ ЯШАЙЛИК, БАХТДАН ҲАМ БАХТЛИ.

Биз шундай яшайлик, бахтиёр бўлиб,
Биз шундай яшайлик, шодликга тўлиб.
Биз шундай яшайлик, хохолаб кулиб,
Оламлар кулсинай борлигимизга.

Юракга завқлар бериб яшасак,
Ғамларни бир четга суриб ташласак.
Байраму тўйларда бирга ошласак,
Биз шундай яшайлик, бахтдан ҳам бахтли.

Оламлар кулганда, биз ҳам кулайлик,
Оламлар тўлганда биз ҳам тўлайлик.
Ёнида ҳамнафас шерик бўлайлик,
Биз шундай яшайлик, бахтдан ҳам бахтли.

Мустақил замонда қўшиқлар айтиб,
Катта давраларда жўшиблар қайтиб.
Сўзлар сандиғини шундай бойитиб,
Биз шундай яшайлик бахтдан ҳам бахтли.

Барно Ҳаётбахш
28 06 2022 11:37 Ochish/sharhlash

2022-06-28 08:11:32 Iqrorman, sizgacha ko'p bora toydim, Ko'p bora turg'azdi Rahmon qo'llari... Ochish/sharhlash

2022-06-19 05:22:47 БУгун байрам байрамдай бўлди.

Китоб тақдимотидан таъсирланиб.

Бугун байрам байрамдай бўлди,
Бошимизга давлатлар қўнди.
Юзда кулги лабда табассум,
Чеҳрамизга офтоблар қўнди.

Бугун байрам байрамдай бўлди,
Гўя офтоб чиққандай бўлди.
Нурга тўлиб Шараф шон элим,
Давра мана кулгига тўлди.

Бугун байрам байрамдай бўлди,
Онам юзи кулгандай бўлди.
Ёрлиқни қўлга олганда шу,
Ойлар кулиб тўлгандай бўлди.

Бугун байрам байрамдай бўлди,
Қайғу ғамлар кетгандай бўлди.
Зилол сувлар шарқираб оқиб,
Барно бахтга етгандай бўлди.

Барно Ҳаётбахш
19 06 2022 01:07 Ochish/sharhlash

2022-06-17 19:39:49 ​#Sotuvda

To'xtaxon Dadaboyeva, «Ingliz tilining oltin qoidalari»

Ushbu qo‘llanma ingliz fonetikasi, o‘qish qoidalari, so‘z turkumlari, yordamchi so‘z turkumlari, artikl, ibora va gaplar tuzish usullari uch tilda — ingliz, o‘zbek va rus tillaridagi misollar orqali tahlil qilingan.

Muallif To‘xtaxon Dadaboyeva 1995-2000 yillar Asaka shahridagi 42-sonli maktab o‘quvchilariga o‘z dasturi bo‘yicha ingliz tilini chuqurlashtirib, boshlang‘ich sinf o‘quvchilariga baho qo‘ymay bilim berishni sinab ko‘rgan. Respublika nashrlarida 2007 yili «Novator o‘qituvchi» deya eʼtirof etilgan.

Qo‘llanma maktab, oliy va o‘rta maxsus yurtlari talabalariga, ingliz tilini mustaqil o‘rganuvchi keng kitobxonlar ommasiga mo‘ljallangan.

Muqova: Qattiq, 412 bet
Nashriyot: «Yangi asr avlodi»
Narxi: 42 000 so'm

Yetkazib berish xizmati mavjud.
Chilonzor-8, Qatortol ko'chasi 60
Telegram: t.me/bookuzbek
Tel: +99899 8910324 / +99871 2300050

@bookuzbekistan Ochish/sharhlash