Reviews can be left only by registered users. All reviews are moderated by admins.
5 stars
0
4 stars
0
3 stars
1
2 stars
1
1 stars
1
Oxirgi xabar
2022-08-27 14:50:16
Insonlarning behuda so'zlarini soatlab tingladim-u, sizning dardingizni eshitishga toqatim yetmadi... Insonlar chorlasa yugurib bordim-u, sizning chaqiriqlaringizga "vaqtim yo'q" dedim... Duo qiling deb qo'ydim-u, hatto tahoratingizga suv tayyorlab berishga yaramadim... Ko'chadagi begonalarning dakkilariga kulib qo'ydim-u, sizning jahllaringizga baqirdim... Ona... ikki olamda ham sizdek ne'matning shukrini ado etolmayman... Ona... kechiring, mehringizga munosib oʻgʻil(qiz) bo'la olmadim... Shunda ham "Alloh rozi bo'lsin, bolam, nuridiydam, sendan roziman" deysiz... Koshki, bu roziliklarga arzisam...
Bilaman, Qadrdonim... Siz ba’zan o‘zingizni keraksiz insondek his qilasiz...
Ammo kimdir har kuni ertalab Siz sovg‘a qilgan piyolada choy ichadi, Siz sovg‘a qilgan telefonda qadrdonlariga qo‘ng‘iroq qiladi, Siz tavsiya qilgan kitobni rohat bilan o‘qiydi, Siz hadya etgan kiyimni xursand bo‘lib kiyadi...
Yana kimdir Sizning qilgan yordamingizni eslab, g‘oyibdan haqqingizga duo qiladi, yana kimdir siz aytib bergan latifani eslab, tabassum qiladi....
Bugun kimdir sizning e’tiboringizdan boshi osmonda, yana kimdir uning ko‘nglini ko‘targaningizni aytib, boshqalarga zavq ulashyapti...
Qadrdonim, hech qachon o‘zingizni keraksizdek his qilmang. Chunki har bir harakatingiz kimningdir hayot yo‘lida yaxshilik, xursandchilik izini qoldiradi. Garchi kichik bo‘lsa ham...
Nimadir bo‘ldi-yu, er-xotin orasiga shayton oraladi. Totuv oilada qattiq janjal bo‘ldi. Er o‘zini bosolmadi. Xotinini shartta mashina o‘tkazib, alam va g‘azab bilan: - ”Uzr, sen bilan yasholmasakanman!” - deb onasinikiga tashlab ketdi. To‘g‘ri masjidga borib peshin namozini o‘qidi. Namozdan keyin joyidan jilmadi. O‘tiraverdi, o‘tiraverdi. Asrga aytilgan azondan cho‘chib o‘ziga keldi. Asr namoziniyam o‘qib, masjiddan to‘g‘ri uyiga bordi, huvillagan hovlini ko‘rib ko‘ngli allanechuk bo‘lib ketdi. Xotiniga telefon qildi: - “Onasi, boraymi, qaytasanmi?” - Mayli, dadasi. Faqat bitta shartim bor. - “Xo‘sh?”. - “Oshxonaga kiring”. - “Kirdim”. - “Tarelkani olib, zarb bilan uring yerga”. - “Urdim”. - “Endi siniqlarini yig‘ib, avvalgi holiga keltiring. Keyin qaytaman”. - “Uzr, xotin. Man plastik tarelkani yerga urgan ekanman. Singanam yo‘q, siniqlariyam yo‘q-ku?”. - “Obbo! Rivoyatniyam rasvo qildingiz-ku, dadasi. Keling, mani tezroq olib keting. Ota-onamga birrovga keldim, degandim” - dermish ayoli...
...hech sababsiz tabassum qiladilar... ...yiqilsalar, darhol o‘rinlaridan turib ketadilar... ...bir narsani xohlasalar, yetishmaguncha chekinmaydilar... ...qiziqtirgan narsasini anglab yetmagunlaricha ularni hech narsa to‘xtata olmaydi... ...aslo qo‘rquvni bilmaydilar... ...urishib koyisangiz ham, xafa bo‘lib, gina qilmaydilar, darhol unutadilar...
Kimdir sizni sevadi, kimdir esa chiday olmaydi... Biri kelib do'stingizga aylanadi, boshqasi esa dushmaningiz bo'ladi... Ba'zi kishilarning yurish-turishidan samimiyat ufuradi, ba'zi kishilarning tabiatida xasislik to'lib ko'rinadi... Kimdir sirlaringizni saqlaydi, kimdir esa gaplaringizni tashiydi... Biri yo'qligingizda o'zini-da sog'intirar, boshqasining tashrifi kamaymas... Ba'zi insonlarga dardingiz dard, sevinchingiz quvonch bo'lib yuqar ekan, ba'zi kishilarga esa dardingiz sevinch, sevinchingiz esa qayg'u bo'lib tatiydi... Undaylari ham, bundaylari ham mavjuddirlar... Boringki, shunaqalar ham bo'lsinlar... Agar siz O'ZINGIZdek bo'lib qola olsangiz va doimo go'zallik va ezgulikni nishon olsangiz, demak, yuzingizga bir tabassum sachrating va yashashda davom eting...
Seni, eng yaxshi Alloh biladi. Qolganlar esa yo yanglish anglaydi, yo sen toʻgʻringda kamroq biladi. Seni baxtsiz qilganlar sababidan baxtsiz boʻlma, baxtiyor boʻladigan zamoning ham keladi.
Seni baxtsiz qilganlarni koʻrib barchani oʻshanday deb oʻylama, seni baxtiyor qiladigan (inson) ham keladi.
Bugun juda koʻp dardim bor dema, u dardni senga bergan Allohning, darmonni beradigan kuni ham keladi.
Sen Robbingga duo qil! “Duo qilsam nima boʻlardi?”-dema, duoying qabul boʻladigan kun ham keladi...
Yomg‘irdan keyin gul ochiladi... Samoda kamalak paydo bo‘ladi... Hamma azobning ketidan rohat keladi... Qiyinmi..? Juda ham qiynalyapsizmi qadrligim..? Unda shod bo‘ling... Chunki sizni katta baxt kutyapti... Ishoning va intiling... Dardlaringizga o‘zingizdan o‘zga sababchi axtarmang... Siz vaziyatni o‘zgartirolmasangiz, unga bo‘lgan munosabatingizni o‘zgartiring... Qalbingizni ezgulikka yo‘naltiring.. Bu dunyo imtihon maydoni... Shuning uchun ham har kuni har xil sinovlar bilan sinalasiz... Chidang, sabr qiling, Inshaalloh mukofotlanasiz... Chunki sizga berilgan umr g‘amda ham quvonchda ham bir xil o‘tadi..! Siz vaqtni boshqara olmaysiz... Sizda undan ham qudratli narsa bor... Bu o‘sha vaqtni ezgu xotirotlarga aylantirish. Bu sizning vaqtga ta’siringiz bo‘ladi... Bu sizning goʻzal sabringiz... Bu sizning Allohga nisbatan goʻzal gumoningiz boʻladi... Oz qoldi qadrligim, juda oz qoldi...
Koʻchamizga qatiq sotuvchi keldi. Kolyaskada chaqaloq, yonida 5-6 yoshlardagi qizchasi. Bonkalar kolyaska tagiga joylashtirilgan. Bir bonka qatiq besh ming soʻm ekan. Shu payt onasi ham, qizcha ham qoʻshnilarning darvozasini taqillatgani ketishdi. Men sekin bildirmay kolyaska choʻntagiga oʻn ming soldim. Yana bir bonka qatiq olib, qizchaning qoʻliga besh ming berdim. Ertasiga ular yana kelishdi. Mabodo siz adashib pul bermadingizmi, hisob kitobimizdan oʻn ming soʻm ortiqcha chiqayapti, deyishdi. Titrab ketdim. Dunyoni goʻzallik emas, halollik qutqarsa kerak...