#ummuzaynabummu_дан. Мана тўрт-беш кундирки, ёзиб бораётган | Ummu Zaynab Ummu-Azizaxon Ismoilova ijodi kanali
#ummuzaynabummu_дан.
Мана тўрт-беш кундирки, ёзиб бораётган "Тавбаи насуҳ" асаримни тўхтатиб турибман. Бунга сабаб соғлиғимда бўлган баъзи бир муаммолар.
Ўтган ҳафта бўйин чуқурчамдан сал тепароқда қанақадир кичкина дўнглик пайдо бўлди. Нима экан деб бир икки марта тегиниб кўрдим. Кейин қизим телефонимдан суратга олиб кўрсатди. Озгинагина шишиб турган нарса эди аммо орадан бир неча кун ўтди-ю эрталаб мен азонда у бўйнимгача берган оғриқни ҳис қилиб уйғондим. Шиш энди анча катталашиб улгурганди. Мана кеча ўша шишни ёрдириб келдик. Ҳозир анча яхшиман. Дориларни қизим қўйиб қўйяпти.
Очиғи каминада баҳор тугул ҳатто куз-қиш мавсумида ҳам иммунитет жуда тушиб кетади. Бошимдан ёғилган сочларни-ку агар совға этадиган бўлсам, аниқ тўртта кал хурсанд бўлиб қолиши аниқ.
Кимдир "бу қиз жуда кўп касал бўлар экан" дея хаёлга боргандир. Ҳа, тез-тез оғриб тураман. Болаларим ҳали ёш ва уларни ёлғиз ташлаб ўрганмаганман. Шунинг учун кўп муолажаларни уйда оламан.
Постим охирида ҳар бир тузалишимни истаб тилак билдираётган қадрдонларимга ўз миннатдорчилигимни билдирмоқчиман. Касал бўлманг, доимо соғ-саломат юринг!
@Ummuzaynabummuijodi
