Ҳижобга қадам қўя олмай иккиланаётган бўлажак “Муслималар” га! | UMMAT ONALARI
Ҳижобга қадам қўя олмай иккиланаётган бўлажак “Муслималар” га!
Ҳозирги даврнинг ҳеч ҳам тугамайдиган энг фитнали, энг кўп тортишувларга сабаб ва исломнинг энг муҳим шарти бўлган амал “Ҳижоб” дир.
Баъзан суҳбатларда айтиб қолишади. “Сизга маззада ёшлигингиздан ҳижоблангансиз". Шунинг учун уялмайсиз.
Мен айтаманки “мен ҳижобга кирганимда жуда ҳам кичкина эдим ва ҳижобни бу қадар неъмат эканлигини билмас эдим".
Ўзи ҳидоят билан ҳижобланган билан, оила одатидек ҳижобланганни ўртасида ер билан осмонча фарқ бор. Сиз мендан кўпроқ ажрланарсиз балки.
Мен ҳам қийналдим. Мактабда рўмол ўрайдиган ва ҳар куни “гуноҳкор” сифатида сўроққа тортилиб, шарманда қилинадиган иккитагина ўқувчи бор эди. У ҳам бўлса мен ва опам.
Синовсиз ҳижоб йўқ. Ҳалигача ҳижобим учун турткиланаман. Ҳатто кўчада “Пис” (Ифлос) дея туртиб ўтиб кетишади.
Метрода ёнимга ўтиришмайди. Ўтирганлар ҳам албатта ҳижобим ҳаққида савол сўрайди.
Мен ҳам ”Замон кўтармаяпти” деб ҳижобимни ёки ниқобимни ечиб ташласам бўлар эди.
Лекин “Муслималик осон бўлганда эди, Осиё онамизга, Марям онамизга, Ҳожар онамизга, Сара онамизга меникидан оғир синовлар келмас эди".
Мени синовчаларим уларнинг машаққатлари олдида чикора дейман ва томоғимни бўғган аччиқ кўз ёшимни юрагимга кўмиб йўлимда давом этаман. Ахир жаннатгача ғарибликни бўйнимизга олмадикми?
Баъзи қизларни қалбида “Лип” айтган виждоннинг ёруғлиги кўринади. Ўранишга қарор берадилар.
“Душанбадан рўмолга кираман” дейдилар ва якшанба куни шунга ўхшаш боҳоналар туғилиб қолади: “Мактабни битирсам ўранаман”. “Ўқишга кириб олай ўранаман". “Ўқишни битириб олай албатта ўрайман". “Тўйимдан кейин ўранаман эр чиқмай қолади”.
“Келин кўйлак кийиш бир умрлик орзум, шуни кутяпман кейин ҳижобланаман". “Онам қарши чиқяптилар, рози бўлмайман деб йиғлаяптилар". “Дадам оиламизнинг обрўсига тўғри келмайди, мени шарманда қилма” дедилар. (Очиқлик даюслик билан қозониладиган обрўнинг йўғи яхши!)
“Менга ярашмайдида ўрашни билмайман". “Кийимларим ҳаммаси очиқларники, ҳижобга кирсам ҳаммасини алмаштиришим керак, ҳозир маблағим йўқ. Пул топсам ўранаман".
Эй муслималикка қадам қўйишга қўрқаётган муслимам, нега Жаннат йўлидан арзимаган рўкачлар билан тисариляпсиз.
Ҳижобдан аввал ўлим келиб қолса нима қиласиз? Эрдан аввал ажал келиб қолса қаерга қочасиз? Сизга келин кўйлакдан аввал кафан кийгизилиши ҳам мумкинку.
Ўлим ”Мактабни битириб олсин, эрга тегиб олсин,келин кўйлак кийиб олсин, ҳаётини йўлга қўйиб олсин кейин қаршисидан чиқаман” демайди.
Ҳижобсиз, ҳидоятсиз ҳолатингизда ўлимга рўпарў келишингиздан даҳшатга тушмаяпсизми.?
Воз кечинг сизни ҳижобингиз учун жуфт қилмайдиганларни. Сизга уйланмай қолишидан қўрқиб жаннатдан воз кечасизми?
Қўяверинг ўша мушрикларни “Оқ кўйлагини”. Майли, келин кўйлак киймаганингиз учун тўйингизга келмасинлар, сизни тўйингизга “Ҳижобли келин” бўлганингиз учун фаришталар ташриф буюрсин.
Аллоҳга бир қадам ташласангиз у Зот сизга ўн қадам ташлайди. Аллоҳга яқин бўлганнинг эса бошига албатта синов келади. Роббим ”қани бандам орқага қайтармикан ёки йўлида давом этармикан”, дея йўлингизга кичик тошлар қўяди.
Сиз тошчаларга қоқилмаслик учун Аллоҳга суянинг. Тошчаларга қоқилиб орқага қайтманг. Сабр билан олға интилинг.
Сизга синов онангиз, отангиз билан юборилгандир балки? Парво қилманг йўлингиздан тўхтаманг. Сиз бор кучингизни Аллоҳни розилигига қаратаверинг у Зот бандаларни ҳам оилангизни ҳам сиздан рози қилиб қўяди.
Дуоларда бардавом бўлинг, оилангиз ҳам ҳидоятланиб қолсинлар.
Нафсингизга бир мушт урингда ю шу бугунданоқ ҳижобланинг! Мақсад бўлса албатта сабаб топилади.
Ҳижоб кийишимга ота-онам қарши деб орқага сураётганлар, маъсиятни ота-онангиздан беркитиб ҳам қиласиз. Шайтонни чақириғини ота-она, эр, қайнона-қайнотани деб кечиктирмайсизу, Раҳмоннинг чақириғини ўхшамаган баҳоналар билан ортга сурасизми? Гуноҳни ота-онадан яшириб қилганингиздек, ҳижобни ҳам ота-онангиздан яшириб ўрайверинг.
