Ulmasbekbooks | Blog

2023-01-27 19:24:02 ​​Qirol Eduard va Tom Kenti

Mark Tvenning "Shahzoda va gado" romani

Bu Eduard va Tom Kantilarining hikoyasidir. Biri Angliya shahzodasi sifatida, ikkinchisi esa kambag'al oilada tugʼilgan. Taqdir ularni birlashtirdi va ular bir xil o'xshashlik tufayli o'rin almashishdi yaʼni Tom, u doimo qirol bo'lishni orzu qilgan va o'z orzusidagi hayotga erishdi. Eduard, ishonuvchan va muloyim shahzoda, hech qachon hech qanday azob-uqubatlarni bilmaydigan, taqdir tufayli ochlikdan qiynalgan, kaltaklangan.

Koʻpgina filmlar va seriallar “Shahzoda va gado” kitobidan ilhomlangan. Ayniqsa Vanessa Hudgens ishtirokidagi “The Princess Switch” filmi. Ammo bu filmlarning barchasida bu kitobning asl mohiyati yo'q. Sababi, ushbu romanda odamlar tiriklayin yoqib yuborilgan yoki mayda jinoyatlar uchun dorga osilgan, madaniyatning og'ir haqiqatlari shunday mohirona tasvirlanganki xuddiki siz oʼz koʼzingiz bilan koʼrib turgandek. Shahzoda Eduard o'z sayohatida hayotini o'zgartiradigan bu shafqatsizliklarga guvoh bo'ladi.

Tom Kantining otasi va buvisi uni haqorat qilishadi, tinimsiz kaltaklashadi. Ular uni va uning ikki singlisini tilanchilikka majburlashdi. U Eduard bilan o'rnini almashtirganda, bechora shahzoda barcha xo'rliklarga chidadi. Ularning ikkalasi ham boshqalarga haqiqatni aytishga harakat qiladilar, lekin ularni jinniga chiqarishadi.

Men Mark Tvenning kitobini birinchi marta o‘qiyapman. Menga ushbu tarixiy fantastikani oʼsha davr kiborlari va qashshoqlarining aniq tafsilotlari bilan yorqin namoyon qilingani yoqdi. Barchaga tavsiya qilaman.

2023-yilda oʼqilgan 4-kitob

@ulmasbekbboks Ochish/sharhlash

2023-01-21 21:09:47 ​​Sadoqat timsoliga aylangan Tahsin

Bahodir Yenishehirlioʼgʼlining "Hukmdorim" romani

Barchamizga tanish boʼlgan, katta qiziqish bilan tomosha qilingan "Poytaxt" serialining Tahsin poshosining unitilgan hayoti ushbu romanda gavdalantirilgan.
Asarda 1894-1930-yillardagi Turkiyaning ijtimoiy va siyosiy holati namoyon qilingan. Usmoniylar saltanatining soʼnggi yillari.
Ichki va tashqi dushmanlarning birgina maqsadi bor, u ham boʼlsa, sulton Abdulhamidni taxtdan agʼdarish.

Tahsin posho nafaqat davlati va hukmdoriga sodiq qolaversa, doʼstlik va sevgisiga sodiq qolgan, yaxshi taʼlim va tarbiya olgan arbob desak yanglishmaymiz. Men asarni oʼqishda haqiqiy doʼstlikni qanday boʻlishini, sadoqat qanday koʼrsatilishini his qildim. Umrining oxirigacha doʼstini unutmadi, esidan chiqarmadi. Qilingan tuxmatlar tufayli saroydan chetlatishga majbur boʻlgan hukmdor Abdulhamidga shunday qilgan boʻlsada sodiq qoldi.
Bolaligidan otasidan juda yaxshi tarbiya koʼrganligini, otasining oʼgitlariga doimo amal qilishini esa alohida taʼkidlash joiz.
Farida - oqila, aqlli, farosatli va ajoyib jufti halol. Tahsin posho va Farida oʼrtasidagi sevgi, bir-biriga hurmat va bir-birini tushunish juda yaxshi yoritib berilgan.

Asarni oʻqib xuddiki oʼsha davr muhitini his qilgandek, oʼsha davrda yashagandek boʼladi inson. Bu kitobni oʼqishingizni tavsiya qilgan boʼlar edim.

2023-yilda oʼqilgan 3-kitob.

@ulmasbekbooks Ochish/sharhlash

2023-01-17 11:30:48 ​​Vunderkind Matilda.

Roald Dalning "Matilda" asari

Menimcha Matilda filmini koʼrmagan yoki eshitmagan inson boʼlmasa kerak. 5 yoshlik qizcha boʼlishiga qaramasdan xuddi kattalardek fikrlaydigan bu qizaloq barchani hayratga solib, koʼngillardan joy oladi. Bu filmni men ham ancha koʼp marotaba tomosha qilganman. Menga filmning eng kulminatsion nuqtasi bu uning kitoblarga ishqibozligi boʼlgan.

Bu asar sarguzasht, badiiy toʼqima boʼlishiga qaramasdan ibratli va hikmatli maʼlumotlarga boy. Uydagi ota-onaning juda ham qoʼpol va eʼtiborsiz munosabati tufayli Matilda hayotni oʼrganishni, ota-ona mehrini kitoblardan oldi. Shunchalik kitoblarni oʼqir ediki, bu yoshdagi bola qanday qilib shuncha oʻqishi mumkin deb oʼquvchini oʼyga toldiradi.

Ushbu asarda oʼquvchi oʻziga bogʻlab oladigan eng muhim obrazlardan yana bir bu Miss Tranchbul xonimdir. Oʼzining qoʼpolligi, bolalarga oʼshqirishi, beʼmani soʻzlari bilan mutolaachini oʼziga qaratmasdan qolmaydi.

Asar o'quvchi e'tiborini saqlab qolish uchun ijodiy tasavvuridan foydalanishning ajoyib namunalari bilan to'ldirilgan. Masalan, Matilda o'zining diqqatini jamlash orqali va sehrli ko'zlari bilan doskada direktorga haqiqatni yaʼni Miss Hanidan eshitgan hikoyasidan kelib chiqib yozishi.

Sarguzashtga qiziqadiganlarga tavsiya qilgan boʼlardim.

2023-yilda oʼqilgan 2-kitob.

@ulmasbekbooks Ochish/sharhlash

2023-01-11 19:18:27 ​​​​Sarguzasht istaganlar uchun

Jyul Vernning "Kapitan Grant bolalari" asari

Sayohat, sarguzasht va fantastika janrlariga qiziqishim sababli shu kitobni oʻqishni istagan edim. Roppa rosa 2 oyda tugadi bu kitob. Choʼzilishining sababi esa kitobdagi qahramonlar bilan birga sayohatimiz tugab qolishini istamadim.

Sayohatni sevadigan, fantastika va sarguzasht talab yoshu qarilar uchun juda ham ajoyib asar bu. Ayniqsa geograflar uchun ayni muddao bu. Juda ham koʻplab joy nomlarining kelishi insonni gangitib qoʼyadi. Qolaversa, tabiat hodisalari boʼyicha har xil qiziqarli maʼlumotlarnig keltirishi sizga yana ham koʻp bilim berishga yordamlashadi.

Asar qahramonlari oʼzlari tanimagan bilmagan insonni qutqarish uchun yoʼlga otlanadilar. Bitta maqsad - Kapitan Grantni topish boʼladi va bundan qaytmaydilar. Turli xil qiyinchiliklarni mardona yengib yana yangi manzillar tomon ketadilar.

Koʻplab siz bilmagan yangi soʻzlar va ularning maʼnolari ham keltirib oʻtiladi.

Bu asarni bolalar emas qolaversa kattalar uchun tavsiya qilaman.

2023-yilda oʼqilgan 1-kitob

@ulmasbekbooks Ochish/sharhlash

2023-01-05 07:32:52 Ochish/sharhlash

2022-09-24 06:21:41 Aldama ...
Sen uchun kichik yolgʻonlar senga ishonaman inson uchun katta ahamiyatga ega.
Baʼzi yolgʻonlaringni sezib turib bilmagandek koʼrsatgan inson, seni yoʼqotmasligi uchun indamaydi, sezmagani uchun emas!

@mr_deyl Ochish/sharhlash

2022-09-22 06:28:23 Sizni yoqtirmaydigan odamlarga e'tibor bermaslikni o'rganing. Sizni yoqtirmaydigan odamlar ikki xil bo'ladi: ular yo ahmoq yoki hasadgo'y. Ahmoqlar bir yildan keyin sizni yaxshi koʼrib qoladilar, hasadgo'ylar esa sizning ulardan ustunligingiz sirini bilmay o'lishadi.

@mr_deyl Ochish/sharhlash

2022-08-11 15:20:17 ​​Kema suvda bo'lganda cho'kmaydi. Ichida suv bo'lganda u cho'kib ketadi.

Atrofimizda nima sodir bo'lishi muhim emas. Muhimi, bizning ichimizda nima sodir bo'lishidir.

@mr_deyl Ochish/sharhlash

2022-08-10 19:55:16 Kechagi bayram sovgʻasi

@mr_deyl Ochish/sharhlash

2022-08-09 21:28:55 Bayram ham oʼtdi
Oʼzimni oʼzim 1 dona kitob bilan tabrikladim bayramga.
Ertaga koʼrsataman qaysi kitobligini.
Shu kuni tabriklamasam uyat boʼlar edi lekin

@mr_deyl Ochish/sharhlash