AQSH Senati Ukrainaga lend-liz berish toʻgʻrisidagi qonun loyi | Ukraina Bugun

AQSH Senati Ukrainaga lend-liz berish toʻgʻrisidagi qonun loyihasini maʼqulladi

AQSH Senati prezident Jo Baydenga Ukraina va Sharqiy Yevropaga harbiy yordam yuborishni osonlashtirish uchun lend-liz dasturidan foydalanishga ruxsat beruvchi qonun loyihasini bir ovozdan maʼqulladi.

Dastur oxirgi marta Ikkinchi Jahon urushi paytida, Amerika harbiy yordami fashistlar Germaniyasining muxoliflariga — birinchi navbatda Buyuk Britaniya va SSSRga yuborilgan edi.

Kongress veb-saytida eʼlon qilingan hujjat yanvar oyida Moskvaning Ukrainaga qoʻshin yuborishga tayyorlanayotgani haqidagi xabarlar fonida taqdim etilgan. Unga 14 respublikachi senator, 6 demokrat va yuqori palataning bir mustaqil aʼzosi homiylik qilgan. Qonun loyihasi AQSH prezidentining Ukrainaga harbiy yordam yetkazib berish boʻyicha bitimlardagi vakolatlarini kengaytiradi.

Aslida, bu prezidentga eksport nazoratini chetlab oʻtib, harbiy texnikani qarzga yoki ijaraga berish imkonini beradi. Ishlatilgan harbiy texnika hisobdan chiqarilishi mumkin va yoʻq qilingan texnika uchun toʻlov undirilmaydi.
Endi qonun loyihasi Kongress quyi palatasi tomonidan koʻrib chiqilishi kerak. Shundan soʻng u imzolash uchun prezidentga yuboriladi.

@ukrainabugun