2022-07-10 08:30:18
Kun davomida bilimlarni oʻzlashtirish darajasiInsonning jismoniy xususiyatlari taʼlim jarayoni uchun ham muhimdir. Maktablarda dars soatlarini fanlarning qiyin-osonligiga qarab joylashtirishda bolalarning oʻzlashtirish bilan bogʻliq jismoniy holati ham hisobga olinishi darslar samaradorligini oshiradi.
Inson tana aʼzolarining faolligi tunu-kun, yaʼni 24 soat davomida oʻziga xos oʻzgarishlarga uchraydi. Ayrim vaqtda ular natija berishga va tetiklikka, boshqa vaqtda esa uyqu va dam olishga qaratilgan boʻladi. Bu biologik soatlar har bir insonda har xil boʻlishi mumkin. Kimdir "kunduz odami", kimdir" tun odami" ekanligi tabiiy. Biroq oʻzlashtirishda koʻpchilik uchun umumiy boʻlgan faollik darajalari bor.
Tadqiqotlarga koʻra: Ertalabki soat 7.00 dan soʻng insonda ish qobiliyati oshadi.
Soat 9.00 dan 11.00 gacha "eng yuqori daraja", deb nomlangan optimal ish qobiliyati kuzatiladi.
Taxminan soat 12.00-13.00 larda qobiliyat pasayadi.
14.00-15.00 larga borib, eng pastki darajaga tushadi-charchoqning aniq ifodalangan tashqi belgilari koʻrinadi (masalan, ishning sekinlashishi, xatolarni sezmaslik, esnash va h. k)
Soat 15.00 dan keyin qobiliyat bir oz koʻtariladi, ammo tushlikkacha vaqtdagi holatga qaytmaydi va shu holatda soat 17.00 dan 19.00 gacha oʻzgarmaydi.
Baʼzilarda soat 20.00 dan soʻng yana" yuqori faollik darajasi" paydo boʻladi va u soat 22.00 gacha saqlanadi. Ammo, bunday odamlar kamdan-kam.
186 views05:30