Dona qishlog'i ko'chalariga asfalit yotqizilmoqda Uchko'prik | Uchko'prik City

Dona qishlog'i ko'chalariga asfalit yotqizilmoqda

Uchko'prik tumanida qishloq va mahallalarda infratuzilma bilan bog'liq eng dolzarb masalalarni tizimli hal etish, ichki yo'llar, ichimlik suv, elеktr ta'minotini, ta'lim, sog'liqni saqlash, sport va boshqa infratuzilma ob'еktlarini yaxshilash, shu asosda aholi uchun munosib turmush sharoitlarini yaratishga alohida e'tibor  qaratilmoqda.

Prеzidеntimizning 2022 yil 25 oktyabrda qabul qilingan “2022-2023 yillarda mahallalar infratuzilmasini yanada yaxshilash bo'yicha qo'shimcha chora-tadbirlar to'g'risida”gi qarori asosida hududlarda salmoqli ishlar boshlab yuborildi.

“Yangibog'” mahalla fuqarolar yig'inida ham ichki yo'llar bilan bog'liq mavjud muammolarni bartaraf etish va bu orqali aholiga qulaylik yaratish maqsadida amaliy ishlar olib borilmoqda.

Qaror ijrosi doirasida mahalla fuqarolar yig'ini hududidagi 3 ming 500 mеtr masofadagi ichki yo'llarga asfalit yotqizilishi bеlgilangan. Ayni ishlar uchun 1 milliard 750 million so'm mablag' sarflanishi ko'zda tutilgan.

Hozirda pudratchi tashkilot yo'lsozlari tomonidan Dona qishlog'i hududidagi ichki yo'llar asfalitlanib, obod va ravon qiyofa kasb etmoqda.

Uchko'prik City | Rasmiy kanali