•Uchinchi sektor•

2021-01-27 17:34:13 Ижтимоий ҳимоя олиш учун чеклов олиб ташланган.

Оила аъзоларига тўғри келадиган даромадлар ҳар бир киши учун ойига 358 минг сўмдан кам бўлган ёки ҳудудий бандлик ва меҳнат муносабатлари бўлимларида ишсиз сифатида рўйхатда турган шахсларга Ижтимоий ҳимоя ягона реестри орқали ижтимоий ёрдам электрон шаклда еўрсатилади деб хабар бурмоқда кун.уз ахборот портали.

Мақола билан танишиш https://kun.uz/21372212

@Uchinchi_Sektor Ochish/sharhlash

2021-01-26 08:13:04 #yangiliklar

Yoshlarga oid dasturlar va loyihalarni moliyalashtirish uchun NNTlar va fuqarolik jamiyatining boshqa institutlariga grantlar va subsidiyalar ajratiladi

Vazirlar Mahkamasining “O‘zbekiston Respublikasi Yoshlar ishlari agentligi faoliyatini tartibga solish sohasidagi normativ-huquqiy hujjatlarni tasdiqlash to‘g‘risida”gi qarori loyihasi Normativ-huquqiy hujjatlar loyihalari muhokamasi portaliga joylashtirildi. Ushbu loyihada Yoshlar ishlari agentligi tomonidan grant va subsidiya ajratish tartibi belgilab o‘tilgan.

Loyiha muhokamasi 2021-yil 5-fevralga qadar davom etadi.

Loyiha muhokamasida ushbu havola orqali ishtirok etib, tegishli taklif va mulohazalaringizni bildirishingiz mumkin.

@Uchinchi_Sektor Ochish/sharhlash

2021-01-26 05:12:06 #ijtimoiy_masala

NJB “Sharoit+” Toshkent shahridagi jismoniy imkoniyati cheklangan xotin-qizlarni turli uchrashuvlar, jamoaviy ishchi guruhlari, sherik-maslahati (psixologik suhbatlar) va jamoaviy video orqali qoʻllab-quvvatlash va ijtimoiy faolligini oshirish loyihasini amalga oshirdi

Loyiha Yevroosiyo jamgʻarmasi tomonidan moliyalashtirilib, Yoshlar ittifoqi qoshidagi Imkoniyati cheklangan yoshlar va bolalar markazi, “Yuksalish” umummilliy harakati, “Sanvikt” nogiron bolalar ilmiy tadqiqot badiiy markazi, jismoniy imkoniyati cheklangan xotin-qizlarning ota-onalari, mahalla fuqarolar yigʻinlari va koʻngilli volontyorlar hamkorligida 2019-yil 1-oktabrdan 2020-yil 20-martgacha tashkil etildi.

Quyidagi videolavhada loyiha ishtirokchilariga soʻz berildi: ular loyihaning hayotlariga ta’siri qanday boʻlganligi haqida fikr-mulohazalari bilan boʻlishishdi.

Loyiha haqida batafsil ma’lumot: https://sharoitplus.uz/jamoaviy-video-orqali-jismoniy-imkoniyati-cheklangan-ayollarni-ijtimoiy-faolligini-oshirish/ Ochish/sharhlash

2021-01-24 06:00:11 13-14-fevral kunlari Yosh innovatorlar forumi boʻlib oʻtadi

Yosh volontyorlar akademiyasining bepul Yosh innovatorlar forumi onlayn shaklda Telegram va Zoom platformalarida tashkil etiladi.

Forumda yangi doʻstlar orttirish, yangi gʻoyalar va fikrlar almashishdan tashqari, start-up loyihalarni rivojlantirish uchun ustozlar tajribasini oʻrganish imkoniyati taqdim etiladi.

Ishtirokchilar soni cheklangan.

Roʻyxatdan oʻtish uchun quyidagi manzilga murojaat qilish lozim: @yosh_innovatorlar_qabul

@Uchinchi_Sektor Ochish/sharhlash

2021-01-19 18:21:45 Oʻzbekiston Respublikasi Yoshlar ishlari agentligi huzuridagi Yoshlar muammolarini oʻrganish va istiqbolli kadrlarni tayyorlash instituti 2020-2021 oʻquv yili 4 oylik qayta tayyorlash oʻquv kurslarida oʻqish uchun tanlov eʼlon qiladi.
4 oylik qayta tayyorlash o‘quv kursiga 30 yoshdan oshmagan O‘zbekiston Respublikasining fuqarolari, oliy ma’lumotli va oliy ta’lim muassasasini tugatgandan keyin kamida 2 yil ish stajiga ega bo‘lgan davlat va xo‘jalik boshqaruvi organlari, mahalliy ijro etuvchi hokimiyat organlari, fuqarolarning o‘zini o‘zi boshqarish organlari, jamoat tashkilotlari rahbar xodimlari va mutaxassislari hujjat topshirishlari mumkin.

@Uchinchi_Sektor Ochish/sharhlash

2021-01-14 13:53:46 Assalomu alaykum!

Ijtimoiy tadbirkorlik maktabi yurtimiz tinchligi va farovonligiga mas’ul boʻlgan har bir yurtdoshimizni 14-yanvar - Vatan himoyachilari kuni bilan muborakbod etadi!

Ushbu mas’uliyatli vazifada Sizlarga mustahkam sogʻliq, chiroyli sabr-qanoat va jasorat hamda oilaviy xotirjamlik tilab qolamiz.

Cheksiz hurmat va ehtirom ila
Ijtimoiy tadbirkorlik maktabi jamoasi

@Uchinchi_Sektor Ochish/sharhlash

2021-01-11 06:11:44 ​​Ijtimoiy tadbirkorlik maktabining “Yetakchilik va ijtimoiy loyihalar tuzish” nomli bepul o‘quv kursida ishtirok eting!

Kursni ko‘p yillik tajribaga ega xalqaro ekspert Ted Elder olib boradi. Kursda asosiy e’tibor yetakchilik qobiliyatlarini rivojlantirish, ijtimoiy muammolarni aniqlash, tahlil qilish va ularning yechimiga qaratilgan loyihalar ishlab chiqish asoslariga qaratiladi. Darslar Zoom.us platformasida o‘zbek tilida bo‘lib o‘tadi.

Kurs 20-yanvardan boshlanib, 5 hafta davomida har chorshanba soat 19:00da bo‘lib o‘tadi.

Kursda ta’lim olish istagida bo‘lgan NNT vakillari hamda faol va mas’uliyatli yoshlar diqqatiga!

Ro‘yxatdan o‘tish uchun 16-yanvar soat 23:59 ga qadar @Uchinchi_Sektor_muloqot_bot orqali quyidagilarni yozib yuboring:
Ism-sharifingiz, ish/o‘qish joyingiz
Nodavlat notijorat tashkilotlar bilan tajribangiz bor-yo‘qligi
Nima uchun ushbu kursda ishtirok etishni istayotganingiz

Belgilangan muddatdan kechikkanlar arizalari ko‘rib chiqilmaydi. Ushbu bosqichdan o‘tganlargina 2-bosqichga taklif etiladi.

@Uchinchi_Sektor Ochish/sharhlash

2021-01-10 10:41:43 ​​#yoshlar4yoshlar
#yoshlar_yoshlaruchun

ITMning “Yoshlar - yoshlar uchun” loyihasi davom etadi. Navbatdagi mehmonimiz Muxlisa Orifjonova, Jahon iqtisodiyoti va diplomatiya universiteti magistranti, Ijtimoiy tadbirkorlik maktabi bitiruvchisi.

“Ijtimoiy tarmoqlarda marketing” deb nomlangan vebinarda Muxlisa bilan SMMga kirish, media reja tuzish, ijtimoiy tarmoqlar uchun kontent yaratish va, umuman, ijtimoiy tarmoqlarda mahsulot va xizmatlarni targ‘ib qilish haqida suhbatlashamiz.

Muxlisa International Sport Summit, Xalqaro matbuot markazi, Farg‘ona viloyat axborot kutubxona markazi, Meraki Academy, Digital Generation loyihalarida SMM menejer sifatida ishlagan. Hozirda Muhammad Al-Xorazmiy nomidagi axborot-texnologiyalariga ixtisoslashtirilgan maktab hamda O‘qituvchilar assotsiatsiyasida faoliyat olib bormoqda.

Muxlisa o‘zining “Odamcha” nomli telegram kanalida ham shaxsiy rivojlanishga oid qiziqarli ma’lumotlar berib boradi. Suhbatni o‘tkazib yubormang!

Uchrashuv joyi: https://us02web.zoom.us/j/5872505497 (Meeting ID: 587 250 5497)
Uchrashuv vaqti: 2021-yil 10-yanvar, soat 20:00

Vebinarga ulanganda Zoom profilingiz nomini ism-sharifingiz bilan nomlab qo‘yishingizni so‘raymiz.

@Uchinchi_Sektor Ochish/sharhlash

2021-01-10 07:07:15 ​​#feedback #BizHaqimizda

Assalomu alaykum. Men, Ismigul Matnazarova, Ijtimoiy tadbirkorlik maktabi o‘quvchisiman. Hozirda Urganch davlat universiteti Xorijiy filologiya fakulteti 4-bosqich talabasiman. Ijtimoiy tadbirkorlik maktabidan olgan taassurotlarimni Sizlar bilan baham ko‘rishni joiz topdim.

Ayni damda onlayn maktabda “Samarali muloqot” kursida o‘qiyapmiz. Bu kursni ko‘p yillik tajribaga ega Ted Elder olib boradilar. Kurs ingliz tilida bo‘lsa kerak, desangiz adashasiz. Kursning qulay tomoni u o‘zbek tilida ekanligidir. Chunki maktabimizda har xil yoshdagi va kasblardagi insonlar tahsil olishyapti.

Kursdan olgan taassurotlarim anchagina. Jumladan, insonlar bilan muloqotda qanday xatolarga yo‘l qo‘yishimni bilib oldim. Insonlar bilan samarali muloqotga kirishish uchun oldin ularni chin dildan eshita bilish lozim. Bu “active listening” tushunchasi bilan bog‘liq. Biz insonlarni tushunmas ekanmiz, ular bilan samarali muloqotga kirisha olmaymiz. Samarali muloqot esa hayotimizning ajralmas qismidir.

Kelajakda o‘z o‘quv markazimni ochishni niyat qilganman. O‘quv markazimning boshqa o‘quv markazlardan farqli jihati shundaki, unda tahsil olayotgan bolalar o‘z ijod na’munalarini (hunarmandchilik buyumlari, tasviriy san’at, robototexnika) chet ellik mehmonlarimizga namoyish qilishlari mumkin bo‘ladi. Bunda ITM maktabidan olayotgan bilimlarim albatta qo‘l kelishiga ishonaman.

ISMIGUL MATNAZAROVA,
“Samarali muloqot” kursi tinglovchisi, 2020

@Uchinchi_Sektor Ochish/sharhlash

2021-01-09 18:41:55 #imkoniyat

“Metsenat.uz” loyihasi doirasida Qashqadaryo viloyati hokimligi tomonidan talabalarning innovatsion loyihalari uchun ijtimoiy grant e’lon qilindi

Tanlovda doimiy yashash joyi Qashqadaryo viloyatida bo‘lgan barcha talabalar ishtirok etishlari mumkin. Tanlov doirasida 1 million so‘mdan 100 million so‘mgacha bo‘lgan loyihalar moliyalashtiriladi.

Innovatsion loyihalar quyidagi 6 yo‘nalish bo‘yicha qabul qilinadi:

neft va gaz, kimyo sanoati;
energetika;
qishloq xo‘jaligi, oziq-ovqat sanoati;
suv xo‘jaligi va ekologiya;
fan va ta’lim;
IT-texnologiyalar.

Tanlov uchun ariza va tegishli hujjatlar 2021-yilning 21-yanvariga qadar qabul qilinadi.

Batafsil ma'lumot: https://metsenat.uz/uz/grants/67?type=grant

@Uchinchi_Sektor Ochish/sharhlash