"Пахтаобод" овул фуқаролари йиғинида Тўрткўл тумани прокурори ёрдамчиси О.Зарипов, туман «Ҳунарманд» уюшмаси бошлиғи Ф.Атажанова ҳамда туман Микрокредитбанкининг кредит бўлими мутахассиси Б.Бекчановлар иштирокида ўтказилган учрашув ёшларни қийнаб келаётган муаммо-ишсизликка барҳам беришга қаратилди. Учрашувда соҳа вакиллари томонидан юртбошимиз ташаббуси билан давлатимиз томонидан ёшларга берилаётган имкониятлар ҳақида тушунтиришлар берилди. Жумладан, учрашув давомида ҳунар ўрганишни, ўз ҳунари орқали тадбиркорлик фаолиятини бошлашни истаган ёшлар учун имкониятлар тушунтирилди. Бунинг учун ёшлар томонидан амалга оширилиши керак бўлган касб-ҳунар ўрганишга бўлган қизиқиш, ташаббускорлик ва шижоат зарурлиги таъкидланди. Шунингдек, туман марказидан анча олисдаги ҳунар ўрганишга иштиёқманд ёшларни ўзлари яшаб турган ҳудудда фаолият юритаётган тажрибали ҳунармандларга бириктирилди. Тадбирда тажрибали ва қўли гул ҳунармандлар “Ҳунарманд” уюшмасига аъзоликка қабул қилиш истагини билдирдилар. Ёшлар мавзуга доир қизиққан саволларига жавоблар олдилар. Ушбу тадбир жараёнида ўндан ортиқ ёшлар устоз-шогирд анъанаси асосида ҳунар ўрганишга жалб қилинди. Тўрткўл тумани ҳокимлиги Ахборот хизмати. Каналга уланиш http://turtkulhokim.uz anba: http://t.me/turtkulhokim_uz https://www.facebook.com/turtkultumani.hokimligi
