Президент сайловида учинчи ўринни олган Синан Оған сайловнинг иккинчи даврасида бетараф қолиши, яъни Эрдоғанни ҳам, Қиличдорўғлини ҳам қўлламаслиги мумкинлигини маълум қилди.
У сайловнинг иккинчи даврасида номзодлардан бирини қўллаши учун шартлари борлигини айтган, хусусан, террорчиликка қарши кураш, террорчи ташкилотлар билан алоқадор партиялардан узоқлашиш, қочқинларни ватанига қайтариш ва ҳоказо.
Агар Синан Оған 28 майдаги сайловда ҳеч кимни қўлламайман деса, унинг тарафдорлари кўпроқ Эрдоғанга овоз берса керак.
