Маълумотларга кўра, жаҳоннинг QS ва Times Higher Education (THE) каби рейтинглари бўйича кучли юзталикка кирувчи билим юртларида ўзбекистонлик ёшлар сони жуда камчиликни ташкил этар экан. Биргина Британиянинг Оксфорд университетида бор-йўғи 5 нафар ўзбек ёшлари таҳсил олар экан.
Бироқ бу кўрсаткичлар Ўзбекистон ёшлари салоҳиятидан дарак бермайди.
Томирларида Ал-Хоразмий, Беруний, Форобий, Ибн Сино каби дунё тан олган алломаларнинг қони оқаётган ЎЗБЕКИСТОН ёшлари дунёнинг энг нуфузли олий таълим даргоҳларининг энг иқтидорли, энг фахрли талабалари қаторидан ўрин олишга қодир. Фақатгина бунинг учун уларга тўғри йўналтириш бериш, руҳлантириш ҳамда нималарга қодирлигига ишонтириш зарур.
2021 йил ёзида ташкил этилган ва шу вақтга қадар 2650 нафарнинг юрагига олов, шижоат уруғларини солган, яна минглаб ёшларнинг орзу ва умидига айланаётган “IBRAT Camp” оромгоҳининг навбатдаги мавсумига старт берилибди.
Бу йил оромгоҳда айнан жаҳоннинг ТОП университетларига қандай ўқишга кириш бўйича ўша таълим даргоҳларида таҳсил олган ва ўқиётган ёшларимиз мастер-класлар ўтказар экан.
Мен ушбу оромгоҳга боришни интиқлик билан кутаётган барча ёшларга куч-қувват ва шижоат, орзулари ушалиб, энг нуфузли университетлардан бизларга алангали саломларини йўллаб қолишларини тилайман.
@sanjarsaiduz
